امریکی وزیر خارجہ کا اسرائیل کو جنگ دوبارہ شروع کرنے کا مشورہ
اشاعت کی تاریخ: 13th, February 2025 GMT
واشنگٹن: امریکی وزیر خارجہ مارکو روبیو نے اسرائیل کو غزہ پر دوبارہ حملہ کرنے اور حماس کے خلاف جنگ جاری رکھنے کے لیے اکسانے کی کوشش کرتے ہوئے کہا ہےکہ جنگ بندی معاہدے کی ایک بڑی مشکل یہ ہے کہ اس دوران حماس اپنے اسلحے کی سپلائی اور نیٹ ورک کو مزید مستحکم کر رہی ہے۔
غیر ملکی میڈیا رپورٹس کے مطابق امریکی وزیر خارجہ کے بیان نے خطے میں پہلے سے کشیدہ صورتحال کو مزید حساس بنا دیا ہے، جس کے بعد جنگ بندی معاہدہ ختم ہونے کا امکان ہے۔
امریکی وزیر خارجہ نے کہاکہ حماس جنگ بندی کا فائدہ اٹھا رہی ہے، جنگ میں وقفہ حماس کو اپنے وسائل منظم کرنے اور خود کو طاقتور بنانے کا موقع فراہم کر رہا ہے، جو مستقبل میں اسرائیل کے لیے مزید مشکلات پیدا کر سکتا ہے۔
مارکو روبیو نے کہا کہ اسرائیل کو چاہیے کہ وہ حماس کو دوبارہ مسلح اور مستحکم ہونے کا موقع نہ دے، لیکن اسرائیل کو اس کا فائدہ عقل مندی سے اٹھانا ہوگا تاکہ حماس دوبارہ خطرناک نہ بن سکے۔
.ذریعہ: Jasarat News
کلیدی لفظ: امریکی وزیر خارجہ اسرائیل کو
پڑھیں:
اسرائیل رواں سال ایران کی جوہری تنصیبات پر حملہ کرسکتا ہے: امریکی اخبار
اسرائیل رواں سال ایران کی جوہری تنصیبات پر حملہ کرسکتا ہے: امریکی اخبار WhatsAppFacebookTwitter 0 13 February, 2025 سب نیوز
واشنگٹن(آئی پی ایس )امریکی اخبار کی جانب سے دعوی کیا گیا ہے کہ اسرائیل ایران کی جوہری تنصیبات پر حملہ کرسکتا ہے۔اخبار کا کہنا ہے کہ امریکی انٹیلیجنس رپورٹس کے مطابق اسرائیلی حملہ رواں سال کے وسط تک ہوسکتا ہے اور اس سے ایران کا جوہری پروگرام ہفتوں یا مہینوں پیچھے چلا جائیگا اور خطے میں کشیدگی میں اضافے کے خطرات بڑھ جائیں گے۔امریکی انٹیلیجنس رپورٹس کے مطابق اسرائیل ایران کی فردو اور نطنز ایٹمی تنصیبات کو نشانہ بنا سکتا ہے۔
امریکی اخبار کی رپورٹ پر وائٹ ہا ئو س اور اسرائیلی حکومت نے کوئی تبصرہ نہیں کیا۔دوسری جانب سے امریکی انٹیلیجنس کی رپورٹ پر ایرانی صدر مسعود پزشکیان نے ردعمل دیتے ہوئے کہا ہے کہ دشمن جوہری تنصیبات پر حملہ کرسکتا ہیلیکن جوہری صلاحیتوں کو تباہ نہیں کرسکتا۔
ایرانی صدر نے کہا کہ دشمن نئے سرے سے جوہری پروگرام پرکام کرنے کی صلاحیتیں تباہ نہیں کرسکتا۔ خیال رہے کہ گزشتہ دنوں امریکی صدر ڈونلڈ ٹرمپ کا کہنا تھا کہ وہ ایران پر بمباری کرنے کے بجائے ایران سے ایٹمی ڈیل کرنے کو ترجیح دیں گے۔ امریکی اخبار کو انٹرویو میں ڈونلڈ ٹرمپ نے کہا اگر ہم معاہدہ کر لیتے ہیں تو اسرائیل ایران پر بمباری نہیں کرے گا، یہ نہیں بتا سکتا کہ ہم ایران کو کیا کہنے جا رہے ہیں تاہم امید ہے ایران جو کرنے کا سوچ رہا ہے وہ نہیں کرے گا۔
پاک بحریہ خطے میں امن و استحکام کیلئے مسلسل کردار ادا کر رہی ہے، نیول چیف ایڈمرل نوید اشرف