Islam Times:

اجتماعی زیادتی کے واقعات، اثرات اور حل

اشاعت کی تاریخ: 13th, February 2025 GMT

اسلام ٹائمز: حال ہی میں اسکردو جنسی زیادتی کیس سوشل میڈیا پر شہ سرخی بنی ہوئی ہے سرزمین اہل بیت پر اسطرح کی قبیح عمل روز بہ روز کیوں رونما ہوتے جارہے ہے ؟ ا جتماعی زیادتی جو کہ ایک انتہائی سنگین جرم ہے جو نہ صرف متاثرہ فرد کی زندگی کو تباہ کرتا ہے، بلکہ اس کے معاشرتی اثرات بھی دور رس اور گہرے ہوتے ہیں۔ ایسے کیسز کے اثرات پورے معاشرتی ڈھانچے پر پڑتے ہیں اور اس سے فرد، خاندان اور پورے معاشرے میں مختلف نوعیت کے مسائل پیدا ہوتے ہیں۔ تحریر: کلثوم ایلیا شگری ایڈووکیٹ

اسلام میں فرد کی روحانیت اور اخلاقی ترقی کے ساتھ ساتھ اس کا سماجی کردار بھی اہم ہے۔ جب افراد دین سے دور ہو جاتے ہیں، تو ان کے اندر انسانیت، احترام اور دوسروں کے حقوق کی قدر کم ہو سکتی ہے، جو کہ بعض اوقات جرائم کے فروغ کا باعث بن سکتی ہے۔ لیکن یہ کہنا کہ صرف دین سے دوری ہی تمام جرائم کا سبب ہے، ایک سادہ تجزیہ ہو گا۔ معاشرتی حالات، اقتصادی دباؤ، تعلیم کی کمی، ذہنی صحت کے مسائل، اور دیگر کئی عوامل بھی جرائم کی وجہ بن سکتے ہیں۔ حال ہی میں اسکردو جنسی زیادتی کیس سوشل میڈیا پر شہ سرخی بنی ہوئی ہے سرزمین اہل بیت پر اسطرح کی قبیح عمل روز بہ روز کیوں رونما ہوتے جارہے ہے ؟ ا جتماعی زیادتی جو کہ ایک انتہائی سنگین جرم ہے جو نہ صرف متاثرہ فرد کی زندگی کو تباہ کرتا ہے، بلکہ اس کے معاشرتی اثرات بھی دور رس اور گہرے ہوتے ہیں۔ ایسے کیسز کے اثرات پورے معاشرتی ڈھانچے پر پڑتے ہیں اور اس سے فرد، خاندان اور پورے معاشرے میں مختلف نوعیت کے مسائل پیدا ہوتے ہیں۔
  1۔ عوامی آگاہی اور تعلیم:  معاشرتی سطح پر اس مسئلے کے بارے میں آگاہی بڑھانا ضروری ہے۔ تعلیمی اداروں، امام بارگاہوں ، مساجید ، مدارس ، میڈیا، اور دیگر پلیٹ فارمز کے ذریعے اس جرم کی سنگینی کو اجاگر کیا جانا چاہیے تاکہ معاشرتی سطح پر اس کی روک تھام ہو سکے۔
  2۔ اجتماعی زیادتی کے کیسز کے نفیساتی اثرات: اجتماعی زیادتی کا شکار فرد شدید ذہنی اور جسمانی صدمات کا سامنا کرتا ہے۔ اس کی خود اعتمادی ٹوٹ جاتی ہے، اور اس کے ذہن پر ایک طویل عرصے تک اس واقعے کا اثر رہتا ہے۔ اکثر متاثرہ فرد ڈپریشن، اضطراب، اور PTSD (Post-Traumatic Stress Disorder) کا شکار ہو جاتا ہے۔ یہ ان کی روزمرہ زندگی، تعلقات اور کام کرنے کی صلاحیت پر منفی اثرات ڈال سکتا ہے۔   3۔ خاندانی تعلقات پر اثرات: اجتماعی زیادتی کے کیسز میں خاندان کے افراد بھی شدید ذہنی دباؤ کا شکار ہو جاتے ہیں۔ والدین، بہن بھائی اور دیگر عزیز متاثرہ فرد کی حالت سے متاثر ہو کر نفسیاتی مسائل کا شکار ہو سکتے ہیں۔ بعض اوقات اس کے نتیجے میں خاندان میں آپس میں تناؤ بڑھ جاتا ہے، اور رشتہ داریوں میں دراڑ آ جاتی ہے۔   4۔ معاشرتی اعتماد کا نقصان: اس قسم کے جرم کے وقوع پذیر ہونے سے معاشرتی اعتماد میں کمی آتی ہے۔ لوگ ایک دوسرے پر شک کرنے لگتے ہیں اور احساسِ تحفظ کم ہو جاتا ہے۔ خاص طور پر خواتین اور بچوں میں خوف اور عدم تحفظ کا احساس بڑھتا ہے، اور وہ معاشرتی روابط سے دور ہو سکتے ہیں۔
  5۔ قانونی اور عدلیہ کے نظام پر سوالات:  اجتماعی زیادتی کے کیسز میں اگر عدلیہ اور پولیس بروقت اور موثر کارروائی نہ کریں تو لوگوں کا عدلیہ اور قانون کے نظام پر اعتماد کم ہو جاتا ہے۔ اس سے معاشرتی بے چینی پیدا ہوتی ہے اور لوگ انصاف کی امید چھوڑ دیتے ہیں۔ بعض اوقات متاثرہ افراد کو بدنامی اور عزت افزائی کے بجائے الزام کا سامنا بھی کرنا پڑتا ہے۔   6۔ سوشل میڈیا پر اثرات: سوشل میڈیا کا کردار بھی ایسے کیسز میں بہت اہم ہو جاتا ہے۔ متاثرہ فرد کی ذاتی معلومات، ویڈیوز یا تصاویر کی اشاعت اور عوامی ردعمل سے ان کے لیے مزید مسائل پیدا ہو سکتے ہیں۔ سوشل میڈیا پر غلط معلومات یا افواہیں پھیلنے سے معاشرتی ماحول مزید بگڑ سکتا ہے اور متاثرہ فرد کی زندگی کو مزید پیچیدہ بنا سکتا ہے۔   7۔ خوف اور عدم تحفظ کے احساس میں اضافہ: اجتماعی زیادتی کے واقعات لوگوں میں خوف اور عدم تحفظ کا احساس بڑھاتے ہیں۔ خواتین اور بچے خصوصاً اپنے حقوق اور حفاظت کے حوالے سے زیادہ حساس ہو جاتے ہیں۔ اس خوف کا اثر افراد کے رویوں پر پڑتا ہے، اور وہ اپنے روزمرہ کے کاموں میں خوفزدہ یا محتاط رہنے لگتے ہیں۔   8۔ اجتماعی زیادتی کے کیسز کے خلاف اقدامات: قانونی اصلاحات اور سخت سزائیں: اجتماعی زیادتی کے مجرموں کے لیے سخت سزا کا قانون نافذ کرنا ضروری ہے۔ اس کے لیے سزاؤں کا فوری اور مؤثر اطلاق کرنا چاہئے تاکہ ایسے جرائم کی روک تھام ہو سکے۔ ساتھ ہی، متاثرہ فرد کے ساتھ انصاف کی فراہمی میں تاخیر کو کم کرنے کے لیے عدالتوں کو تیز کارروائی کرنے کی ضرورت ہے۔   مجرموں کے لیے اصلاحی پروگرامز کی ضرورت: صرف سزا دینا کافی نہیں، بلکہ مجرموں کے لیے اصلاحی پروگرامز بھی ہونے چاہئیں تاکہ وہ اپنے جرائم کی سنگینی کو سمجھ سکیں اور آئندہ اس قسم کی حرکتوں سے بچ سکیں۔

.

ذریعہ: Islam Times

کلیدی لفظ: اجتماعی زیادتی کے کیسز متاثرہ فرد کی سوشل میڈیا پر ہو جاتا ہے سکتے ہیں ہوتے ہیں پیدا ہو کا شکار کیسز کے کے لیے

پڑھیں:

ملٹری ٹرائل کیس کے مستقبل کیلئے گہرے اثرات ہونگے : بغیر ایف آئی آر گرفتاری نہیں ہوسکتی ِ مجسٹریٹ کے آرڈر پر ہی حراست میں رکھنا ممکن : جسٹس جمال

اسلام آباد (خصوصی  رپورٹر) فوجی عدالتوں میں سویلینز کے ٹرائل کے خلاف انٹرا کورٹ اپیلوں پر سماعت کے دوران جسٹس جمال نے ریمارکس دیئے ہیں کہ ایف آئی آر کے بغیر نہ گرفتاری ہو سکتی ہے نہ ہی مجسٹریٹ کے آرڈر کے بغیر کسی کو حراست میں رکھا جا سکتا ہے۔ جسٹس جمال نے کہا کہ 20 منٹ تک اپنے دلائل مکمل کر لیں، وکیل وزارت دفاع خواجہ حارث نے کہا کہ میں کوشش کرونگا آج دلائل مکمل کر لوں۔ ایڈیشنل اٹارنی جنرل نے کہا کہ اگر وزارت دفاع کے وکیل کے دلائل مکمل ہوئے اٹارنی جنرل (بدھ) کو دلائل دیں گے، جسٹس محمد علی مظہر نے ریمارکس دیے کہ ایکٹ میں بھی کچھ بنیادی حقوق دیے گئے ہیں، رینجرز اور ایف سی اہلکار نوکری سے نکالے جانے کے خلاف سروس ٹربیونل سے رجوع کرتے ہیں۔ جسٹس جمال نے ریمارکس دیئے کہ کیا پولیس میں آئی جی اپیل سنتا ہے، یا ایس پی کیس چلاتا ہے، بھارت میں بھی آزادانہ فورم دستیاب ہے، ایف آئی آر کے بغیر نہ گرفتاری ہو سکتی ہے نہ ہی مجسٹریٹ کے آرڈر کے بغیر کسی کو حراست میں رکھا جا سکتا ہے۔ جسٹس محمد علی مظہر نے کہا کہ 9 مئی واقعات کے ملزموں پر آفیشل سیکرٹ ایکٹ کے تحت مقدمات درج ہوئے، فوج نے براہ راست کوئی ایف آئی آر درج نہیں کرائی، انسداد دہشت گردی کی عدالتوں کے ذریعے سویلین کی حوالگی فوج کو دی گئی، حراست میں دینا درست تھا یا نہیں یہ الگ بحث ہے۔ جسٹس جمال نے کہا کہ اس کیس کے مستقبل کیلئے بہت گہرے اثرات ہونگے۔ ایف بی علی کیس پر آج بھی اتنی دہائیوں بعد بحث ہو رہی ہے۔ جسٹس امین الدین خان نے کہا کہ خواجہ حارث کے بعد آج ہی اٹارنی جنرل کو بھی سنیں گے۔ خواجہ حارث نے کہا کہ ججز کے سوالات زیادہ نہ ہوتے تو ابھی مکمل کر لیتا، جسٹس مسرت ہلالی نے ریمارکس دیے کہ کل (بدھ) کی ذمہ داری مجھ پر ڈال دیں کسی کو سوال نہیں کرنے دوں گی، جسٹس جمال مندوخیل نے کہا کہ میں یقین دلاتا ہوں اب کوئی سوال نہیں کروں گا۔ جسٹس حسن اظہر رضوی نے کہا کہ آپ نے فیصل صدیقی کو ایف بی علی کا نام لینے سے روکا تھا، اب ہر روز ایف بی علی کا نام لیا جاتا ہے۔