کوئٹہ، ملی یکجہتی کمیٹی کا اجلاس، مختلف امور سے متعلق فیصلے
اشاعت کی تاریخ: 13th, February 2025 GMT
اجلاس میں اہم فیصلے اور ملی یکجہتی کمیٹی کیجانب سے مختلف کمیٹیاں بھی تشکیل دی گئی جس میں مختلف جماعتوں کے نمائندوں کو شامل کیا گیا۔ اسلام ٹائمز۔ ملی یکجہتی کونسل بلوچستان نے ماہ رمضان المبارک کے موقع پر یوم القدس ریلی کے انعقاد، فلسطین فاؤنڈیشن کے سیمینار میں شرکت اور امریکہ و اسرائیل کے خلاف پریس کانفرنس سمیت دیگر اہم اقدامات اٹھانے کا فیصلہ کیا ہے۔ گزشتہ شب صوبائی دارالحکومت کوئٹہ میں ملی یکجہتی کونسل بلوچستان کا اہم اجلاس جماعت اسلامی کے صوبائی دفتر الفلاح ہاؤس میں منعقد ہوا۔ جس میں مجلس وحدت مسلمین کے صوبائی رہنماء علامہ ولایت حسین جعفری، محمد یونس ہزارہ، حاجی غلام حسین اخلاقی، شیعہ علماء کونسل کے صوبائی رہنماء علامہ آصف حسین حسینی اور جماعت اسلامی سمیت دیگر جماعتوں کے نمائندوں نے شرکت کی۔ اس موقع پر اہم فیصلے اور ملی یکجہتی کمیٹی کی جانب سے مختلف کمیٹیاں بھی تشکیل دی گئی جس میں مختلف جماعتوں کے نمائندوں کو شامل کیا گیا۔ اس موقع پر خطبات جمعہ کمیٹی، علمی کمیٹی اور مصالحتی کمیٹی تشکیل دی گئی۔
ملی یکجہتی کمیٹی کے اجلاس میں فیصلہ ہوا کہ بلوچستان کے تمام اضلاع میں ملی یکجہتی کونسل کے سیٹ اپ کو وسیع کیا جائے گا۔ ماہ رمضان المبارک کے آخری عشرے کے موقع پر یوم القدس ریلی کا انعقاد کیا جائے گا۔ فلسطین فاؤنڈیشن کی جانب سے منعقد ہونے والے فلسطین کانفرنس میں ملی یکجہتی کونسل بھرپور انداز میں شرکت کرے گی، اور ماہ رمضان المبارک کے موقع پر امریکہ اور اسرائیل کے خلاف سرگرم رہتے ہوئے پریس کانفرنس کیا جائے گا۔ مجلس وحدت مسلمین کی جانب سے علامہ سید ہاشم موسوی کو خطبات جمعہ کمیٹی، علامہ علی حسنین حسینی کو علمی کمیٹی، جبکہ حاجی غلام حسین اخلاقی کو مصالحتی کمیٹی کے اراکین نامزد کئے گئے، جبکہ دیگر جماعتوں کے اراکین بھی ان کمیٹیز کا حصہ ہیں۔ اس موقع پر مجلس وحدت مسلمین کی جانب سے رمضان المبارک میں فلسطین غزہ کے سلسلے میں منعقد ہونے والی کانفرنس میں تمام جماعتوں کو شرکت و خطاب کی دعوت دی گئی۔
ذریعہ: Islam Times
کلیدی لفظ: ملی یکجہتی کونسل رمضان المبارک جماعتوں کے کی جانب سے
پڑھیں:
خیبرپختونخوا کابینہ کے اجلاس میں اہم فیصلے
خیبرپختونخوا کی صوبائی کابینہ کے اجلاس کے اعلامیے کے مطابق سرکاری سکولوں میں مفت کتابوں کی فراہمی کے لئے فنڈ کی فراہمی کی منظوری دی گئی، نئے تعلیمی سال میں داخلہ لینے والے بچوں کو مفت بستوں کی فراہمی کا بھی فیصلہ کیا گیا۔ اسلام ٹائمز۔ وزیراعلیٰ خیبرپختونخوا علی امین خان گنڈاپور کے زیر صدارت صوبائی کابینہ کا اجلاس ہوا جس میں اہم فیصلے کئے گئے۔ اجلاس کا اعلامیہ جاری کر دیا گیا جس کے مطابق سرکاری سکولوں میں مفت کتابوں کی فراہمی کے لئے فنڈ کی فراہمی کی منظوری دی گئی، نئے تعلیمی سال میں داخلہ لینے والے بچوں کو مفت بستوں کی فراہمی کا بھی فیصلہ کیا گیا۔ کابینہ نے صحت سہولت کے تحت مفت ٹرانسپلانٹ و امپلانٹ سروس دینے کا فیصلہ کیا ہے، اب کڈنی، لیور، بون میرو ٹرانسپلانٹ کا خرچہ حکومت برداشت کرے گی، کوکلئیر انپلانٹ کا خرچہ بھی حکومت برداشت کرے گی۔
صوبے کے 132 تحصیل میونسپل ایڈمنسٹریشنز کو سینی ٹیشن سروسز کے لئے مشینری کی خریداری کے لئے 3.6 ارب روپے مرحلہ وار فنڈز کی منظوری دی گئی۔ کابینہ نے دینی مدارس کے لئے مختص گرانٹ کی رقم 30 ملین سے بڑھا کر 100ملین کرنے کی منظوری دی، اجلاس میں خیبرپختونخوا گورنمنٹ سرونٹس ہاؤسنگ فاؤنڈیشن ایکٹ 2025ء کی منظوری دی گئی۔ اعلامیہ کے مطابق اجلاس میں گورنر انسپکشن ٹیم اور صوبائی انسپکشن ٹیم کو ضم کرنے کی بھی اصولی منظوری دی گئی۔
دہشتگردی کا خاتمہ… ترقی وخوشحالی کا ضامن