سندھ حکومت کی نئی ٹریفک پابندیاں: غیر رجسٹرڈ گاڑیاں سڑک پر نہیں آسکتیں
اشاعت کی تاریخ: 13th, February 2025 GMT
کراچی: شہر قائد میں ٹریفک حادثات کی بڑھتی ہوئی شرح اور شہریوں کی شکایات کے پیش نظر سندھ حکومت نے غیر رجسٹرڈ گاڑیوں کو سڑک پر لانے پر مکمل پابندی عائد کر دی ہے۔
میڈیا سے گفتگو کرتے ہوئے صوبائی وزیر اطلاعات و ٹرانسپورٹ شرجیل میمن نے نئی ٹریفک پالیسی کے تحت مختلف سخت اقدامات کا اعلان کرتے ہوئے کہا ہےکہ نمبر پلیٹس کے بغیر گاڑی سڑک پر نہیں آئے گی۔
شرجیل میمن نے کہاکہ کسی بھی گاڑی کو رجسٹریشن کے بغیر سڑک پر لانے کی اجازت نہیں دی جائے گی، محکمہ ایکسائز اینڈ ٹیکسیشن کے پاس اس وقت 80 ہزار نمبر پلیٹس موجود ہیں، لیکن عوام نے انہیں وصول نہیں کیا، حکومت نے فیصلہ کیا ہے کہ اگر کوئی گاڑی بغیر رجسٹریشن سڑک پر آئی تو کارروائی ہوگی۔
شو روم سے غیر رجسٹرڈ گاڑی باہر نکالنے پر شو روم سیل ہوگا
صوبائی وزیر نے واضح کیا کہ قانون کے مطابق کوئی بھی گاڑی جب تک رجسٹر نہیں ہوتی، وہ شو روم سے باہر نہیں آسکتی، کسی شو روم سے غیر رجسٹرڈ گاڑی باہر نکلی تو شو روم کو سیل کر دیا جائے گا اور گاڑی کو ضبط کر لیا جائے گا۔
واٹر ٹینکرز کے لیے بار کوڈ سسٹم متعارف
صوبائی وزیر نے مزید کہاکہ کراچی میں واٹر بورڈ کے واٹر ٹینکرز کی فٹنس چیک کرنے کے لیے بار کوڈ سسٹم متعارف کروا دیا گیا ہے،جو واٹر ٹینکرز واٹر بورڈ کے جاری کردہ بار کوڈز کے بغیر ہوں گے، انہیں سڑک پر چلنے کی اجازت نہیں ہوگی، ایسے تمام غیر رجسٹرڈ واٹر ٹینکرز کو فوری روکا جائے گا۔
ہیوی ٹریفک کے لیے فٹنس سرٹیفکیٹ لازمی قرار
انہوں نے مزید کہاکہ سندھ حکومت نے ہیوی ٹریفک کے لیے فٹنس سرٹیفکیٹ لازمی قرار دے دیا ہے، سندھ میں داخل ہونے والے دیگر صوبوں کے ہیوی ٹرکوں کو بھی سندھ کا فٹنس سرٹیفکیٹ لینا ہوگا،حکومت نے ہیوی ٹریفک کو فٹنس سرٹیفکیٹ حاصل کرنے کے لیے مخصوص وقت دیا ہے تاکہ وہ قانون کے مطابق اپنی گاڑیوں کی رجسٹریشن مکمل کروا سکیں۔
کراچی میں ڈمپرز کے اوقات میں تبدیلی
شرجیل میمن کاکہنا تھا کہ شہر میں ٹریفک کی روانی بہتر بنانے کے لیے ڈمپرز اور ہیوی لوڈ گاڑیوں کے چلنے کے اوقات میں تبدیلی کی گئی ہے، پہلے ڈمپرز کا وقت رات 11 بجے سے شام 6 بجے تک تھا،اب یہ وقت تبدیل کر کے رات 10 بجے سے صبح 6 بجے تک کر دیا گیا ہے، یہ فیصلہ عوام اور ٹرانسپورٹرز کی سہولت کے لیے کیا گیا ہے تاکہ دن کے اوقات میں ٹریفک کی روانی متاثر نہ ہو۔
.ذریعہ: Jasarat News
کلیدی لفظ: غیر رجسٹرڈ گاڑی واٹر ٹینکرز حکومت نے سڑک پر کے لیے
پڑھیں:
پانی ٹینکرز ، ہیوی ٹریفک دن میں سڑکوں پر آنے سے گریز کریں،آفاق احمد
بات نوٹی فکیش کی نہیں ،عمل درآمد کی ہے، سندھ حکومت کی وضاحت گمراہ کن ہے
کارکنان شر پسندعناصر پر نگاہ رکھیں، کوئی موقع سے فائد ہ نہ اُٹھانے پائے، چیئرمین
مہاجر قومی موومنٹ ( پاکستان )کے چیئر مین آفاق احمد نے کہاکہ پانی ٹینکرز اور ہیوی ٹریفک کے حوالے سے سندھ انتظامیہ کی بار بار کی وضاحت گمراہ کن ہے، بات نوٹی فکیش کی نہیں بلکہ اس پر عمل درآمد کی ہے،دن کے اوقات میں ٹینکرز اور ہیوی ٹریفک پولیس کی سرپرستی میں ہمارے لوگوں کی زندگیو ں کے چراغ گل کررہا ہے،جنہیں انسانی زندگیوں سے کھیلنے کی اجازت نہیں دے سکتے۔ آفاق احمد نے کہا کہ 48گھنٹے کا الٹی میٹم منگل کی صبح ختم ہورہاہے، اس کے بعد کراچی کے نوجوان جانتے ہیںانہیں اپنے لوگوں کی جان و مال کی حفاظت کیسے کرنا ہے۔آفاق احمد نے کہا کہ ہم ہائیڈرنٹ مالکان سے درخواست کرتے ہیں کہ دن کے اوقات میں ہائیڈرنٹ بند رکھیں تا کہ قرب وجوار کے علاقوں میں پانی کی بندش میں کمی آسکے جبکہ ٹینکرز اور ڈمپرز ڈرائیور زبھی سڑکوں پر ہیوی ٹریفک لانے سے گریز کریںجس کا مقصد قیمتی انسانی زندگیوں کو بچانا ہے۔آفاق احمد نے کہا کہ کارکنان شر پسند عناصر پر نگاہ رکھے کوئی بھی اس موقع کا ناجائز فائدہ اٹھانے کی کوشش نہ کرے، ہمارا اقدام قانون شکنی نہیں بلکہ قانون کی پاسداری کو یقینی بناناہے۔ آفاق احمد نے کہا کہ عوام کے صبر کا پیمانہ لبریز ہوچکا ہے سندھ انتظامیہ کا ایک غلط اقدام اور طاقت کا استعمال کراچی کی سیاست کو بدل کررکھ دیگا، عوام پر طاقت آزمانے کے بجائے قانون شکنوں کے خلاف ایکشن لیا جائے۔ آفاق احمد نے کہا کہ قانون پر عمل درآمد کرانا سندھ انتظامیہ کی ذمہ داری ہے بصورت دیگر عوام اپنے لوگوں کی زندگیاں بچانے کیلئے سخت اور مشکل فیصلے کرنے کو تیار بیٹھی ہے۔
نیوزی لینڈ کے راچن رویندرا چہرے پر گیند لگنے سے زخمی