بوبی دیول کی واپسی: 'ایک بدنام آشرم' سیزن 3 پارٹ 2 کا دھماکے دار ٹیزر جاری
اشاعت کی تاریخ: 13th, February 2025 GMT
بھارتی او ٹی ٹی پلیٹ فارم ایمیزون ایم ایکس پلیئر پر ’ایک بدنام آشرم‘ کا نیا سیزن دھماکے دار انداز میں واپس آ رہا ہے۔
سیزن 3 – پارٹ 2 کا دلچسپ ٹیزر جاری کر دیا گیا ہے، جس نے مداحوں کی بے چینی میں مزید اضافہ کر دیا ہے۔ یہ ایمیزون کا فری ویڈیو اسٹریمنگ پلیٹ فارم ہے، جہاں شائقین کو یہ سنسنی خیز کرائم ڈرامہ جلد دیکھنے کو ملے گا۔
نیشنل ایوارڈ یافتہ فلمساز پرکاش جھا کی ہدایتکاری میں بننے والی اس سیریز میں بوبی دیول مرکزی کردار میں جلوہ گر ہیں، جبکہ دیگر نمایاں اداکاروں میں آدیتی پوہنکر، چندن رائے سانیال، تردھا چودھری، درشن کمار، وکرم کوچھر، انوپریا گوئنکا، راجیو سدھارتھ اور عائشہ گپتا شامل ہیں۔
ٹیزر میں بابا نرالا کے دوبارہ طاقت حاصل کرنے، اس کے بھکتوں کی اندھی عقیدت اور اس کے قریبی ساتھیوں میں پیدا ہونے والے شک و شبہات کی جھلک دکھائی گئی ہے۔ جیسے جیسے پرانے راز افشا ہوتے جا رہے ہیں، ویسے ہی دھوکہ دہی، انتقام اور نجات کی اس کہانی میں نیا موڑ آ رہا ہے۔
اس بار سیزن کو مزید سنسنی خیز بنانے کے لیے پس منظر میں سا ریگاما کے مقبول گانے ‘دنیا میں لوگوں کو’ کا استعمال کیا گیا ہے، جو کہانی کے تھرل اور سسپنس میں مزید شدت پیدا کر رہا ہے۔
ایک بدنام آشرم معاشرے کے وہ اندھیرے پہلو دکھاتا ہے، جہاں عقیدت، طاقت اور استحصال کا آپس میں گہرا تعلق ہوتا ہے۔ تین سیزن کی شاندار کامیابی کے بعد، اس بار کہانی میں مزید پیچیدگیاں اور سازشیں ہوں گی، جو ناظرین کو حیران کر دیں گی۔
ایک بدنام آشرم سیزن 3 – پارٹ 2 جلد ایمیزون ایم ایکس پلیئر پر مفت میں دستیاب ہوگا، جسے ناظرین موبائل ایپ، ایمیزون شاپنگ ایپ، پرائم ویڈیو، فائر ٹی وی، اور کنیکٹڈ ٹی وی پر دیکھ سکیں گے۔
.
ذریعہ: Express News
کلیدی لفظ: ایک بدنام آشرم
پڑھیں:
ویلو ساؤنڈ اسٹیشن سیزن تھری کا آغاز، تقریب میں نامور ستاروں کی شرکت
میوزک کے مداحوں کےلیے ویلو ساؤنڈ اسٹیشن سیزن تھری کا آغاز ہوگیا ہے۔
سینما انڈسٹری میں نئی تاریخ رقم کرنے والے نامور ہدایتکار بلال لاشاری اور پروڈیوسر عمارہ حکمت میوزک کے چاہنے والوں کےلیے شاندار میوزک ویڈیوز کی تخلیق کرنے میدان میں آگئے ہیں۔
ویلو ساؤنڈ اسٹیشن سیزن تھری کی شاندار تقریب کا انعقاد لاہور فورٹ میں کیا گیا جس میں بین الاقوامی شہرت یافتہ گلوکار عاطف اسلم اور اداکار فواد خان نے شرکت کی۔
تقریب کے شرکا میں نامور ستارے شے گل، انورل خالد، فارس شفیع، زین زوہیب، میشا شفیع، ینگ اسٹنر، اداکارہ عفت عمر، فیشن ڈیزائنرمحسن رانجھا، اور کامران لاشاری سمیت دیگر نے شرکت کی، جبکہ اس موقع پر ایچ ایس وائے نے تقریب کی میزبانی کی۔
سیزن تھری کا آغاز گلوکار فارس شفیع اور زین زوہیب کے شاندار گانے سے ہوا جس کو حاضرین کی جانب سے بے حد پذیرائی حاصل ہوئی جبکہ ان کی لائیو پرفامنس نے تقریب کو چار چاند لگا دیے۔
اس موقع پر شرکاء نے ہدایت کار بلال لاشاری کی ڈائریکشن کو خوب سراہا۔ سیزن تھری میں ہفتہ وار ویڈیوز کو ریلیز کیا جائے گا۔
واضح رہے کہ ویلو ساؤنڈ اسٹیشن پاکستانی موسیقی کا معروف پلیٹ فارم ہے، جس کے گزشتہ سیزنز میں متعدد نئے فنکاروں اور تخلیقی موسیقی کو متعارف کرانے کا سہرا ہے۔ پاکستان کے موسیقی کے منظرنامے میں اسے ایک اہم مقام حاصل ہے۔
اس سیزن میں ’’دی لیجنڈ آف مولا جٹ‘‘ اور ’’وار‘‘ جیسی کامیاب فلموں کی ڈائریکشن دینے والے بلال لاشاری نے میوزک کی دنیا میں بھی اپنے منفرد انداز کی دھاک بٹھادی ہے۔
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان