وزیر تجارت جام کمال کی ترک ہم منصب سے ملاقات، باہمی تجارت اور سرمایہ کاری کو مضبوط بنانے کا عزم
اشاعت کی تاریخ: 13th, February 2025 GMT
وفاقی وزیر تجارت جام کمال خان اور ترک وزیر تجارت پروفیسر عمر بولات کے درمیان ایک اعلیٰ سطحی ملاقات کے دوران تجارت اور سرمایہ کاری کے تعلقات کو مضبوط بنانے کے عزم کا اعادہ کیا گیا ہے۔
اسلام آباد میں ہونیوالی اس ملاقات میں بھائی چارے اور باہمی تعاون کے جذبے کا اظہار کرتے ہوئے دونوں فریقین نے متعدد شعبوں میں اقتصادی تعاون کو بڑھانے کا عہد کیا۔
یہ بھی پڑھیں:پاکستان اور ترکیہ کا قومی مفاد کے بنیادی مسائل پر ایک دوسرے کی حمایت کے عزم کا اعادہ
ترک وزیر تجارت نے بتایا کہ پاکستان اور ترکی کے درمیان قریبی اور تذویراتی شراکت داری کو اجاگر کرتے ہوئے خدمات، سیاحت، تعلیم، آئی ٹی، دفاع اور انفرا اسٹرکچر جیسے اہم شعبوں میں 21 معاہدوں پر دستخط کیے جائیں گے۔
ترک وفد کا پرتپاک استقبال کرتے ہوئے وزیر تجارت جام کمال خان نے زور دیا کہ پاکستان ترکوں کا ’دوسرا گھر‘ ہے، انہوں نے نئے اقتصادی مواقع تلاش کرنے کی اہمیت پر زور دیا اور ترک وزیر تجارت کے دورہ پاکستان کو دونوں ممالک کے لیے ایک ’تاریخی لمحہ‘ قرار دیا۔
مزید پڑھیں:مینار پاکستان ترکیہ کے پرچم سے روشن، ’یہ پاکستان کا برج خلیفہ ہے‘
مہمان وزیر تجارت عمر بولات نے اسلام آباد کو ’اسلام کا شہر‘ قرار دیتے ہوئے پرتپاک استقبال پر اپنے ہم منصب کا شکریہ ادا کیا، انہوں نے ترک صدر رجب طیب ایردوان اور وزیر اعظم شہباز شریف کے درمیان مضبوط تعلقات کو اجاگر کرتے ہوئے دونوں ممالک کے درمیان گہرے تعلقات کے فروغ کا سہرا دونوں رہنماؤں کے سر باندھا۔
دونوں ممالک کے وزرا نے موجودہ چیلنجوں سے نمٹنے اور دونوں ممالک کے درمیان مکمل تجارتی امکانات کے در وا کرنے کی غرض سے ترجیحی تجارتی معاہدے کو از سر نو کرنے کی ضرورت پر تبادلہ خیال کیا۔
مزید پڑھیں:پاکستان میں مقرر ہونے والے ترکیہ کے نئے سفیر کون ہیں؟
انہوں نے رکن ممالک کے درمیان تجارت کو فروغ دینے کے لیے ڈی8 ترجیحی تجارتی معاہدے کو بحال کرنے اور اسے مضبوط بنانے کے امکانات کا بھی جائزہ لیا۔
پروفیسر عمر بولات نے پاکستان میں ترک سرمایہ کاروں کو درپیش مسائل کا ادراک کرتے ہوئے یقین دلایا کہ ان میں سے تقریباً سبھی اپنی سرمایہ کاری کو بڑھانے کے خواہشمند ہیں۔
جام کمال خان نے غیر ملکی سرمایہ کاری کو آسان بنانے کے لیے پاکستان کے عزم کا اعادہ کیا، کاروباری آپریشن کو ہموار کرنے اور کاروبار کرنے میں آسانی کو بہتر بنانے کی کوششوں کو اجاگر کیا۔
مزید پڑھیں: پاکستان اور ترکیہ میں عوامی بائیکاٹ سے کوکا کولا کو کتنا نقصان ہوا؟
انہوں نے ترک کمپنیوں کے لیے ہموار سرمایہ کاری کے عمل کو یقینی بنانے میں خصوصی سرمایہ کاری کی سہولت کونسل کے کردار پر زور دیا۔
جام کمال خان نے بڑھتے ہوئے اقتصادی تعاون کی مثالوں کے طور پر انفرا اسٹرکچر، مینوفیکچرنگ، توانائی، ٹرانسپورٹ اور میونسپل سروسز میں اپنی سرمایہ کاری کا حوالہ دیتے ہوئے ترک کمپنیوں کی جانب سے پاکستان کی معیشت پر اعتماد کی تعریف کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پروفیسر عمر بولات ترک صدر جام کمال خان رجب طیب ایردوان شہباز شریف وزیر اعظم وزیر تجارت.ذریعہ: WE News
کلیدی لفظ: جام کمال خان رجب طیب ایردوان شہباز شریف دونوں ممالک کے جام کمال خان سرمایہ کاری کے درمیان عمر بولات کرتے ہوئے انہوں نے اور ترک کے لیے
پڑھیں:
پاکستان نے خصوصی سرمایہ کاری سہولت کونسل کے ذریعے سرمایہ کاری کے طریقہ کار کو مزید سہل اور مجموعی کاروباری ماحول کو بہتر بنایا ہے ، وزیراعظم شہبازشریف
دبئی(نیوز ڈیسک)وزیراعظم محمد شہبازشریف نے کہا ہے کہ پاکستان نے خصوصی سرمایہ کاری سہولت کونسل کے ذریعے سرمایہ کاری کے طریقہ کار کو مزید سہل اور مجموعی کاروباری ماحول کو بہتر بنایا ہے اور شفافیت کو فروغ دیا ہے، ڈی پی ورلڈ کے ساتھ بامعنی سرمایہ کاری کے اشتراک سے پاکستان اور متحدہ عرب امارات کے تجارتی تعلقات کو مضبوط بنانے میں مدد ملے گی۔ منگل کو وزیراعظم آفس کے میڈیا ونگ سےجار ی بیان کے مطابق وزیرِ اعظم محمد شہباز شریف سے ورلڈ گورنمنٹس سمٹ کے موقع پر ڈی پی ورلڈ کے گروپ چیئرمین اور سی ای او سلطان احمد بن سلیم نے یہاں ملاقات کی۔
اس مو قع پر وزیر اعظم نے ڈی پی ورلڈ کے وفد کے پاکستان کے حالیہ کامیاب دورے کو سراہتے ہوئے کہا کہ یہ دورہ پاکستان اور ڈی پی ورلڈ کے درمیان بامعنی سرمایہ کاری کے اشتراک کا باعث بنا جو خوش آئند امر ہے۔ انہوں نے اس بات پر زور دیا کہ اس طرح کی سرگرمیوں و تعاون سے پاکستان اور متحدہ عرب امارات کے درمیان تجارتی تعلقات کو مضبوط بنانے میں مدد ملے گی۔
وزیراعظم محمد شہباز شریف نے پاکستان میں ڈی پی ورلڈ کی سرمایہ کاری کو سراہتے ہوئے تجارت اور لاجسٹک انفراسٹرکچر کو بڑھانے میں ان کے کردار کی تعریف کی۔ انہوں نے ڈی پی ورلڈ کے ساتھ بین الحکومتی معاہدوں کے تحت منصوبوں کی جلد تکمیل کے لئے پاکستان کے عزم کا اعادہ کیا۔ انہوں نے بتایا کہ خصوصی سرمایہ کاری سہولت کونسل (ایس آئی ایف سی) کے ذریعے پاکستان نے سرمایہ کاری کے طریقہ کار کو مزید سہل، شفافیت کو فروغ اور مجموعی کاروباری ماحول کو بہتر بنایا ہے، جس سے پاکستان عالمی سرمایہ کاروں کے لئے ایک پرکشش مقام بن گیا ہے۔
وزیراعظم نے ڈی پی ورلڈ کے وژن اور کاروباری حکمت عملی کو سراہا جو پاکستان کی معاشی امنگوں سے ہم آہنگ ہے۔ انہوں نے کہا کہ پاکستان کا سٹریٹجک محل وقوع ڈی پی ورلڈ کے لئے اپنے آپریشنز کو بڑھانے اور پاکستان میں جبل علی بندرگاہ جیسے کامیاب منصوبوں کی تقلید کا ایک مثالی موقع فراہم کرتا ہے۔ ڈی پی ورلڈ گروپ کے چیئرمین نے باہمی تعاون کو آگے بڑھانے میں حکومت پاکستان کی مسلسل حمایت پر وزیراعظم کا شکریہ ادا کیا۔ انہوں نے ڈی پی ورلڈ کے منصوبوں کی بروقت تکمیل کو یقینی بنانے اور تعاون کی نئی راہیں تلاش کرنے کے عزم کا اعادہ کیا۔ملاقات میں ڈی پی ورلڈ کے چیئرمین نے وزیرِ اعظم کو بتایا کہ پاکستانی مصنوعات کی متحدہ عرب امارت میں برآمدات کے فروغ کیلئے ڈی پی ورلڈ نے ایک خصوصی نمائشی ہال مختص کیا ہے جس کی بدولت اماراتی مارکیٹ تک پاکستانی مصنوعات کی رسائی اور ان کی تشہیر کے مواقع میسر ہوں گے۔ وزیرِ اعظم نے ڈی پی ورلڈ کے اس اقدام کو سراہا۔
معروف ٹک ٹاکر کی پراسرار ہلاکت