ملکی خودمختاری پر کبھی سمجھوتہ نہیں کریں گے، علی محمد خان
اشاعت کی تاریخ: 14th, February 2025 GMT
اسلام آباد:
رہنما تحریک انصاف علی محمد خان کا کہنا ہے کہ مثالی طور پر بات کی جائے تو کسی بھی بین الاقوامی ادارے کو اپنے اندرونی معاملات میں مداخلت کی دعوت نہیں دینی چاہیے نہ کبھی ہم نے دی ہے اور نہ ہم کریں گے۔
ایکسپریس نیوز کے پروگرام سینٹر اسٹیج میں گفتگو کرتے ہوئے انھوں نے کہا کہ لیکن کچھ انفارمیشن پاس کرنا اس لیے ضروری ہے کہ ان اداروں کے ساتھ جب آپ کی ایگریمنٹ ہوتی ہے تو آپ کچھ کمٹمنٹس کرتے ہیں۔
ایک سوال پران کا کہنا تھا کہ ہم پاکستان کی خود مختاری پر کبھی سمجھوتہ نہیں کریں گے، یہ خود مختاری کا سبق ہمیں نہ سکھائیں۔
رہنما مسلم لیگ(ن) بلال اظہر کیانی کہا کہ یہ ایک تباہ کن سلسلے کی کڑی ہے دیکھا جائے تو آئی ایم ایف کو ان کی یہ کوئی پہلی چٹھی نہیں ہے۔
آپ کو یاد ہے کہ 2022جب عمران خان کی حکومت گئی اور جاتے جاتے آئی ایم ایف کا پروگرام توڑا پھر ہماری حکومت نے آ کر انھیں کا ٹوٹا پھوٹا پروگرام ریاست کی ضرورت سمجھتے ہوئے ریوائیو کیا تو اس وقت خیبر پختونخوا کے وزیر خزانہ کی طرف سے آئی ایم ایف کو ایک چٹھی لکھی گئی اور پروگرام کوسبوتاژ کرنیکی کوشش کی گئی۔
کورٹ رپورٹر ایکسپریس جہانزیب عباسی نے کہا کہ چیف جسٹس آف پاکستان سے آئی ایم ایف کے وفد کی ملاقات غیر معمولی ہے، کم از کم عدالتی تاریخ میں اس قسم کی مثال نہیں ملتی کہ آئی ایم ایف وفد جو مالیاتی امور دیکھتا ہے وہ عدلیہ کے امور میں خاصی دلچسی رکھ رہا ہے۔
ایک سوال پر ان کا کہنا تھا کہ میں نے صدر سپریم کورٹ بار سے پوچھا تھاکہ کن نکات پر بات ہو گی تو انھوں نے جواب دیا کہ ہم ملاقات کے بعد تفصیل فراہم کریں گے۔
.ذریعہ: Express News
کلیدی لفظ: ا ئی ایم ایف کریں گے
پڑھیں:
جب تک نوجوان کھڑے ہیں پاک فوج کبھی نہیں ہارے گی:آرمی چیف
چیف آف آرمی سٹاف جنرل سید عاصم منیر نےپاکستان بھر سے مختلف جامعات سے آنے والے سٹوڈنٹس سے ملاقات کی اور بات چیت کی۔آرمی چیف جنرل عاصم منیر کا طلبہ سے خصوصی گفتگو میں کہنا تھا کہ ملک کے نوجوانوں سے گفتگو ہمیشہ انتہائی خوشی کی بات ہے،جب تک قوم خصوصاً نوجوان ساتھ کھڑے ہیں پاک افواج کبھی نہیں ہارے گی۔آرمی چیف نے کہا کہ ہم کامریڈز کی طرح لڑتے ہیں،ہمارے لیے پاکستانیت سب سے اہم ہے ، ہم فتنہ الخوارج کے فسادیوں سے لڑ رہے ہیں،یہ عناصر اسلام کی غلط تشریح کر رہے ہیں،یہ فتنہ الخوارج کس شریعت اور دین کی بات کرتے ہیں؟کبھی بھی فتنہ الخوارج کو فرسودہ سوچ ملک پر مسلط نہیں کرنے دینگے ۔آرمی چیف نے مزید کہا کہ خیبرپختونخوا اور بلوچستان کے عوام دہشتگردوں کیخلاف آہنی دیوار کی طرح کھڑے ہیں،ہمیں اپنے مذہب،تہذیب اور روایات پر فخر ہے، خوارجی عناصر اسلامی تعلیمات کی خلاف ورزی کر رہے ہیں،فسادیوں کے بارے میں اسلام کے احکامات بہت واضح ہیں،پاکستان کا مستقبل محفوظ ہاتھوں میں ہے۔آرمی چیف جنرل عاصم منیر کا کہنا تھا کہ ریاست کے سامنے سرنڈر کرنے والے رحم کی توقع کرسکتے ہیں ، اسلام نے خواتین کو خصوصی حقوق دیئے ہیں،خوارجیوں کو یہ کس نے اختیار دیا کہ وہ خواتین سے حقوق چھین لیں؟ اسلام نے ہر حیثیت میں عورت کو حقوق دیئے ہیں، اسلام کے دیئے ہوئے حقوق کوئی نہیں چھین سکتا،گمراہ گروہ کو ملک پر اپنے نظریات مسلط نہیں کرنے دینگے۔انہوں نے کہا کہ پاکستانی عوام، بالخصوص نوجوانوں کا پاک فوج سے ایک انتہائی مضبوط رشتہ ہے، ملک دشمن عناصر کی فوج اور عوام کے درمیان خلیج ڈالنے کی کوشش ہمیشہ ناکام رہی ہے اور رہے گی، ہمیں ا پنے مذہب، تہذیب اور روایات پر فخر ہے غیور خیبر پختونخوا ہ اور بلوچستان کے غیور لوگ دہشت گردوں کے خلاف آہنی دیوار کی طرح کھڑے ہیں۔
ایلون مسک کی کمپنی نے ٹرمپ سے بڑا ٹھیکہ منظور کروا لیا