بانی پی ٹی آئی نے خط میں بنیادی ایشوز کا ذکر کیا، فیصل چوہدری
اشاعت کی تاریخ: 14th, February 2025 GMT
اسلام آباد:
رہنما تحریک انصاف فیصل چوہدری کا کہنا ہے کہ اس خط کا مخاطب جو ہے وہ آرمی کی ٹاپ کمانڈ کے علاوہ عوام پاکستان ہیں، عمران خان بحثیت سابق وزیراعظم انھوں نے اس خط میں بنیادی تنازعات ایشوزکا ذکر کیا ہے جن کو حل کیے بغیر پاکستان میں درپیش چیلنجز سے نہیں نکلا جا سکتا۔
ایکسپریس نیوزکے پروگرام کل تک میں گفتگو کرتے ہوئے انھوں نے کہا کہ عمران خان نے کہا ہے کہ فوج بہت بڑی جنگ لڑ رہی ہے، فوج بھی میری ہے اور ملک بھی میرا ہے۔
رہنما مسلم لیگ (ن) بیرسٹر عقیل ملک نے کہا کہ خط و کتابت کا سلسلہ تو اسی طرح ہی ہے ایک نہیں دو، دو نہیں تین، فیصل چوہدری صاحب میرے بھائی ہیں پتہ نہیں کسی چوتھے خط کا بھی شاید آپ کے شو پر اعتراف نہ کر لیں۔
چوتھا خط مجھے لگتا یہ ہے کہ سیدھا وائٹ ہاؤس میں ڈونلڈٹرمپ کو لکھا جائے گا کہ یہاں پر تو بات بن نہیں رہی وہیں سے کسی قسم کی امداد آنی چاہیے، خطوں کا یہ سلسلہ چلتا رہے گا۔
تجزیہ کار منیب فاروق نے کہاکہ یہ ساری لڑائی ہے دست شفقت کی، دست شفقت کی طلب گار ہے پوری تحریک انصاف سمیت عمران خان صاحب کے، ہمارے ملک میں روایت بھی رہی ہے نہ، یہ سودا تو بکتا رہا ہے اور بکتا ہے ہر دفعہ بکتا ہے تو جس کو دست شفقت مل جاتا ہے اس کی بلے بلے ہو جاتی ہے، میں اور آپ خالی تجزیے کرتے ہیں۔
اس وقت جو صورت حال ہے وہ یہ ہے کہ عمران خان لکھ رہے ہیں، ایک کیا چار خطوط لکھیں، مین مسئلہ یہ ہے کہ میں تو سیدھی بات کرتا ہوں کہ آپ ہمارے ساتھ راز و نیاز کے معاملات دوبارہ شروع کیجیے اس کے جواب میں آپ کو مثالی تابع داری ملے گی۔
.ذریعہ: Express News
پڑھیں:
عمران خان کی 15 اپریل کو سیشن کورٹ میں پیشی، اڈیالہ جیل حکام نے خصوصی سیکیورٹی مانگ لی
بانی پاکستان تحریک انصاف (پی ٹی آئی) عمران خان کی 15 اپریل کو سیشن عدالت طلبی کے معاملے پر اہم پیش رفت ہوئی ہے، اڈیالہ جیل حکام نے عمران خان کو پیش کرنے کے لیے خصوصی سیکیورٹی مانگ لی ہے۔
نجی ٹی وی کے مطابق ڈسٹرکٹ اینڈ سیشن کورٹس اسلام آباد میں بانی پی ٹی آئی عمران خان کے خلاف اقدام قتل، جعلی رسیدوں اور دیگر مقدمات میں ضمانت کے حوالے سے دائر درخواستوں پر 15 اپریل کو سیشن عدالت میں سماعت کے دوران جج افضل مجوکا نے عمران خان کو ذاتی حیثیت میں طلب کر رکھا ہے۔
اڈیالہ جیل حکام نے عمران خان کو عدالت میں پیش کرنے کے لیے خصوصی سیکیورٹی مانگ لی۔
سپرنٹنڈنٹ اڈیالہ جیل کی جانب سے سیکورٹی کے لیے خط لکھ دیا گیا ہے، خط میں بانی پی ٹی آئی کی سیکورٹی کے لیے اڈیالہ جیل حکام نے خصوصی گارڈز مانگ لیے ہیں۔
ایڈیشنل سیشن جج افضل مجوکا نے بانی پی ٹی آئی عمران خان کو 15 اپریل کو پیش کرنے کی ہدایت کر رکھی ہے، بانی پی ٹی آئی کی اقدام قتل، جعلی رسیدوں و دیگر کیسز میں ضمانتوں کی درخواستیں زیر سماعت ہیں۔
Post Views: 4
واٹس ایپ نے چیٹ پرائیویسی سے متعلق نیا فیچر متعارف کرا دیا