چکوال: گھر میں قید کی گئی خاتون جاں بحق
اشاعت کی تاریخ: 13th, February 2025 GMT
— فائل فوٹو
چکوال کے گاؤں گھگھ میں گھر میں مبینہ طور پر قید کی گئی خاتون جاں بحق ہوگئی۔
پولیس کے مطابق مرنے والی خاتون کے بھائی کو بازیاب کرا لیا گیا ہے۔
شکارپور کے گاؤں شہمیر جونیجو میں فائرنگ سے ایک نوجوان جاں بحق جبکہ خاتون زخمی ہوگئی
مبینہ طور پر جائیداد کی لالچ میں رشتے داروں نے خاتون کو 2 سال سے کمرے میں بند کر رکھا تھا۔
پولیس کے مطابق گمنام خط پر کارروائی کی گئی، جاں بحق خاتون کی لاش 8 سے 10 دن پرانی ہے۔
اس کیس کے حوالے سے پولیس کی مدعیت میں مقدمہ درج کیا گیا ہے جس میں قتل سمیت دیگر سنگین دفعات شامل ہیں۔
.ذریعہ: Jang News
پڑھیں:
کراچی: کرکٹ میچز کے دوران شہریوں کی پریشانی کم ہوگئی
کراچی:شہر میں ہونے والے بین الاقوامی کرکٹ میچز کے دوران اس بار اہل کراچی کو پیش آنے والی زحمت کم کرنے کی کوشش کی گئی ہے۔
پولیس کی جانب سے بتایا گیا ہے کہ نیشنل اسٹیڈیم میں منعقد ہونے والے میچز کے دوران ارد گرد کی تمام سڑکوں کو اس بار ٹریفک کے لیے کھلا رکھا جائے گا اور شہریوں کو اس سلسلے میں پریشانی کا سامنا نہیں کرنا پڑے گا۔
حکام نے ایک پریس کانفرنس کرتے ہوئے بتایا کہ نیشنل بینک کرکٹ اسٹیڈیم میں12 اور 14 فروری کو سہ ملکی کرکٹ سیریز کے میچز کا انعقاد ہوگا۔ا سی طرح 19 فروری سے چیمپیئنز ٹرافی کا ایونٹ بھی شروع ہو رہا ہے، اس سلسلے میں حفاظتی انتظامات کے تحت پانچ ہزار سے زیادہ پولیس کے اہل کار اور افسران مختلف مقامات پر اپنے فرائض انجام دیں گے۔
انہوں نے بتایا کہ سیکورٹی اقدامات کے تحت ایس ایس یو کے 620 کمانڈوز (بشمول لیڈی کمانڈوز)، سیکورٹی ڈویژن کے 1,220 اہلکار، ٹریفک پولیس کے 1,390 اہل کار، اسپیشل برانچ کے 280 اور ڈسٹرکٹ پولیس کے دیگر اہلکار بھی مختلف مقامات پر ڈیوٹی پر مامور ہوں گے۔
اس کے علاوہ ماہر نشانہ بازوں کو حساس مقامات پر تعینات کیا جائے گا ج بکہ ایس ایس یو کی خصوصی کمانڈ اینڈ کنٹرول بس اسٹیڈیم کے اردگرد امن و امان کی نگرانی کے لیے موجود رہے گی۔
ایس ایس یو کے کمانڈوز پر مشتمل اسپیشل ویپن اینڈ ٹیکٹکس ٹیم کسی بھی ہنگامی صورتحال سے نمٹنے کے لیے تیار رہے گی اور میچز کے دوران اسٹیڈیم کے اردگرد گشت کرے گی۔ پولیس حکام نے شہریوں سے اپیل کی ہے کہ وہ سیکورٹی ہدایات پر عمل کریں اور میچز کے دوران صبر و تحمل کا مظاہرہ کریں۔
یہ اقدامات شہریوں کو کرکٹ میچز کے دوران بہتر سہولیات فراہم کرنے اور سیکورٹی کو یقینی بنانے کے لیے کیے گئے ہیں۔ شہریوں کو امید ہے کہ ان اقدامات سے میچز کے دوران ٹریفک اور سیکورٹی کے مسائل میں کمی آئے گی۔
8 فروری کو 2018 کا چوری شدہ مینڈیٹ عوام کو واپس ملا، مریم اورنگزیب