وزیراعلیٰ پنجاب کے 3 مرلہ کے مفت پلاٹ دینے کے فیصلے پر عملدرآمد کا آغاز
اشاعت کی تاریخ: 13th, February 2025 GMT
لاہور(ڈیلی پاکستان آن لائن)وزیراعلیٰ پنجاب مریم نواز کے ضرورتمند، نادار اور بے گھر افراد کیلئے 3 مرلے کے مفت پلاٹ دینے کے فیصلے پر عملدرآمد کا آغاز کردیا گیا، پہلے مرحلے میں 22 اضلاع میں 33 اسکیموں میں 1892 پلاٹ دئیے جائیں گے۔
نجی ٹی وی سما نیوز کے مطابق وزیراعلیٰ پنجاب مریم نواز نے ضرورت مند، نادار اور بے گھر افراد کو 3 مرلہ کے مفت پلاٹ دینے کا اعلان کیا تھا، جس پر عملدرآمد شروع کردیا گیا ہے۔رپورٹ کے مطابق پنجاب میں مرحلے میں 22 اضلاع میں 33 سکیموں میں 1892 پلاٹ دئیے جائیں گے، راولپنڈی ڈویژن کے 4 اضلاع میں 5 سکیموں میں تین مرلہ کے 658پلاٹ دیئے جائیں گے، فیصل آباد ڈویژن کے 5 اضلاع کی 4 سکیموں میں تین مرلے کے 288 پلاٹ ملیں گے۔
فوجی عدالتوں میں سویلینز کے ٹرائل کے فیصلے کیخلاف انٹراکورٹ کیس؛ سلمان اکرم راجہ نے پی ٹی آئی کی غلطی کا اعتراف کرلیا
رپورٹ میں بتایا گیا ہے کہ لاہور ریجن کے 3 اضلاع کی 5 سکیموں میں تین مرلہ کے 518 پلاٹ، بھکر ریجن کی 7 سکیموں میں 131 پلاٹ اور ملتان ریجن کے 5 اضلاع کی 9 سکیموں میں تین مرلہ کے 270پلاٹ دیئے جائیں گے۔رپورٹ کے مطابق بہاولپور ریجن کی 3 سکیموں میں تین مرلہ کے 27 پلاٹ دیئے جائیں گے، حضرو، اٹک، جہلم، گجرات اور منڈی بہاء الدین میں تین مرلہ سکیم کے تحت غریب اور نادار افراد کو پلاٹ ملیں گے جبکہ چنیوٹ، ماموں کانجن، سلانوالی، جھنگ، پتوکی، اوکاڑہ، رینالہ خورد، بھکر، خوشاب اور لیہ میں بھی پلاٹس دیئے جائیں گے۔
پنجاب میں گھروں میں گاڑیاں دھونے پر پابندی عائد، 10 ہزار جرمانہ ہوگا،نوٹیفکیشن جاری
پنجاب حکومت نے وہاڑی، لودھراں، ساہیوال، چیچہ وطنی، فورٹ منرو، راجن پور، بہاولپور اور بہاولنگر کو بھی مفت پلاٹ سکیم میں شامل کیا ہے۔
وزیراعلی پنجاب مریم نواز نے بے گھر نادار افراد کو مفت پلاٹ دینے کیلئے فوری اقدامات کا حکم دیا ہے، انہوں نے کہا کہ پنجاب کے ہر شہری کے پاس اپنا گھر میرا خواب ہے، نادار اور مستحق لوگوں کا بھی حکومتی وسائل پر حق ہے، مفت پلاٹ کسی پر احسان نہیں ہوگا بلکہ اپنا فرض ادا کررہے ہیں۔
مزید :.ذریعہ: Daily Pakistan
کلیدی لفظ: سکیموں میں تین مفت پلاٹ دینے دیئے جائیں گے میں تین مرلہ تین مرلہ کے
پڑھیں:
پنجاب کے بیشتر اضلاع میں بادل چھا گئے؛ بارش ہوگی یا نہیں، جانیے!
لاہور:پنجاب کے بیشتر اضلاع میں بادل چھا گئے، تاہم بارش ہوگی یا نہیں، اس حوالے سے محکمہ موسمیات نے پیش گوئی جاری کردی ہے۔
محکمہ موسمیات کے مطابق بارش برسانے والا سسٹم پاکستان میں داخل ہو چکا ہے، جس کے زیر اثر لاہور سمیت پنجاب کے بیشتر اضلاع میں آج آسمان پر بادل رہیں گے، تاہم بارش کے امکانات کم ہیں۔
اہرین نے بتایا کہ آج بارش کے امکانات کم ہونے کے باوجود کل لاہور سمیت پنجاب کے متعدد اضلاع میں بارش کے امکانات ہیں۔ بارش کے باعث موسم پھر تبدیل ہوگا اور درجہ حرارت میں کمی ہوگی۔
آج لاہور میں کم سے کم درجہ حرارت 9ڈگری سینٹی گریڈ ریکارڈ کیا گیا جب کہ زیادہ سے زیادہ 24 تک جانے کے امکانات ہیں۔
پٹرولیم مصنوعات کی قیمتوں میں اضافہ،ٹرانسپورٹرز نےکرائے بڑھا دیئے