9 مئی کو حد کردی گئی، اب آپ کو بنیادی حقوق یاد آگئے، جسٹس مسرت کا سلمان اکرم راجا سے سوال
اشاعت کی تاریخ: 13th, February 2025 GMT
اسلام آباد: سپریم کورٹ میں سویلینز کے فوجی عدالتوں میں ٹرائل کے حوالے سے کیس کی سماعت کے دوران جسٹس مسرت ہلالی نے وکیل سلمان اکرم راجہ سے کہا کہ ہم نے اپنا قانون دیکھنا ہے برطانیہ کا نہیں ،کیا آپ تسلیم کرتے ہیں کہ 9 مئی کو جرم سرزد ہوا؟، مئی کو ایک حد عبور کر لی گئی، اور اب آپ کو بنیادی حقوق یاد آ گئے ہیں؟
سپریم کورٹ کے 7 رکنی آئینی بینچ کی سربراہی جسٹس امین الدین خان کر رہے ہیں، جس میں فوجی عدالتوں میں سویلینز کے ٹرائل کے خلاف انٹرا کورٹ اپیل کی سماعت کی جا رہی ہے۔ اس دوران سزا یافتہ مجرم ارزم جنید کے وکیل سلمان اکرم راجہ نے اپنے دلائل پیش کیے۔
سلمان اکرم نے کہا کہ برطانیہ میں کورٹ مارشل فوجی افسران نہیں، بلکہ ہائیکورٹ کے طرز پر تعینات ججز کرتے ہیں۔ انہوں نے یہ بھی کہا کہ کمانڈنگ افسر صرف سنگین نوعیت کے مقدمات کو آزاد فورم پر بھیج سکتا ہے۔ اس پر جسٹس امین الدین نے کہا کہ “ہمیں برطانیہ کے قانون کا نہیں، اپنے ملک کے قوانین کا جائزہ لینا ہے۔ غیر ضروری بحث سے وقت ضائع کر رہے ہیں۔”
جسٹس محمد علی مظہر نے برطانوی قانون کی مثال دیتے ہوئے کہا کہ یہ قانون اپنی فوج کے ڈسپلن سے متعلق ہے، مگر یہاں تو جرم شہریوں نے کیا ہے، اور شہریوں پر یہ کیسے لاگو ہو سکتا ہے؟ سلمان اکرم راجہ نے کہا کہ انہوں نے برطانوی قانون کی مثال ٹرائل کے آزاد اور شفاف ہونے کے حوالے سے دی تھی۔
جسٹس مسرت ہلالی نے کہا کہ اس اپیل میں کالعدم شدہ دفعات کی بحالی کی درخواست کی گئی ہے، اور ان دفعات کا جائزہ لیتے وقت عالمی قوانین کو بھی مدنظر رکھنا ہوگا۔ اگر یہ دفعات کالعدم نہ کی جاتیں تو یہ بحث غیر متعلقہ ہو سکتی تھی، لیکن اب صورت حال مختلف ہے۔
جسٹس جمال مندوخیل نے سوال کیا کہ “کیا موجودہ نظام میں شہریوں کا کورٹ مارشل ہو سکتا ہے؟” سلمان اکرم راجہ نے جواب دیا کہ “شہریوں کا کورٹ مارشل کسی صورت میں بھی ممکن نہیں ہے۔”
جسٹس مسرت ہلالی نے مزید کہا کہ “کیا آپ تسلیم کرتے ہیں کہ 9 مئی کا جرم سرزد ہوا ہے؟” انہوں نے کہا کہ 9 مئی کو ایک سنگین حد عبور کی گئی، اور اب آپ کو بنیادی حقوق یاد آ گئے ہیں۔
سلمان اکرم نے دلائل دیتے ہوئے کہا کہ آرٹیکل 184/3 کو محدود نہیں کیا جا سکتا، اور ملزمان کا حق ہے کہ انہیں آزاد عدالت اور شفاف ٹرائل کا موقع ملے۔ انہوں نے مزید کہا کہ اے پی ایس کے متاثرین ابھی تک انصاف کے لئے دربدر بھٹک رہے ہیں۔ جسٹس امین الدین نے کہا کہ “فیئر ٹرائل کے لئے آپ کو آرٹیکل 8/3 سے باہر نکلنا ہوگا۔”
جسٹس مسرت ہلالی نے کہا کہ “آرمی پبلک اسکول کے کچھ مجرموں کو پھانسی دی جا چکی ہے،” جبکہ جسٹس حسن رضوی نے فوج کے مختلف کورز کے بارے میں سوال کیا کہ “کیا فوج میں اب جوڈیشل کور بھی تشکیل دی جائے؟” سلمان اکرم راجہ نے جواب دیا کہ “الزام لگا کر کسی کو فئیر ٹرائل سے محروم کرنا بنیادی حقوق کی خلاف ورزی ہے،” اور انہوں نے مثال دیتے ہوئے کہا کہ ان پر رینجرز اہلکاروں کے قتل کی سازش کا الزام ہے۔
جسٹس محمد علی مظہر نے کہا کہ “آپ کے خلاف ایف آئی آر میں انسداد دہشت گردی کی دفعات بھی شامل ہوں گی۔” جسٹس امین الدین نے سوال کیا کہ “کیا آپ کی ملٹری کسٹڈی کی درخواست کی گئی ہے؟” سلمان اکرم نے جواب دیا کہ “میرے کیس کو چھوڑیں، پورا نظام ایسا ہے کہ الزام لگا کر ملٹری ٹرائل کی طرف لے جایا جاتا ہے۔”
جسٹس مندوخیل نے کہا کہ “آپ مفروضوں پر بات نہ کریں۔” جسٹس مسرت ہلالی نے اس موقع پر یاد دلایا کہ “جب 21 ویں آئینی ترمیم ہوئی تھی، تو آپ کی جماعت نے فوجی عدالتوں کے قیام کی حمایت کی تھی۔”
سلمان اکرم نے جواب دیا کہ “میں عدالت میں کسی سیاسی جماعت کی نمائندگی نہیں کر رہا، اس وقت ان کی حمایت غلط تھی۔” جسٹس مسرت ہلالی نے کہا کہ “یہ کیا بات ہوئی کہ اپوزیشن میں آ کر کہا جائے کہ ماضی میں جو ہوا، وہ غلط تھا؟”
جسٹس جمال مندوخیل نے کہا کہ “21 ویں آئینی ترمیم میں ایک بات اچھی تھی کہ اس کا اطلاق سیاسی جماعتوں پر نہیں ہو گا۔”
آخری طور پر، آئینی بینچ نے فوجی عدالتوں میں سویلینز کے ٹرائل کے خلاف اپیلوں کی سماعت 18 فروری تک ملتوی کر دی۔
.ذریعہ: Jasarat News
کلیدی لفظ: جسٹس مسرت ہلالی نے سلمان اکرم راجہ نے جسٹس امین الدین نے جواب دیا کہ سلمان اکرم نے فوجی عدالتوں بنیادی حقوق نے کہا کہ انہوں نے ٹرائل کے مئی کو
پڑھیں:
پی ٹی آئی کو اسکول کے کلاس روم کی طرح نہیں چلایا جاسکتا، عمران خان اپنی ہی جماعت کے سیکرٹری جنرل سے ناراض
اسلام آباد (نیوز ڈیسک) سابق وزیراعظم اور تحریک انصاف کے بانی چیئرمین عمران خان نے گزشتہ ہفتے اڈیالہ جیل میں ملاقات کیلئے آنے والے سینئر پارٹی رہنماؤں پر پارٹی سیکریٹری جنرل سلمان اکرم راجہ کی جانب سے تنقید پر ناراضی کا اظہار کیا ہے۔
اس صورتحال سے آگاہ ذرائع نے بتایا ہے کہ منگل کو عمران خان نے اپنے وکیل سلمان صفدر کے توسط سے اپنے تحفظات سلمان اکرم راجہ کو پہنچائے۔ بتایا گیا ہے کہ عمران خان نے یہ سلمان اکرم راجہ کو یہ پیغام دیا ہے کہ ’’سیاسی جماعتوں کو اسکول کلاس روُم کی طرح نہیں چلایا جا سکتا۔‘‘
عمران خان نے الزام تراشی کا کھیل کھیلنے کی بجائے اتحاد کی ضرورت پر زور دیا۔ یہ تنازع اس وقت پیدا ہوا جب اڈیالہ جیل کی انتظامیہ نے عمران خان کی بہن علیہ خان اور فیملی کے دیگر افراد کو عمران خان سے ملنے سے روک دیا لیکن پانچ وکلاء یعنی پارٹی چیئرمین بیریسٹر گوہر اور سینیٹر علی ظفر سمیت پانچ افراد کو ملاقات کی اجازت دی گئی۔ اُس وقت سلمان اکرم راجہ کو خود بھی ملاقات کی اجازت نہیں دی گئی تھی۔
سلمان اکرم راجہ نے بعد میں عوامی سطح پر اس اقدام پر تنقید کی اور کہا کہ انتظامیہ کے ’’منظور نظر‘‘ لوگوں کو ملاقات کی اجازت دی گئی۔
اس بیان پر پارٹی چیئرمین بیریسٹر گوہر نے سخت رد عمل کا اظہار کیا اور سلمان اکرم راجہ کو یاد دلایا کہ پارٹی نے ایسے حالات میں کبھی عمران خان سے ملاقات کے بائیکاٹ پر راضی نہیں ہوئی۔
گوہر علی خان نے یاد دہانی کرائی کہ 25؍ مارچ کو جب عمران خان کی بہنوں کو بھائی سے ملاقات کی اجازت نہیں دی گئی تھی اس وقت سلمان اکرم راجہ کو عمران خان سے ملنے کی اجازت ملی تھی۔ منگل کو جیل میں ہوئی ملاقات کے دوران پارٹی کے حساس اُمور پر بھی تبادلہ خیال کیا گیا۔
امریکا میں مقیم پارٹی رہنما اور بلاگر کے بارے میں عمران خان نے بیریسٹر گوہر کو مشورہ دیا کہ انہیں پارٹی کی سیاسی اور کور کمیٹیوں سے باضابطہ طورپر ہٹانے کیلئے یہ مناسب وقت نہیں۔ تاہم، عمران خان نے یہ ہدایت کی کہ انہیں صرف کمیٹی کے اجلاسوں میں مدعو نہ کیا جائے۔
پارٹی کے ایک اندرونی ذریعے کے مطابق، پارٹی رہنما اپنے رویے پر سینئر رہنماؤں میں بڑھتے عدم اطمینان کی وجہ سے پہلے ہی کچھ عرصے سے ان فورمز سے غیر حاضر ہیں۔
ذرائع نے مزید کہا کہ رہنما کو معلوم ہے کہ انہیں کمیٹیوں سے ہٹانے پر غور کیا جا رہا ہے۔
سینیٹر اعظم سواتی کا مسئلہ بھی مختصراً زیر بحث آیا۔ عمران خان نے یہ بات دہرائی کہ وہ ملک کی خاطر ملٹری اسٹیبلشمنٹ کے ساتھ بات چیت کیلئے تیار ہیں، انہوں نے کبھی بھی اعظم سواتی یا کسی اور کو اپنی طرف سے ذاتی ریلیف لینے کا اختیار نہیں دیا۔
اگرچہ عمران خان نے اعظم سواتی کے تعلقات کے بارے میں شکوک کا اظہار کیا تاہم انہوں نے اس بات پر زور دیا کہ مذاکرات کے حوالے سے ان کا موقف تبدیل نہیں ہوا جو پاکستان کی بہتری، جمہوریت اور قانون کی بالادستی کیلئے ہے۔
انصارعباسی
Post Views: 3
پاکستان میں چائینیز اشتراک سےجدید طرز کے اسکل ڈوویلپمنٹ انسٹیٹیوٹ کے قیام کے لیے وفاقی وزیر چوہدری سالک حسین کی کاوشیں قابلِ تحسین ہیں۔ کوآرڈینیٹر وفاقی وزیر