بابر اعظم تیز ترین 6 ہزار رنز مکمل کرنے کے قریب، تاریخ رقم کرنے کا سنہری موقع
اشاعت کی تاریخ: 14th, February 2025 GMT
کراچی: پاکستانی کرکٹ ٹیم کے مایہ ناز بلے باز بابر اعظم ایک اور اہم سنگ میل عبور کرنے کے قریب ہیں، پاکستان اور نیوزی لینڈ کے درمیان سہ ملکی سیریز کا فائنل 14 جنوری کو کراچی میں کھیلا جائے گا، جہاں بابراعظم کے پاس ون ڈے کرکٹ میں تیز ترین 6 ہزار رنز مکمل کرنے کا موقع ہوگا۔
تیز ترین 6 ہزار رنز کا عالمی ریکارڈ
ون ڈے کرکٹ میں تیز ترین 6 ہزار رنز بنانے کا عالمی ریکارڈ جنوبی افریقا کے ہاشم آملہ کے پاس ہے، جنہوں نے محض 123 اننگز میں یہ کارنامہ انجام دیا تھا۔ اس فہرست میں دوسرے نمبر پر بھارتی بلے باز ویرات کوہلی موجود ہیں، جنہوں نے 136 اننگز میں 6 ہزار رنز مکمل کیے تھے۔
بابر اعظم 122 اننگز میں 55.
دیگر عالمی کھلاڑیوں کی کارکردگی
اس فہرست میں شامل دیگر نمایاں بلے بازوں میں شامل ہیں:
کین ولیمسن (نیوزی لینڈ) اور ڈیوڈ وارنر (آسٹریلیا) 139 اننگز میں 6 ہزار رنز مکمل کیے،ویرات کوہلی (بھارت) 136 اننگز میں یہ کارنامہ انجام دیا، پاکستانی کھلاڑیوں میں 6 ہزار رنز بنانے والے بلے بازوں میں اگر بابر اعظم یہ سنگ میل عبور کر لیتے ہیں تو وہ ون ڈے کرکٹ میں 6 ہزار رنز مکمل کرنے والے پاکستان کے 11ویں کھلاڑی بن جائیں گے۔ اس سے قبل یہ اعزاز حاصل کرنے والے پاکستانی بلے باز درج ذیل ہیں:
1. سعید انور – 162 اننگز
2. محمد یوسف – 168 اننگز
3. جاوید میانداد – 175 اننگز
4. انضمام الحق – 176 اننگز
5. محمد حفیظ – 196 اننگز
6. یونس خان – 205 اننگز
7. شعیب ملک – 205 اننگز
8. اعجاز احمد – 210 اننگز
9. سلیم ملک – 212 اننگز
10. شاہد آفریدی – 276 اننگز
بابر اعظم کے لیے تاریخی موقع
بابر اعظم نے اپنے کیریئر میں ہمیشہ شاندار بیٹنگ کا مظاہرہ کیا ہے اور انہیں جدید دور کا سب سے کامیاب اور مستقل مزاج بلے باز سمجھا جاتا ہے۔ اگر وہ نیوزی لینڈ کے خلاف فائنل میں 10 رنز بنانے میں کامیاب ہو جاتے ہیں، تو وہ ہاشم آملہ کا ریکارڈ برابر کر دیں گے اور تیز ترین 6 ہزار رنز مکمل کرنے والے کھلاڑیوں کی فہرست میں پہلے نمبر پر آ جائیں گے۔
ذریعہ: Al Qamar Online
کلیدی لفظ: پاکستان کھیل تیز ترین 6 ہزار رنز نیوزی لینڈ ہاشم آملہ بلے باز
پڑھیں:
9 مئی کیسز، اے ٹی سی کو 4 ماہ میں ٹرائل مکمل کرنے کی ہدایت
---فائل فوٹوسپریم کورٹ نے انسدادِ دہشت گردی کی عدالتوں کو 9 مئی کے مقدمات کو 4 ماہ میں ٹرائل مکمل کرنے کی ہدایت کر دی۔
سپریم کورٹ میں 9 مئی ضمانت منسوخی کیس کی سماعت چیف جسٹس پاکستان یحییٰ آفریدی کی سربراہی میں 3 رکنی بینچ نے کی۔
عدالت نے متعلقہ ہائی کورٹس کو ہر 15روز میں عمل درآمد رپورٹس پیش کرنے کی بھی ہدایت کر دی۔
نامزد ملزم رضوان مصطفیٰ کے وکیل کو ویڈیو لنک کے ذریعے پیش کیا گیا۔
سپریم کورٹ آف پاکستان نے پنجاب حکومت کی جسمانی ریمانڈ کی اپیل پر سابق گورنر پنجاب عمر سرفراز چیمہ کو نوٹس جاری کر دیا۔
درخواست گزار کے وکیل نے کہا کہ 143 گواہان ہیں، 4 ماہ میں ٹرائل مکمل نہیں ہو سکے گا۔
چیف جسٹس پاکستان نے کہا کہ آپ ذرا اونچی آواز میں پڑھیں، قانون کیا کہتا ہے، 1 ماہ اضافی دے کر 4 ماہ کا وقت اسی لیے دیا تاکہ ٹرائل مکمل ہو جائے۔
دورانِ سماعت خدیجہ شاہ کے وکیل سمیر کھوسہ بھی عدالت میں پیش ہوئے انہوں نے کہا کہ میری مؤکلہ 3 کیسز میں نامزد ہے۔
درخواست گزار کے وکیل نے کہا کہ عدالت آبزرویشن دے کہ انہیں مزید کیسز میں نامزد نہ کیا جائے، ہمارے حقوق متاثر نہ ہوں، تمام کیسز میں یہ آبزرویشن دے دیں۔
چیف جسٹس پاکستان نے کہا کہ بے فکر رہیں آپ کے حقوق متاثر نہیں ہوں گے، ہم آرڈر میں خصوصی طور پر لکھ دیں گے۔
خدیجہ شاہ کے وکیل نے کہا کہ بعض کیسز میں چالان کی کاپیاں فراہم نہیں کی جاتیں۔
چیف جسٹس پاکستان نے اسپیشل پراسیکیوٹر کو ہدایت کی کہ تمام ریکارڈ فراہم کیا جانا چاہیے۔
ویزوں کے مسائل حل، یو اے ای جانے کے خواہشمند افراد کیلئے بڑی خوشخبری