چینی اینیمیٹڈ فلم نے ایک بلین ڈالر کا بزنس کرکے تاریخ رقم کر دی
اشاعت کی تاریخ: 13th, February 2025 GMT
چین کی مقبول اینیمیٹڈ فلم 'Ne Zha 2' نے ملکی تاریخ میں سب سے زیادہ کمائی کرنے والی فلم بن کر باکس آفس کے تمام ریکارڈ توڑ دیے ہیں۔
فلم نے لونر نیو ایئر کی ایک ہفتے کی تعطیلات میں 8 بلین یوان (1.1 بلین ڈالر ) کما لیے، جو کہ چین کی کسی بھی فلم کے لیے ایک نیا سنگ میل ہے۔
یہ فلم 2021 میں ریلیز ہونے والی جنگی فلم 'The Battle of Lake Changjin' سے بھی آگے نکل گئی، جس نے تقریباً 900 ملین ڈالر کمائے تھے۔
ماہرین کے مطابق، یہ فلم چین کی اینیمیشن انڈسٹری کے لیے ایک نیا سنگ میل ہے اور ہالی وڈ کے مقابلے میں مقامی صنعت کی مضبوطی کو ظاہر کرتی ہے۔
'Ne Zha 2' چین کی مشہور اساطیری کہانی پر مبنی ہے اور جدید دور میں روایتی کہانیوں کو منفرد انداز میں پیش کرنے کی صلاحیت رکھتی ہے۔ فلم کے شاندار ویژول ایفیکٹس اور پاور فل کہانی کو بے حد سراہا جا رہا ہے۔
کچھ فلمی تجزیہ کاروں کے مطابق، 'Ne Zha 2' کا اگلا ہدف جیمز کیمرون کی 'Avatar' (2009) کے ریکارڈ کو توڑنا ہو سکتا ہے، جو دنیا کی سب سے زیادہ کمائی کرنے والی فلم ہے۔ اس حوالے سے چینی عوام اور بیرونِ ملک مقیم چینی کمیونٹی سے فلم کو سپورٹ کرنے کی اپیل کی جا رہی ہے۔
'Ne Zha 2' اگلے ہفتے امریکہ، کینیڈا، اور آسٹریلیا میں ریلیز ہو رہی ہے، جس سے یہ فلم عالمی سطح پر مزید کامیاب ہونے کی توقع ہے۔ فلم کی کامیابی کو دیکھتے ہوئے اس سے جُڑی مرچنڈائزنگ آئٹمز بھی تیزی سے فروخت ہو رہی ہیں، جس میں خاص طور پر فلم کے فیگرینز شامل ہیں۔
یہ فلم 2019 میں ریلیز ہونے والی 'Ne Zha' کا سیکوئل ہے، جس نے 725 ملین ڈالر کمائے تھے اور چین کی کامیاب ترین فلموں میں شامل تھی۔
.
ذریعہ: Express News
پڑھیں:
پاکستان سے جانے والی اونیجا امریکا روانہ ہونے کے بجائے دبئی میں رک گئی
پاکستانی لڑکے کی محبت میں کراچی آکر لگ بھگ 120 دن (4 ماہ) یہاں گزار کر وطن واپس روانہ ہونے والی امریکی خاتون کی دبئی میں پاکستانی نوجوانوں کے ساتھ ویڈیوز سامنے آئی ہیں۔
ویڈیوز سے اندازہ ہوتا ہے کہ اونیجا اینڈریو رابنسن نے کراچی سے دبئی جا کر نیویارک کی اگلی پرواز چھوڑ دی تھی اور وہ دبئی میں ہی رہ گئی تھی۔
سوشل میڈیا پر اونیجا اینڈریو رابنسن کی ایک ویڈیو سامنے آئی جس میں وہ دبئی کی سڑکوں پر پاکستانی نوجوانوں کے ساتھ ویڈیوز اور سیلفیاں بناتے نظر آرہی ہیں۔
خاتون کی یہ ویڈیو 9 فروری کی ظاہر ہو رہی ہیں۔ اونیجا اینڈریو رابنسن کراچی سے 7 فروری کی رات امارات ایئر کی پرواز ای کے 603 سے دبئی کیلئے روانہ ہوئی تھیں۔
امریکی خاتون کو وطن واپسی پر آمادہ کر لیا گیاسوشل میڈیا پر پاکستانی نوجوان سے مبینہ محبت کی کہانی کے پس منظر میں کراچی آئی امریکی خاتون سے جناح اسپتال میں امریکی قونصلیٹ عملے نے ملاقات کی۔
جیو نیوز کے پاس خاتون کے دونوں بورڈنگ پاس موجود ہیں۔ پہلے بورڈنگ پاس کے مطابق امریکی خاتون کراچی سے پرواز ای کے 603 سے دبئی روانہ ہوئی۔ اس پرواز میں خاتون سیٹنگ زون ایف کی مسافر تھیں اور سیٹ نمبر 14 سی پر سفر کیا۔
یہ پرواز رات 10 بجکر 54 منٹ پر جناح ٹرمینل کے ڈپارچر لاؤنج کے گیٹ نمبر 26 سے دبئی کیلئے روانہ ہوئی۔ اس پرواز نے مقامی وقت کے مطابق رات 12 بجکر 11 منٹ پر دبئی میں لینڈ کیا۔
دوسرے بورڈنگ پاس کے مطابق خاتون دبئی سے نیو یارک کی پرواز ای کے 0203 میں سیٹنگ زون ڈی کی مسافر تھیں اور سیٹ نمبر 77 بی پر اگلا سفر کرنا تھا۔ پرواز ای کے 203 سے اسی رات (8 فروری) 03:06 بجے دبئی سے نیو یارک کیلئے روانہ ہوئی۔
پاکستانی لڑکے کی محبت میں گرفتار امریکا سے کراچی آنے والی امریکی خاتون اونیجا اینڈریو رابنسن کو یاد کرتے ہوئے سماجی کارکن رمضان چھیپا نے ویڈیو پیغام جارہی کردیا۔
کراچی کی پرواز سے اتر کر اگلی پرواز میں سوار ہونے کےلیے اونیجا کے پاس 2 گھنٹے کا وقت تھا۔ اس دو گھنٹے میں بھی وہ ایک گھنٹے کےلیے دبئی شہر میں جا کر واپس آ سکتی تھی مگر اس وقت رات تھی جبکہ سامنے آنے والی ویڈیوز دن کے اوقات کی ہیں۔
اس سے اندازہ ہوتا ہے کہ غالباً وہ پرواز ای کے 203 میں سوار ہی نہیں ہوئی اور امریکی شہری ہونے کے ناطے دبئی کے ان ارائیول ویزا کی سہولت کا فائدہ اٹھا کر شہر میں چلی گئی۔
ایوی ایشن ذرائع کے مطابق تکنیکی طور پر خاتون کی دبئی سے نیو یارک کی پرواز کا ٹکٹ ضائع ہوگیا اور اب اسے دبئی سے نیو یارک جانے کیلئے دوسرا ٹکٹ خریدنا ہوگا۔
انمول بلوچ کی بھی رواں برس شادی کی افواہیں