خیبرپختونخوا میں سیکیورٹی فورسز کی 5 کامیاب کارروائیاں، 13 خوارج ہلاک
اشاعت کی تاریخ: 14th, February 2025 GMT
راولپنڈی: سیکیورٹی فورسز نے خیبرپختونخوا کے مختلف علاقوں میں دہشت گردوں کے خلاف بڑی کارروائیاں کرتے ہوئے 13 خوارج کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق یہ انٹیلیجنس بنیاد پر 12 اور 13 فروری کی درمیانی شب پانچ مختلف مقامات پر آپریشن کیے گئے، جن میں مطلوب دہشت گردوں کو نشانہ بنایا گیا۔
پاک فوج کے شعبہ تعلقات عامہ (آئی ایس پی آر) کے مطابق ڈی آئی خان کے علاقے کولاچی میں سیکیورٹی فورسز نے ایک اہم کارروائی کی، جہاں دو طرفہ فائرنگ کے تبادلے میں شاہ گل نامی دہشت گرد سمیت 5 خوارج مارے گئے۔ سیکیورٹی ذرائع کے مطابق یہ دہشت گرد متعدد تخریبی کارروائیوں میں ملوث تھے۔
آئی ایس پی آر کے مطابق شمالی وزیرستان کے علاقوں دوسالی اور تاپی میں دو الگ الگ کارروائیوں کے دوران شدید فائرنگ کے تبادلے میں 5 دہشت گرد ہلاک ہوئے۔ ان دہشت گردوں سے بھاری مقدار میں اسلحہ اور دھماکا خیز مواد بھی برآمد ہوا، جو وہ ملک میں دہشت گردی کے منصوبے بنانے کے لیے استعمال کرنا چاہتے تھے۔
آئی ایس پی آر کا کہنا تھا کہ سیکیورٹی فورسز نے خیبرپختونخوا کے ضلع لکی مروت میں بھی ایک کامیاب آپریشن کیا، جس میں دو خطرناک دہشت گردوں کو ہلاک کر دیا گیا۔
سیکیورٹی فورسز کی کامیابی، قوم کا خراج تحسین
خیبرپختونخوا میں ان کامیاب کارروائیوں پر عوام اور سیکیورٹی ماہرین کی جانب سے پاک فوج اور دیگر سیکیورٹی اداروں کو خراج تحسین پیش کیا جا رہا ہے، ان کارروائیوں سے خطے میں امن و امان کی بحالی میں مدد ملے گی اور دہشت گردوں کے نیٹ ورک کو مزید کمزور کیا جا سکے گا۔
پاکستان کی سیکیورٹی فورسز ملک میں امن کے دشمنوں کے خلاف برسرِپیکار ہیں اور دہشت گردی کے خاتمے کے لیے ہر ممکن اقدامات کر رہی ہیں۔
.
ذریعہ: Al Qamar Online
کلیدی لفظ: پاکستان کھیل سیکیورٹی فورسز آئی ایس پی آر کے مطابق
پڑھیں:
خیبر پختونخوا میں کامیاب کاروائیوں پر صدر مملکت کا سکیورٹی فورسز کو خراجِ تحسین
سٹی 42 : صدر مملکت آصف علی زرداری نے کہا ہے کہ سکیورٹی فورسز دہشت گردی کے عفریت کے خاتمے کے لیے کاروائیاں کر رہی ہیں ۔
صدر مملکت نے خیبر پختونخوا میں 5 کامیاب کاروائیوں کے دوران 13 دہشت گردوں کو جہنم واصل کرنے پر سکیورٹی فورسز کو خراج تحسین پیش کیا ہے۔ آصف علی زرداری نے کامیاب کاروائیوں کے دوران 13 خوارج کو جہنم واصل کرنے پر سیکیورٹی فورسز کی بہادری کو سراہا ۔
تیز رفتار گاڑی 28 مزدور کچل گئی
صدر مملکت نے ملک سے فتنتہ الخوارج کے مکمل خاتمے کے عزم کا اعادہ کیا، کہا کہ سکیورٹی فورسز دہشت گردی کے عفریت کے خاتمے کے لیے کاروائیاں کر رہی ہیں، پوری قوم دہشت گردی کے خلاف متحد ہے۔ انہوں نے کہا کہ دہشت گردی کے مکمل خاتمے تک فتنتہ الخوارج کے خلاف کاروائیاں جاری رہیں گی ۔
جنگ بندی معاہدہ: اسرائیل نے 3 یرغمالیوں کے بدلے مزید 183 فلسطینی قیدی رہا کردیے