سونے کی قیمت میں اضافے کا تسلسل برقرار، آج بھی ریکارڈ اضافہ
اشاعت کی تاریخ: 13th, February 2025 GMT
کراچی:
عالمی سطح پر قیمتی دھاتوں کی مارکیٹ میں غیر یقینی صورتحال برقرار رہنے اور سونے میں بڑھتی سرمایہ کاری سے سونے کی قیمتوں میں اضافے کا تسلسل برقرار ہے۔
بین الاقوامی بلین مارکیٹ میں فی اونس سونے کی قیمت مزید 25ڈالر کے اضافے سے 2ہزار913 ڈالر کی بلند ترین سطح پر پہنچ گئی۔
عالمی سطح پر قیمت بڑھنے سے مقامی صرافہ مارکیٹوں میں بھی جمعرات کو 24قیراط کے حامل فی تولہ سونے کی قیمت 2ہزار 500روپے کے اضافے سے 3لاکھ 4ہزار روپے کی نئی تاریخ ساز سطح پر پہنچ گئی۔
اسی طرح، فی دس گرام سونے کی قیمت بھی 2ہزار 144روپے کے اضافے سے 2لاکھ 60ہزار 631روپے کی نئی بلند ترین سطح پر آگئی ہے۔
سونے کی قیمت میں اضافے کے ساتھ فی تولہ چاندی کی قیمت 55روپے کے اضافے سے 3367روپے اور دس گرام چاندی کی قیمت 47روپے کے اضافے سے 2886روپے کی سطح پر آگئی۔
.ذریعہ: Express News
کلیدی لفظ: سونے کی قیمت کے اضافے سے
پڑھیں:
سونا ایک بار پھر مہنگا، نیا ریکارڈ قائم
پاکستان میں سونے کی قیمت ڈھائی ہزار روپے اضافے سے تین لاکھ 4 ہزار روپے کی نئی بلند ترین سطح پر پہنچ گئی۔
آل پاکستان صراف ایسوسی ایشن کے مطابق پاکستان میں سونے کی فی تولہ قیمت 2500 روپے اضافے سے تین لاکھ 4 ہزار روپے کی نئی ریکارڈ سطح پر پہنچ گئی۔رپورٹ کے مطابق 24 قیراط دس گرام سونے کے نرخ 2144 روپے بڑھ کر دو لاکھ 60 ہزار 631 روپے کا ہوگیا جبکہ 22 قیراط دس گرام سونا 1965 روپے اضافے سے 2 لاکھ 38 ہزار 920 روپے پر پہنچ گیا۔
صراف ایسوسی ایشن کے مطابق عالمی مارکیٹ میں فی اونس سونا 25 ڈالر اضافے سے 2913 ڈالر کا ہوگیا۔رپورٹ میں بتایا گیا ہے کہ دس گرام چاندی کے نرخ 47 روپے اضافے سے 2886 روپے ہوگئے جبکہ فی اونس نرخ بھی 0.55 ڈالر بڑھ کر 32.55 ڈالر تک پہنچ گئے۔
وفاقی حکومت نے آئی ایم ایف کی ایک اور شرط پوری کر دی
کراچی: 2 ماہ میں ٹریفک حادثات میں 96 افراد جاں بحق