دشمن نے 100 ایٹمی تنصیبات کو نشانہ بنایا تو ہم 1000 بنائیں گے، ایرانی صدر
اشاعت کی تاریخ: 13th, February 2025 GMT
ایران کے صدر مسعود پزشکیان نے دشمن کو مخاطب کرتے ہوئے کہا ہے کہ اگر ہماری 100 جوہری تنصیبات کو نشانہ بنایا تو ہم 1000 ہزار بنائیں گے۔
ایرانی صدر جنوبی صوبے بوشہر کے دانشوروں اور ماہرین کے ساتھ ایک ملاقات اور تقریب سے خطاب کررہے تھے۔
انہوں نے قابض اسرائیل اور امریکا کو مخاطب کرتے ہوئے کہا کہ اگر دشمن ایران کی 100 جوہری تنصیبات کو نشانہ بناتا ہے تو ملکی ماہرین فوری طور پر 1000 نئی جوہری تنصیبات تعمیر کر لیں گے۔
انہوں نے ایران کے بارے میں امریکا کے متضاد رویہ پر تنقید کرتے ہوئے کہا کہ امریکی صدر ایک طرف ایران سے مذاکرات کرنا چاہتے ہیں اور دوسری طرف ہم پر پابندی لگائی جارہی ہے، دشمن کے دوہرے چہرے سے بخوبی واقف ہیں۔
ایرانی صدر نے مزید کہا کہ ایسا نہیں ہے کہ اگر امریکا ہم پر پابندیاں لگاتا ہے تو ہم کچھ نہیں کر سکتے۔ ہم قومی صلاحیتوں پر بھروسہ کرتے ہوئے ملک کو ترقی کی راہ پر گامزن رکھیں گے۔
مسعود پزشکیان نے تمام ممالک کے ساتھ پرامن بات چیت کی ایران کی پالیسی کا اعادہ کرتے ہوئے کہا کہ ہم اپنے پڑوسیوں کے ساتھ خوشگوار اور دوستانہ تعلقات چاہتے ہیں۔
ذریعہ: Daily Mumtaz
کلیدی لفظ: کرتے ہوئے کہا کہا کہ
پڑھیں:
لاہور، پی سی ہوٹل میں انقلاب اسلامی ایران کی 46 ویں سالگرہ کی تقریب
مقررین نے ایران کی کامیابیوں پر غزہ کے معاملے پر فلسطینیوں کی بھرپور حمایت پر ایرانی قیادت کو خراج تحسین پیش کیا۔شرکاء نے مل کر انقلاب کی سالگرہ کا کیک کاٹا۔ ایرانی قونصل جنرل مہران موحد فر نے تقریب کی میزبانی کی۔ تقریب کا آغاز دونوں ممالک کے قومی ترانوں کیساتھ کیا گیا۔ اسلام ٹائمز۔ انقلابِ اسلامی ایران کی 46ویں سالگرہ کی مناسبت سے لاہور کے مقامی ہوٹل میں تقریب کا انعقاد کیا گیا۔ قونصل جنرل ایران مہران موحد فر، ڈی جی خانہ فرہنگ لاہور ڈاکٹر مسعود مسعودی، چینی قونصل جنرل ژاؤ شیریں، سپیکر پنجاب اسمبلی ملک محمد احمد خان، صوبائی وزیر صنعت و تجارت پنجاب چوہدری شافع حسین، ممتاز ماہر تعلیم ڈاکٹر ابراہیم مراد سمیت دیگر نے شرکت کی۔ شرکاء نے مل کر انقلاب کی سالگرہ کا کیک کاٹا۔ ایرانی قونصل جنرل مہران موحد فر نے تقریب کی میزبانی کی۔ تقریب کا آغاز دونوں ممالک کے قومی ترانوں کیساتھ کیا گیا۔
چینی قونصل جنرل ژاؤ شیریں، وزیر صنعت و تجارت چوہدری شافع حسین، چیئرمین سرمایہ کاری بورڈ محمد منتہا اشرف، ابراہیم حسن مراد، صدر لاہور چیمبر میاں ابوذر شاد نے انقلاب کی کامیابیوں پر ایرانی قونصل جنرل سمیت دیگر ایرانی حکام کو مبارکباد پیش کی۔ ایرانی قونصل جنرل مہران موحد فر نے کہا پاک ایران تعلقات کو شرپسندوں کی نذر نہیں ہونے دیں گے۔ مفتی عاشق حسین، ندیم پہلوان، خرم نواز گنڈا پور، سید نور، سردار بشن سنگھ، بشپ آف لاہور ندیم کامران، سینیئر صحافی مجیب الرحمان شامی، اسد قریشی سمیت دیگر نے بھی شرکت کی۔ اس موقع پر مقررین نے ایران کی کامیابیوں پر غزہ کے معاملے پر فلسطینیوں کی بھرپور حمایت پر ایرانی قیادت کو خراج تحسین پیش کیا۔
آزادی اس لیے حاصل کی تھی کہ لوگ اپنے فیصلے خود کریں، جدوجہد جاری رہے گی، بیرسٹر گوہر