ہانیہ عامر کو بولڈ فوٹوشوٹ پر تنقید کا سامنا
اشاعت کی تاریخ: 13th, February 2025 GMT
کراچی(شوبز ڈیسک)معروف اداکارہ ہانیہ عامر کے بولڈ ’برتھ ڈے‘ فوٹو شوٹ پر انہیں تنقید کا سامنا ہے۔
ڈراما سیریل ’کبھی میں کبھی تم‘ سے ٹی وی ناظرین کے دل جیتنے والی معروف اداکارہ نے حال ہی میں اپنی سالگرہ منائی۔
’ڈمپل گرل‘ نے اپنے برج سے مطابقت رکھتے ہوئے تھیم ’مرمیڈ‘ پر فوٹو شوٹ بھی کروایا۔
تاہم، انہیں بولڈ فوٹو شوٹ کروانا اور پھر اسے انسٹاگرام پر شیئر کرنا مہنگا پڑگیا۔
تصاویر میں انہیں کسی جل پری کے انداز میں دیکھا جا سکتا ہے۔
ڈمپل گرل پانی میں ایک چمکدار پلاسٹک جیسا لباس پہنے نظر آرہی ہیں، جس سے صارفین ناخوش دکھائی دیے۔
اداکارہ کا بولڈ انداز ان کے مداحوں کو ایک آنکھ نہیں بھایا اور صارفین نے اپنی چہیتی اداکارہ کو آڑے ہاتھوں لیا۔
بہت سے لوگ ہانیہ عامر کے شوٹ کو اخلاقیات سے عاری قرار دیتے دکھائی دیے۔
کچھ صارفین کے مطابق اداکارہ کا مذکورہ فوٹو شوٹ بولی وڈ کی توجہ حاصل کرنے کا ذریعہ ہے۔
ایک صارف نے اداکارہ کی تصاویر پر تنقید کرتے ہوئے انہیں پلاسٹک سرجری کی دکان بھی کہہ دیا۔
یاد رہے کہ اداکارہ یشما گل کی بہن کی شادی کی تقریب میں بھی دیگر اداکاراؤں سمیت ہانیہ عامر کو ڈانس اور لباس کے حوالے سے تنقید کا سامنا کرنا پڑا تھا۔
View this post on Instagram
A post shared by Hania Aamir 哈尼亚·阿米尔 (@haniaheheofficial)
مزیدپڑھیں:میں نے کبھی پی ٹی آئی کو چھوڑا ہی نہیں، آج بھی پی ٹی آئی کا حصہ ہوں، فواد چوہدری
ذریعہ: Daily Ausaf
کلیدی لفظ: ہانیہ عامر فوٹو شوٹ
پڑھیں:
ماں بننے کا تجربہ پرسکون تھا، مزیدکتنے بچوںکی خواہش ہے ،اداکارہ عروہ حسین نے بتادیا
کراچی(شوبز ڈیسک)اداکارہ عروہ حسین نے پہلی بار ماں بننے کے بعد اپنے تاثرات کا اظہار کرتے ہوئے اعتراف کیا ہے کہ ماں بننے کا تجربہ زندگی کا سب سے خوشگوار اور پرسکون تھا لیکن بچے کو جنم دینے سے قبل وہ خوف زدہ تھیں۔
عروہ حسین نے حال ہی میں ایک انٹرویو میں ماں بننے کے تجربے پر کھل کر بات کی اور یہ بھی بتایا کہ مستقبل میں وہ مزید کتنے بچوں کو پیدا کرنے کی خواہش مند ہیں۔
اداکارہ نے دوران انٹرویو یہ بھی انکشاف کیا جلد ہی وہ دوبارہ فلم پروڈکشن شروع کرنے والی ہیں اور ان کی پروڈکشن کمپنی ایک نئی فلم بنائے گی۔
انہوں نے فلم کی تفصیل بتانے سے گریز کرتے ہوئے بتایا کہ ’ٹچ بٹن‘ کے بعد جلد ہی وہ نئی فلم کی پروڈکشن شروع کرنے والی ہیں، انہوں نے یہ بھی واضح نہیں کیا کہ فلم میں ان کے شوہر بھی ایکشن میں دکھائی دیں گے یا نہیں؟
ماں بننے کے تجربے پر بات کرتے ہوئے عروہ حسین نے کہا کہ انہیں اور ان کے شوہر فرحان سعید کو ہمیشہ سے بچے کی خواہش تھی لیکن انہیں ذاتی طور پر ڈر بھی لگتا تھا کہ بچے کو کیسے جنم دیتے ہیں؟
ان کا کہنا تھا کہ وہ بچے کی پیدائش سے قبل پریشان تھیں کہ یہ سب کیسے ہوگا؟ وہ کیسے بچے کو جنم دیں گی؟ وہ اس وقت کے لیے کیسے تیار ہوں گی اور کیسے پہلے سے تیار کی جاتی ہے؟
عروہ حسین کے مطابق وہ کافی پریشان اور خوف زدہ تھیں لیکن جب ماں بننے کا وقت آگیا تو انہیں پتا ہی نہیں چلا اور انہیں سب سے زیادہ سکون اور خوشی ملی۔
اداکارہ کا کہنا تھا کہ بچے کے پیٹ میں آنے کے بعد ان میں بہت ساری تبدیلیاں آئیں اور ماں بننے کے بعد بھی ان میں جسمانی و ذہنی طور پر کئی تبدیلیاں آئیں اور یہ سب کچھ ماں بننے کا اثر ہوتا ہے۔
انہوں نے ماں بننے کے بعد خود میں آنے والی تبدیلیوں پر شکر ادا کیا، تاہم انہوں نے واضح طور پر یہ نہیں بتایا کہ ان میں کس طرح کی ذہنی تبدیلیاں آئیں؟
عروہ حسین نے کہا کہ جب انہوں نے بیٹی کو گود لیا تو انہیں سکون اور زندگی کی سب سے بڑی خوشی ملی، ان کے لیے ماں بننے کا احساس اور تجربہ اب تک کا خوبصورت تجربہ رہا۔
اداکارہ نے اسی معاملے پر مسکراتے ہوئے کہا کہ ان کا مزید 5 سے 6 بچوں کا منصوبہ ہے۔
ساتھ ہی اداکارہ نے کہا کہ انہیں یہ بات کہنی چاہیے تھی یا نہیں لیکن ان کا مزید 6 بچوں تک منصوبہ ہے۔
اداکارہ کے ہاں جنوری 2024 میں شادی کے 8 سال بعد پہلی بیٹی کی پیدائش ہوئی تھی۔
بیٹی کی پیدائش کے بعد اگرچہ اداکارہ کو اداکاری کرتے نہیں دیکھا گیا، تاہم وہ تقریبات اور سوشل میڈیا پر متحرک دکھائی دیتی ہیں جب کہ انہیں ٹی وی پروگرامات میں بھی دیکھا جاتا رہا ہے۔
عروہ حسین اور فرحان سعید 16 دسمبر 2016 کو رشتہ ازدواج میں منسلک ہوئے تھے لیکن 2020 سے لے کر 2023 تک ان کے درمیان اختلافات اور طلاق کی افواہیں رہیں لیکن جنوری 2025 میں ان کے ہاں پہلے بچے کی پیدائش ہوئی۔
اب عروہ حسین نے مزاحیہ انداز میں کہا ہے کہ ایک بچے کے بعد ان کا مزید 6 بچوں کا منصوبہ ہے۔
مزیدپڑھیں:برتھ، ڈیتھ سرٹیفکیٹس اور نکاح نامے کے حوالے سے نادرا کی اہم وضاحت جاری
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار