پنجاب میں اقلیتی کارڈز کی تقسیم کا آغاز
اشاعت کی تاریخ: 13th, February 2025 GMT
پنجاب میں اقلیتی برادری میں مائنورٹی کارڈز کی تقسیم کا آغاز ہوگیا۔
لاہور میں ڈپٹی کمشنر آفس میں اقلیتی کارڈز تقسیم کرنے کی تقریب ہوئی۔ ڈی سی لاہور سید موسیٰ رضا نے اقلیتی برادری میں کارڈز تقسیم کیے۔ کارڈز بائیومیٹرک کی ویریفکیشن کے بعد تقسیم کیے گئے۔ اقلیتی برادری کو ماہانہ 10 ہزار 5 سو روپے کی ادائیگی کی جائے گی۔
ڈی سی لاہور نے اس موقع پر کہا کہ اقلیتی برادری کی معاشی مشکلات کو کم کرنے کے لئے یہ قدم اٹھایا گیا ہے۔ مائنورٹی کارڈز کے تحت اقلیتی برادری کو بھی باوقار اور باعزت زندگی گزارنے کا موقع فراہم کیا جا رہا ہے۔ وزیر اعلیٰ پنجاب مریم نواز شریف کی ہدایت پر نادار اور مستحق افراد کو مالی امداد کی فراہمی یقینی بنائی جائے گی۔
.
ذریعہ: Express News
کلیدی لفظ: اقلیتی برادری
پڑھیں:
لاہور، پنجاب یونیورسٹی میں جمعیت کے زیراہتمام ’’حیا واک‘‘ کا انعقاد
سابق ممبر پنجاب اسمبلی سمیعہ راحیل قاضی نے خطاب کرتے ہوئے کہا کہ معاشرے میں حیا کی ترویج وقت کی اہم ضرورت ہے، مغرب مسلم خواتین کی گمراہی کے نت نئے طریقے نکال رہا ہے، کبھی ویلنٹائن ڈے کے نام سے گمراہ کرتا ہے تو کبھی مخلوط محافل میں عورت کو اہمیت دے کر اسے راغب کرتا ہے۔ اسلام ٹائمز۔ لاہور کی تاریخی جامعہ پنجاب میں اسلامی جمعیت طلبہ کی جانب سے حیا واک کا اہتمام کیا گیا، جس میں طلبہ و طالبات کی بڑی تعداد نے شرکت کی۔ واک کی قیادت سابق رکن پنجاب اسمبلی سمیعہ راحیل قاضی نے کی۔ حیا واک میں نوجوان نسل میں حیا اور اسلامی اقدار کے فروغ کا پیغام دیا گیا۔ اسلامی جمیعت طلبہ کے زیراہتمام حیا واک کے شرکاء سے احسن فرید، صہیب عامر فخری سمیت دیگر رہنماوں نے خطاب کیا۔ جنرل سیکرٹری اسلامی جمیعت طلبہ جامعہ پنجاب کا کہنا تھا کہ حیا ہماری پہچان ہے، اسلام نے عورت کو عزت دی ہے، جبکہ نام نہاد مغربی قوتیں عورت کو سر بازار لا کر اسے ’’شو پیس‘‘ بنا دیا ہے۔ آج اسلام دشمن قوتوں کا پہلا نشانہ تعلیمی ادارے ہیں، جہاں بے حیاتی کو فروغ دے کر ہماری بچیوں کو گمراہ کرنے کا منصوبہ شروع کیا گیا ہے، مگر اسلامی جعمیت اس اسلام دشمن قوتوں کے سامنے ایک مضبوط ڈھال ہے۔
سابق ممبر پنجاب اسمبلی سمیعہ راحیل قاضی نے خطاب کرتے ہوئے کہا کہ معاشرے میں حیا کی ترویج وقت کی اہم ضرورت ہے، مغرب مسلم خواتین کی گمراہی کے نت نئے طریقے نکال رہا ہے، کبھی ویلنٹائن ڈے کے نام سے گمراہ کرتا ہے تو کبھی مخلوط محافل میں عورت کو اہمیت دے کر اسے راغب کرتا ہے۔ سمیعہ راحیل قاضی نے مزید کہا کہ اسلامی جمیعت طلبہ کے نوجوانوں کی وجہ سے جامعہ کی طالبات محفوظ ہیں، طالبات کو تحفظ کی فراہمی کا یہ سلسلہ برقرار رہے گا۔ احسن فرید نے کہا کہ نوجوان نسل کو مغربی یلغار سے بچانے کیلئے کردار ادا کرنا ہوگا، حیا واک میں شریک طلبہ کا جوش و خروش دیدنی تھا، واک کے شرکاء نے اسلامی روایات کے تحفظ کا عزم کیا۔
بنگلہ دیش میں اداکارہ مہرافروز کےبعدسہانا صبا بھی گرفتار