ایلون مسک نے سرکاری اخراجات گھٹانے کے لیے شاہکار مشورہ دے دیا
اشاعت کی تاریخ: 13th, February 2025 GMT
امریکا کے صدر ڈونلڈ ٹرمپ کے دستِ راست اور سرکاری اداروں کی کارکردگی بہتر بنانے کے ادارے کے سربراہ ایلون مسک نے کہا ہے کہ امریکا کے لیے اب اپنے اخراجات پر قابو پانا ناگزیر ہوچکا ہے۔ صدر ٹرمپ کو پہلے مرحلے میں تمام ہی وفاقی ایجنسیز کو ختم کردینا چاہیے۔ اگر اخراجات پر قابو پانا ہے تو اس طرح کے انقلابی اقدامات کرنا ہی پڑیں گے۔
صدر ٹرمپ نے سرکاری اداروں اور محکموں کی کارکردگی بہتر بنانے اور اخراجات گھٹانے کے حوالے سے ایلون مسک کو ٹاسک سونپ رکھا ہے۔ ایلون مسک کا کہنا ہے کہ چھوٹے موٹے اقدامات سے کچھ نہ ہوگا۔ لازم ہے کہ بڑے اقدامات کیے جائیں تاکہ اخراجات نمایاں طور پر کم ہوسکیں۔ انہوں نے دبئی میں منعقد ہونے والی ورلڈ گورنمنٹ سربراہ اجلاس کے لیے ایک پیغام میں کہا کہ صدر ٹرمپ کو تمام وفاقی ایجنسیوں کو بیک جنبشِ قلم ختم کرنا چاہیے تاکہ غیر ضروری ردِعمل کی گنجائش ہی پیدا نہ ہو۔
ایلون مسک کا کہنا تھا کہ ہمیں بہت عجیب صورتِ حال کا سامنا ہے۔ ایک طرف عوام کی منتخب حکومت ہے اور دوسری طرف بیورو کریسی۔ بہت سے معاملات بیورو کریسی کے ہاتھوں تاخیر کا شکار ہوکر دم توڑ دیتے ہیں۔ ایک طرف عوام کی حکمرانی ہے اور دوسری طرف بیورو کریسی کی حکمرانی۔ مفادِ عامہ کے بہت سے منصوبے محض اس لیے تاخیر کی نذر ہو جاتے ہیں کہ بیورو کریسی نے اپنے حصے کا کام بروقت مکمل نہیں کیا ہوتا۔ اب اس حوالے سے مزید تاخیر اور کوتاہی برداشت نہیں کی جاسکتی۔
ایلون مسک کو غیر معمولی نوعیت کی ذؐمہ داریاں سونپے جانے پر بیورو کریسی میں بھی مخالفت کی فضا پائی جاتی ہے۔ میڈیا پر بھی اس حوالے سے بہت کچھ آرہا ہے۔ بہت سے تجزیہ کاروں اور مبصرین کا کہنا ہے کہ ایلون مسک کو حکومتی اداروں کی کارکردگی مانیٹر کرنے کا تجربہ نہ ہونے کے برابر ہے اس لیے اُنہیں اِتنی بھاری ذمہ داری سونپنا کسی بھی اعتبار سے دانش مندانہ اقدام نہیں۔
ٹرمپ انتظامیہ کو چھانٹیوں کا مشورہ دینے پر بیشتر سرکاری ملازمین ایلون مسک سے سخت نالاں ہیں۔ انہوں نے اس پر شدید احتجاج کیا ہے۔ وہ کہتے ہیں کہ ایلون مسک تمام معاملات کو بگاڑ کر آپس میں الجھادینا چاہتے ہیں۔
.ذریعہ: Jasarat News
کلیدی لفظ: بیورو کریسی ایلون مسک
پڑھیں:
بھارتی خاتون نے سرکاری نوکری ہتھیانے کے لیے شوہر قتل کردیا
بھارت میں خاتون نے شوہر کی سرکاری نوکری حاصل کرنے اور اپنے بوائے فرینڈ سے صلح کرنے کے لیے شوہر کو قتل کر دیا۔
بھارتی شہر بجنور میں ایک بھارتی خاتون شیوانی نے مبینہ طور پر اپنے شوہر دیپک کمار کی ریلوے کی نوکری ہتھیانے کے لیے قتل کر دیا۔ واضح رہے کہ پہلے پہل دیپک کمار کی موت کی وجہ ہارٹ اٹیک ظاہر کی گئی، تاہم پوسٹ مارٹم رپورٹ میں گلا گھونٹنے کا انکشاف کیا گیا۔
گزشتہ دنوں بھارتی ریاست اتر پردیش کے شہر بجنور میں نوراتری پوجا کے دوران ایک شخص کے انتقال کرجانے کی خبر سامنے آئی۔ اس کی اہلیہ شیوانی نے بتایا کہ 29 سالہ ریلوے ٹیکنیشن دیپک کمار ایک مذہبی رسم میں شرکت کے دوران اچانک اپنے گھر پر گر گیا۔ خاتون نے ظاہر کیا کہ شوہر کی موت دل کا دورہ پڑنے سے ہوئی۔
یہ بھی پڑھیے بھارت: وحشیانہ جنسی زیادتی کے بعد قتل ہونے والی ٹرینی ڈاکٹر کے والد نے کیا مطالبہ کیا؟
تاہم دیپک کے خاندان والوں نے دیپک کی آخری رسومات سے پہلے پوسٹ مارٹم پر اصرار کیا۔ بعدازاں پوسٹ مارٹم رپورٹ سے چونکا دینے والا نتائج سامنے آئے۔ رپورٹ میں بتایا گیا کہ دیپک کی موت قدرتی وجوہات کی بناء پر نہیں ہوئی بلکہ اسے گلا گھونٹ کر مارا گیا تھا۔ اس انکشاف کے بعد پولیس نے تحقیقات شروع کیں اور دیپک کی 27 سالہ بیوی شیوانی کو گرفتار کر لیا۔
حکام کا خیال ہے کہ اس نے یہ جرم اپنے کسی ساتھی کی مدد سے کیا ہے۔ دیپک کے اہل خانہ کے مطابق، مبینہ قتل کے پیچھے مقصد شیوانی کا اپنے شوہر کی موت کے بعد ریلوے کی نوکری حاصل کرنا تھا۔
یاد رہے کہ بجنور کے مکرند پور گاؤں کا رہنے والا دیپک نجیب آباد کے آدرش نگر میں کرائے کے مکان میں بیوی شیوانی اور 6 ماہ کے بیٹے کے ساتھ رہ رہا تھا۔ جوڑے نے 17 جون 2023 کو شادی کی تھی۔ مارچ 2023 میں ہندوستانی ریلوے میں شامل ہونے سے پہلے، دیپک منی پور میں سی آر پی ایف میں خدمات انجام دے چکا تھا۔
یہ بھی پڑھیے ’کِس ایموجی‘ بھیجنے پر شوہر نے بیوی اور اس کے دوست کو قتل کردیا
خاندان کے افراد نے یہ بھی انکشاف کیا کہ شیوانی اور اس کے سسرال کے درمیان مسلسل تناؤ چل رہا تھا۔ دیپک کے بھائی پیوش نے حکام کو بتایا کہ شیوانی نے کئی مواقع پر ان کی ماں پر جسمانی تشدد بھی کیا تھا۔ دیپک کی والدہ پشپا نے بہو شیوانی پر الزام عائد کیا کہ شیوانی نے دیپک کی سرکاری ملازمت حاصل کرنے کے لیے قتل کیا ہے۔
یہ بھی کہا جارہا ہے کہ شیوانی شوہر کو قتل کرکے اپنے بوائے فرینڈ کے ساتھ تعلقات بحال کرنا چاہتی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتر پردیش بجنور بھارت دیپک کمار شیوانی
تحریک انصاف نے دریائے سندھ پر چھ نئی نہروں کی مجوزہ تعمیر کے خلاف قرار داد قومی اسمبلی میں جمع کرادی