مفتی قوی نے راکھی ساونت سے نکاح کرنے کی تاریخ بتادی
اشاعت کی تاریخ: 13th, February 2025 GMT
لاہور(اردوپوائنٹ اخبار تازہ ترین۔13فروری 2025ء)مفتی قوی نے بھارتی اداکارہ راکھی ساونت سے نکاح کرنے کی تاریخ بتادی،مفتی قوی کا کہنا ہے کہ وہ بھارتی اداکارہ سے 14فروری کو نکاح کرنے جا رہے ہیں اور اس کی ساری تیاریاں مکمل کرلی گئی ہیں، میڈیا رپورٹس کے مطابق ان خیالات کااظہار انہوں نے سنو ٹی وی کے پروگرام میں گفتگو کرتے ہوئے کیا،ان کا کہنا تھا کہ راکھی ساونت نے خود 14 فروری کو نکاح کی تاریخ مقرر کی ہے۔
14فروری کا دن چونکہ خاص ہوتا ہے اسی لئے وہ بھی اسی دن راکھی ساونت کے ساتھ نکا ح کرینگے۔ایک سوال کے جواب میں مفتی قوی کا کہنا تھا کہ پاکستان آنے اور ان سے نکاح کے بعدبھارتی اداکارہ راکھی ساونت کو مکمل روایتی اور اسلامی لباس پہننا ہوگا۔ گفتگو کے دوران مفتی قوی نے یہ عندیہ بھی دیا کہ تاہم راکھی ساونت کی جگ ان کا لباس بھی تبدیل ہو سکتا ہے اور عین ممکن ہے کہ وہ دوسروں جیسا لباس پہننا شروع کردیں۔(جاری ہے)
گفتگو کرتے ہوئے مفتی قوی کا یہ بھی کہنا تھا کہ ہر انسان کو صرف ایک ہی شادی کرنی چاہیے جب کہ نکاح متعدد ہو سکتے ہیں۔میرا ذاتی خیال ہے کہ ہر کسی کو شادی صرف ایک کرنی چاہیے جب کہ نکاح بیک وقت چار بھی ہو سکتے ہیں تاہم اگر کوئی ان جیسا شخص ہو تو نکاح درجنوں بھی ہوسکتے ہیں۔ مفتی قوی کا یہ بھی کہنا تھا کہ جو شخص رن مرید ہے اسے سلیوٹ کیا جانا چاہیے اور اسیے سلامی دی جانی چاہیے وہ خوش نصیب شخص ہے۔ماضی میں ٹک ٹاکر حریم شاہ کے ساتھ ویڈیوز وائرل ہونے کے معاملے پر بات کرتے ہوئے مفتی قوی کا کہنا تھا کہ ٹک ٹاکر حریم شاہ کے ساتھ ان کی وائرل ہونے والی ویڈیو پاکستان کے ہر خوش نصیب شخص نے دیکھی جب کہ انہیں خواتین کے دلوں کو مسخر کرنا آتا ہے۔پروگرام میں گفتگو کرتے ہوئے مفتی قوی نے یہ بھی کہا کہ خواتین کے پاس مفتی قوی کے فون نمبر ہونے کے معاملے پر شک کی کوئی گنجائش نہیں ہونی چاہیے۔ ہر خاتون کے پاس ان کا نمبر ہوگا۔خیال رہے کہ چند روز قبل مفتی قوی نے بھارتی اداکارہ راکھی ساونت سے شادی کی خواہش کااظہارکیاتھا۔ مفتی قوی نے راکھی ساونت کو مشروط نکاح کی پیشکش کی تھی۔ مفتی قوی نے حال ہی میں سوشل میڈیا پر دئیے گئے انٹرویو میں راکھی ساونت سے شادی کی خواہش کا اظہار کیا تھا۔ان کا کہنا تھا کہ وہ راکھی ساونت سے نکاح کیلئے تیار ہیں لیکن ان کی صرف ایک ہی شرط تھی کہ وہ بتائیں کہ کہیں ان کا ہندو یا مسلم مذہب کے تحت کوئی نکاح تو نہیں ہواتھا؟۔مفتی قوی نے بھارتی اداکارہ سے شادی کرنے پر شرط رکھتے ہوئے کہا تھاکہ وہ راکھی ساونت سے نکاح کرنے سے قبل اپنی والدہ سے اجازت لیں گے اور اگر ان کی والدہ رضامند ہوئیں تو وہ اس شادی کیلئے تیار ہونگے۔.ذریعہ: UrduPoint
کلیدی لفظ: تلاش کیجئے راکھی ساونت سے نکاح بھارتی اداکارہ کا کہنا تھا کہ مفتی قوی کا مفتی قوی نے کرتے ہوئے نکاح کرنے یہ بھی
پڑھیں:
کوئی اسرائیل کو تسلیم کرنے کا سوچ رہا ہے تو ذہن سے نکال دے، مولانا فضل الرحمان
کراچی میں شارع قائدین پر اسرائیل مخالف مارچ سے خطاب کرتے ہوئے جے یو آئی-ف کے سربراہ کا کہنا تھا کہ عوام نے اہل فلسطین کو حوصلہ دیا ہے، خون کے آخری قطرے تک فلسطینی عوام کے ساتھ رہیں گے، اسرائیل کے خلاف سیلاب بن کر کھڑا ہونا ہوگا، اسرائیلی وزیراعظم نے کہا ہمیں سب سے بڑا خطرہ پاکستان سے ہے۔ اسلام ٹائمز۔ جمعیت علماء اسلام (جے یو آئی-ف) کے سربراہ مولانا فضل الرحمان کا کہنا ہے کہ کوئی اسرائیل کو تسلیم کرنے کا سوچ رہا ہے تو ذہن سے نکال دے، اسرائیل سے معاشی تعلقات قائم کرنا کسی کیلئے آسان نہیں ہوگا۔ کراچی میں شارع قائدین پر اسرائیل مخالف مارچ سے خطاب کرتے ہوئے مولانا فضل الرحمان نے کہا کہ عوام نے اہل فلسطین کو حوصلہ دیا ہے، خون کے آخری قطرے تک فلسطینی عوام کے ساتھ رہیں گے، اسرائیل کے خلاف سیلاب بن کر کھڑا ہونا ہوگا، اسرائیلی وزیراعظم نے کہا ہمیں سب سے بڑا خطرہ پاکستان سے ہے۔ مولانا فضل الرحمان نے کہا کہ اسرائیل کوئی ملک نہیں، اس نے سرزمین فلسطین پر قبضہ کیا ہے۔ امریکا اور یورپ نے ظالم کے حق میں اپنا مؤقف لیا ہوا ہے، آج کے اجتماع سے پیغام دیا ہے کہ مظلوم فلسطینی تنہا نہیں، 27 اپریل کو لاہور میں فلسطین مارچ کیا جائے گا۔
سربراہ جے یو آئی نے کہا کہ غزہ کے 60 ہزار افراد کی شہادت بھی حکمرانوں کو نہیں جگا سکی، حکمرانوں کی پرواہ کیے بغیر امت مسلمہ کو اٹھ کھڑا ہونا ہوگا۔ انہوں نے کہا کہ پراپیگنڈہ کیا جاتا ہے کہ فلسطینیوں نے اپنی زمین یہودیوں کو فروخت کی، 1917ء میں صرف 2 فیصد علاقے پر یہودی آباد تھے، پھر کیسے کہا جاتا ہے کہ فلسطین نے اپنی زمین فروخت کی، 1948ء میں صرف چھ فیصد حصے پر یہودی فلسطین میں رہتے تھے۔ مولانا فضل الرحمان نے کہا کہ عالمی عدالت انصاف فیصلہ دے چکی کہ اسرائیل جنگی مجرم ہے۔ سربراہ جے یو آئی ف مولانا فضل الرحمان نے کہا ہے کہ امریکا کو کہنا چاہتے ہیں کہ بس بہت ہوگیا، اسرائیل کوئی ملک نہیں۔ شہر قائد میں جے یو آئی ف کے شاہراہ قائدین پر "اسرائیل مردہ باد مارچ" سے خطاب کرتے ہوئے مولانا فضل الرحمان کا کہنا تھا کہ آج کے اجتماع سے ہم نے اہل غزہ کو پیغام دینا ہے کہ آپ تنہا نہیں ہیں۔
انہوں نے کہا کہ جے یو آئی ف کے کارکنان اہلیان فلسطین کے ساتھ شانہ بشانہ کھڑے ہیں، کراچی میں عوام کو جمع کرکے حکمرانوں کو بیدار کرنے کی کوشش کر رہے ہیں، ہمارے حکمران مفادات کے غلام بن چکے ہیں۔ سربراہ جے یو آئی ف کا کہنا تھا کہ خون کے آخری قطرے تک فلسطین کے عوام کے ساتھ رہیں گے، امریکا کو کہنا چاہتے ہیں بس بہت ہوگیا، اسرائیل کوئی ملک نہیں ہے، یہودیوں نے فلسطین کی زمین پر قبضہ کیا ہوا ہے۔ مولانا فضل الرحمان نے کہا کہ اسلامی ممالک کے حکمران کٹھ پتلی بن چکے ہیں، ہمارے ملک کے بانی قائداعظم نے اسرائیل کو ناجائز بچہ قرار دیا تھا، ہم اس کو کسی سطح پر بھی قبول کرنے کی کوشش کامیاب نہیں ہونے دیں گے۔ ان کا مزید کہنا تھا کہ ہم ببانگ دہل کہتے ہیں کہ حماس دہشت گرد نہیں مجاہد ہے، دہشت گرد اسرائیل اور امریکا ہیں، 27 اپریل کو لاہور مینار پاکستان میں ملین مارچ ہوگا۔
اسٹیک ہولڈرز کی شمولیت سے ہی بہتر عدالتی اصلاحات ممکن ہے، چیف جسٹس