بارشوں کی کمی کے باعث پانی کی قلت کا خدشہ، محکمہ ماحولیات پنجاب نے سخت احکامات جاری کردیے
اشاعت کی تاریخ: 13th, February 2025 GMT
پنجاب میں بارشوں کی کمی کے باعث پانی کی قلت کا خدشہ پیدا ہوگیا ہے جس کے باعث محکمہ ماحولیات پنجاب نے سخت احکامات جاری کردیے ہیں۔
پنجاب میں بارشوں کی کمی کے باعث پانی کی قلت کے خدشہ کے پیش نظر محکمہ ماحولیات کی جانب جاری نوٹیفکیشن کے ذریعے صوبے میں غیرقانونی یا غیر منظور شدہ سروس اسٹیشنوں کی فوری بندش کے احکامات جاری کیے ہیں۔
یہ بھی پڑھیں: کوئٹہ میں پانی کی قلت کا مسئلہ سنگین تر ہوگیا، اصل وجہ کیا ہے؟
تمام کارواش اسٹیشنوں پر 28 فروری 2025 تک واٹر ری سائیکلنگ سسٹم اور یو چینلز کی تنصیب لازمی قرار دی گئی ہے، خلاف ورزی پر 1 لاکھ روپے جرمانہ اور کار واش ایریا سیل کردیا جائے گا جبکہ گاڑیوں کی آئل واشنگ پر مکمل پابندی ہوگی۔
نوٹیفکیشن کے مطابق گھروں میں کار دھونے اور ہوز پائپ کے استعمال پر پابندی ہوگی جس کی خلاف ورزی پر 10 ہزار روپے جرمانہ ہوگا، علاوہ ازیں لان، باغات، گالف کورسز اور گرین بیلٹس میں زیادہ پانی کے بہاؤ پر پابندی ہوگی۔
یہ بھی پڑھیں: پانی کی شدید قلت، اب اسلام آباد والوں کو پانی کہاں سے ملے گا؟
تعمیراتی کاموں میں زیر زمین پانی کے استعمال پر پابندی عائد کردی گئی ہے جبکہ صرف سطحی یا ری سائیکل شدہ پانی استعمال کیا جاسکتا ہے، خلاف ورزی کی صورت میں پاکستان پینل کوڈ (سی پی پی) کی دفعہ 188 کے تحت قانونی کارروائی کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی پنجاب سروس اسٹیشنز کار واش محکمہ ماحولیات.ذریعہ: WE News
کلیدی لفظ: پانی سروس اسٹیشنز کار واش محکمہ ماحولیات محکمہ ماحولیات پانی کی قلت کے باعث
پڑھیں:
محکمہ موسمیات نے خطرے کی گھنٹی بجا دی
ویب ڈیسک: محکمہ موسمیات کی جانب سے ہیٹ ویو الرٹ جاری کرتے ہوئے اہم ہدایات کی گئی ہیں تاکہ شہری حفاظتی تدابیر اپنائیں۔
محکمہ موسمیات کا کہنا ہے کہ ملک کے بیشتر علاقے 13 سے 18 اپریل تک گرمی کی لپیٹ میں رہیں گے، سندھ ، بلوچستان جنوبی پنجاب میں درجہ حرارت 6 سے 8 ڈگری زیادہ رہنے کا امکان ہے۔
14 سے 18 اپریل بالائی علاقوں، جی بی، اسلام آباد میں درجہ حرارت 4 سے 6 ڈگری زیادہ رہ سکتا ہے۔
اسد عمر نے بزدار کو وزیراعلیٰ پنجاب بنانے کے فیصلے کا تمسخر اڑانا شروع کردیا
محکمہ موسمیات کے مطابق 13 سے 18 اپریل کے دوران رات میں بھی گرمی ہوگی، گرمی کی لہر کے دوران آندھی، جھکڑ چلنے کا بھی امکان ہے۔
محکمہ موسمیات کا کہنا ہے کہ شہری دن کے اوقات میں غیر ضروری باہر نکلنے سے گریز کریں۔
ہیٹ اسٹروک سے بچنے کی چند احتیاطی تدابیر
گھر سے باہر نکلتے ہوئے پانی کی بوتل اپنے پاس رکھیں اور طبیعت بگڑنے پر فوری پانی کا استعمال کریں، ویسے بھی پانی کا استعمال کرنا فائدہ مند رہتا ہے۔ سر کے اوپر ہلکا ٹھنڈا کپڑا رکھ کر چلیں یا سفر کریں تو زیادہ بہتر ہے۔
سپریم کورٹ میں دو ججز کی تعیناتی کیلئے جوڈیشل کمیشن اجلاس
غیر قانونی افغان تارکین وطن کےانخلا کی مہم جاری رہے گی، شرجیل میمن