رتی غیر قانونی تارکینِ وطن کی دوسری کھیپ 15 فروری کو امرتسر میں متوقع
اشاعت کی تاریخ: 13th, February 2025 GMT
امریکا سے نکالے جانے والے بھارتی باشندوں کو لے کر ایک اور طیارہ ہفتے کو امرتسر پہنچ رہا ہے۔ امریکا میں غیر قانونی تارکینِ وطن کے خلاف کریک ڈاؤن میں بھارتی باشندے بڑے پیمانے پر نشانہ بن رہے ہیں۔ امریکی حکام نے اُن تمام غیر قانونی تارکینِ وطن کو شارٹ لسٹ کرلیا ہے جنہیں ہر قیمت پر نکال باہر کرنا ہے۔ اس وقت امریکا میں سوا سات لاکھ بھارتی غیر قانونی تارکینِ وطن موجود ہیں۔ میکسیکو اور السلواڈور کے بعد یہ بھارت والے تارکینِ وطن کا سب سے بڑا گروپ ہیں۔
پنجاب کابینہ کے ایک رکن نے سوال اٹھایا ہے کہ غیر قانونی تارکینِ وطن کو لے کر آنے والی پروازوں میں اکثریت گجرات، اتر پردیش اور ہریانہ کے لوگوں کی ہے تو پھر پروازوں کو امرتسر میں کیوں اتارا جارہا ہے۔
104 بھارتی غیر قانونی تارکینِ وطن کو لے کر امریکی ایئر فورس کا ایک مال بردار طیارہ 5 فروری کو امرتسر میں اترا تھا۔ اس پرواز میں بیشتر افراد کا تعلق اتر پردیش، ہریانہ، گجرات اور آندھرا پردیش سے تھا۔
پنجاب کے وزیرِخزانہ ہرپال چیمہ نے الزام لگایا ہے کہ امریکا سے نکالے جانے والے بھارتی باشندوں کو لانے والے طیاروں کو امرتسر میں اترواکر بھارتیہ جنتا پارٹی شدید تنگ نظری کا مطالبہ کر رہی ہے۔
امریکا میں غیر قانونی تارکینِ وطن کے خلاف کریک ڈاؤن تیز کیے جانے پر بھارتی باشندے زیادہ لپیٹ میں آرہے ہیں۔ بھارتی میڈیا میں اس حوالے سے بھی بہت شور مچا ہوا ہے۔ تجزیہ کاروں کا کہنا ہے کہ ٹرمپ انتظامیہ بھارتی باشندوں کو حوالے سے جانب داری کا مظاہرہ کر رہی ہے۔
.ذریعہ: Jasarat News
کلیدی لفظ: غیر قانونی تارکین کو امرتسر میں
پڑھیں:
بھارتی کھلاڑی رشبھ پنت کی جان بچانے والے شخص نے زہر کیوں کھا لیا؟
بھارتی کرکٹر رشبھ پنت کی جان بچانے والے شخص اور اس کی گرل فرینڈ نے خودکشی کی غرض سے زہر کھا لیا۔
یاد رہے کہ 25 سالہ رجت کمار نے سنہ2022 میں ہونے والے کار حادثے میں بھارتی کرکٹر رشبھ پنت کی جان بچائی تھی۔
یہ بھی پڑھیں: چیمپیئنز ٹرافی: انڈیا نے اسکواڈ کا اعلان کردیا، کن اہم کھلاڑیوں کی واپسی ہوئی؟
بھارتی میڈیا کے مطابق 9 فروری کو اتر پردیش کے مظفر نگر ضلعے کے گاؤں بوچھا بستی میں رجت کمار اور اس کی 21 سالہ گرل فرینڈ منو کیشپ نے زہر کھالیا۔ منو کیشپ کی دوران علاج موت ہوگئی جب کہ رجت کمار کی حالت بھی تشویشناک بتائی جارہی ہے۔
جان دینے کے ارادے سے زہر پینے کی بظاہر وجہ یہ بتائی جا رہی ہے کہ دونوں کے گھر والے ذات کے فرق کے باعث ان کے رشتے کے خلاف تھے۔ دونوں خاندانوں نے رجت اور منو کی شادیاں کہیں اور طے کی ہوئی تھیں۔
منو کیشپ کی موت کے بعد اس کی ماں نے الزام لگایا ہے کہ رجت کمار نے ان کی بیٹی کو اغوا کیا اور اسے زہر دیا۔
مزید پڑھیے: ’رنگ کالا، انگریزی آتی نہیں‘، شوہر کے طعنوں سے تنگ نوجوان لڑکی نے خودکشی کرلی
واضح رہے کہ رجت کمار نے دسمبر 2022 میں اس وقت قومی توجہ حاصل کی جب انہوں نے ایک اور شخص نیشو کمار کے ساتھ مل کر کرکٹر رشبھ پنت کو پیش آنے والے حادثے میں ان کی جان بچائی تھی۔
رشبھ پنت دہلی سے اتراکھنڈ جا رہے تھے کہ ان کی گاڑی ڈیوائیڈر سے ٹکراکر 300 میٹر دور جا کر گری اور اس میں آگ بھڑک اٹھی۔ یہ صورتحال دیکھ کر رجت اور نیشو کمار نے مل کر شیشہ توڑ کر رشبھ کو گاڑی سے باہر نکالا تھا اور طبی امداد کے لیے فوری اسپتال لے گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت خودکشی رجت کمار رشبھ پنت رشبھ پنت کار حادثہ
کراچی ایئرپورٹ : جعلی دستاویزات پر بیرون ملک جانے والے دو مسافر زیر حراست