ڈحاکا :حسینہ واجد دور میں تشدد سے ڈیڑھ ہزا ر مظاہرین کی ہلاکت کا انکشاف
اشاعت کی تاریخ: 14th, February 2025 GMT
جنیوا ( مانیٹرنگ ڈیسک ) اقوامِ متحدہ کے دفتر برائے انسانی حقوق نے بدھ کے روز اعداد و شمار کا اندازہ لگایا ہے کہ بنگلا دیش میں گزشتہ موسم گرما کے چھے ہفتوں کے دوران ممکنہ طور پر 1400 افراد ہلاک ہوئے۔ یہ ہلاکتیں اس دوران ہوئیں جب بنگلا دیش کی معزول سابق وزیر اعظم شیخ حسینہ واجد کے خلاف طلبہ کی قیادت میں ہونے والے مظاہروں کے خلاف کریک ڈاؤن کیا گیا تھا۔ایک نئی رپورٹ میں جنیوا میں قائم دفتر نے کہا ہے کہ سیکورٹی اور انٹیلی جنس سروسز نے منظم طریقے سے حقوق کی خلاف ورزیاں کیں جو انسانیت کے خلاف جرائم کے مترادف ہو سکتی ہیں اور ان پر مزید تحقیقات کی ضرورت ہے۔ مختلف معتبر ذرائع کا حوالہ دیتے ہوئے دفتر برائے انسانی حقوق نے کہا ہے کہ یکم جولائی سے 15 اگست
کے درمیان ہونے والے مظاہروں میں ممکنہ طور پر تقریباً 1400 افراد ہلاک اور ہزاروں زخمی ہوئے جن میں سے زیادہ تر کو بنگلا دیش کی سیکورٹی فورسز نے گولی ماری تھی۔اقوامِ متحدہ کے انسانی حقوق کے سربراہ وولکر ترک نے ان علامات کا حوالہ دیا کہ احتجاج کو دبانے کے لیے ماورائے عدالت قتل، وسیع پیمانے پر من مانی گرفتاریاں اور نظربندیاں اور تشدد کیا گیا جو سیاسی قیادت اور اعلیٰ سیکورٹی حکام کے علم اور تعاون سے ہوا۔اقوامِ متحدہ کی تحقیقاتی ٹیم کو ملک کے عبوری رہنما اور نوبل امن انعام یافتہ محمد یونس کی دعوت پر بنگلا دیش میں تعینات کیا گیا تھا تاکہ اس بغاوت کا جائزہ لیا جائے جس نے بالآخر وزیر اعظم شیخ حسینہ کو بھارت فرار ہونے پر مجبور کر دیا۔ سرکاری ملازمتوں کے لیے کوٹاسسٹم سے مایوس طلبہ نے پرامن مظاہروں کا آغاز کیا جو غیر متوقع طور پر حسینہ واجد اور ان کی حکمران جماعت عوامی لیگ کے خلاف ایک بڑی بغاوت میں بدل گیا تھا۔
ذریعہ: Jasarat News
پڑھیں:
شندور پولو کے فاتح گھوڑے کی لاہور میں اچانک ہلاکت، چترال پولو کے گھوڑے بیمار کیوں ہوئے؟
لاہور میں پہلی بار فری اسٹائل پولو میچز کے دوران چترال پولو ٹیم کے گھوڑے اچانک بیمار ہوگئے اور کپتان کے گھوڑے سمیت 2 ہلاک ہوگئے جبکہ 7 کو بدستور طبی امداد دی جارہی ہے۔
پولو کے ممتاز کھلاڑی شہزادہ سکندر الملک کپتان چترال پولو ٹیم نے بتایا کہ چترال پولو ٹیم کے کھلاڑی گھوڑوں کو لے کر میچ کے لیے لاہور آئے ہیں، گزشتہ روز گلگت کے ساتھ میچ ہوا جس میں چترال کو کامیابی ملی۔
یہ بھی پڑھیں پولو کے لیے مشہور ’شندور‘ میں سجا آئس ہاکی کا میلہ
انہوں نے بتایا کہ اتوار کو میچ سے پہلے اچانک گھوڑوں کی حالت خراب ہونا شروع ہوئی اور 2 گھوڑے میچ سے بھی باہر ہوئے۔ ’میچ سے قبل گھوڑے اچانک ہیضہ میں مبتلا ہوئے اور جس کے باعث وہ کھیل میں شامل نہیں ہوسکے۔‘
شہزادہ سکندر نے بتایا کہ میچ کے روز وہ 6 گھوڑوں کے ساتھ میدان میں اترے اور کھیل میں حصہ لیا، تاہم میچ کے اختتام پر تمام گھوڑے ہیضہ میں مبتلا ہوگئے۔ ’ابھی تک ہمیں معلوم نہیں کہ گھوڑوں کو کیا ہوا ہے، ان کی حالت خراب ہے اور اہم سخت پریشان ہیں۔‘
انہوں نے کہاکہ اس وقت 7 گھوڑوں کا علاج جاری ہے اور وہ گزشتہ روز سے ان کی دیکھ بھال کررہے ہیں۔
’گھوڑوں کو بچوں کی طرح پالتے ہیں‘
شہزادہ سکندر الملک نے بتایا کہ ہیضہ کی وجہ سے ان کا قیمتی اور بہترین گھوڑا ’سلور‘ ہلاک ہوگیا ہے جس سے وہ ساخت مایوس ہیں۔ انہوں نے بتایا کہ اس کے بعد ایک اور کھلاڑی کا گھوڑا بھی ہیضہ سے ہلاک ہوگیا۔ ’ہمارے دو گھوڑے ہلاک ہوئے ہیں اور 7 بدستور بیمار ہیں۔‘
انہوں نے بتایا کہ ان کا گھوڑا بہترین تربیت یافتہ تھا اور دو بار شندور میں فاتح رہا۔ ’گھوڑے کی ہلاکت پولو کھلاڑی کے لیے سب سے بڑا نقصان ہوتا ہے۔ میرے گھوڑے سلور کی قیمت 25 لاکھ روپے تک تھی۔‘
’پوسٹ مارٹم رپورٹ کے بعد وجوہات سامنے آئیں گی‘
شہزادہ سکندر الملک نے بتایا کہ اس وقت 7 بیمار گھوڑوں کا علاج جاری ہے اور وہ اس بیماری کے بارے میں کچھ بتانے کے قابل نہیں ہیں۔ ہلاک ہونے والے گھوڑوں کا پوسٹ مارٹم ہوا ہے لیکن رپورٹ ابھی آنا باقی ہے۔ ’جب رپورٹ آئے گی تو وجوہات کا پتا چل جائے گا۔‘
یہ بھی پڑھیں غیرمتوقع برف باری آڑے آگئی، شندور پولو فیسٹیول ملتوی
فری اسٹائل پولو
چترال اور گلگت بلتستان میں فری اسٹائل پولو کی قدیم روایت برقرار ہے، اور سالانہ بنیادوں پر جولائی میں دنیا کے بلند ترین قدرتی پولو گراؤنڈ شندور میں روایتی حریف چترال اور گلگت کے ٹیموں کے مابین میچ کھیلا جاتا ہے۔ جسے دیکھنے دنیا بھر سے سیاح شندور پہنچ جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولو کھلاڑی پولو گھوڑے چترال شندور فری اسٹائل پولو گھوڑے بیمار گھوڑے ہلاک لاہور وی نیوز
ایلون مسک کی کمپنی نے ٹرمپ سے بڑا ٹھیکہ منظور کروا لیا