صدر رجب طیب اردوان کی وزیراعظم ہاؤس آمد ،شہباز شریف نے استقبال کیا
اشاعت کی تاریخ: 13th, February 2025 GMT
ترکیہ کے صدررجب طیب اردوان پاکستان کے دورے پر گزشتہ رات پہنچے تھے، صدر رجب طیب اردوان کی وزیراعظم ہاؤس آمد ہوئی جہاں وزیرا عظم شہباز شریف نے ان کا شاندار استقبال کیا ۔وزیراعظم ہاؤس آمد پر شہباز شریف نے ترک صدر اور خاتون اول کا پرتپاک استقبال کیا اور انکے اعزاز میں سلامی بھی دی گئی اور دونوں ممالک کے قومی ترانے بجائے گئے، وزیراعظم نے مہمان خصوصی کی وفاقی کابینہ کے اراکین سے ملاقات بھی کروائی۔آرمی چیف کی بھی ترکیہ کے صدر سے ملاقات ہوئی،جے ایف17تھنڈر اور ایف سولہ جہازوں نے ترکیہ کے صدر کو سیلوٹ پیش کیا،ترکیہ کے صدر کو پاک فضائیہ کے طیاروں کو گارڈ آف آنر اور سیلوٹ دیا گیا،دونوں کے درمیان مسکراہٹوں کا تبادلہ بھی ہو ا۔سٹیج پر وزیراعظم کے ساتھ آرمی چیف بھی موجود تھے،ترکیہ کے صدر نے آرمی چیف سے گرمجوشی سے مصافحہ کیا،ملاقات ترکیہ کے صدر رجب طیب اردوان کے اعزاز میں استقبالیہ تقریب کے موقع پر ہوئی۔خیال رہے کہ گزشتہ رات دیر گئے ترک صدر خاتون اول اور سرمایہ کاروں اور تاجر رہنماؤں کے ہمراہ نور خان ائیر بیس پہنچے تھے جہاں صدر پاکستان آصف علی زرداری اور وزیراعظم شہباز شریف نے ان کا شاندار استقبال کیا تھا۔
.ذریعہ: Nawaiwaqt
کلیدی لفظ: شہباز شریف نے ترکیہ کے صدر استقبال کیا طیب اردوان
پڑھیں:
اسلام آباد: ترکیہ کے صدر طیب اردوان کل پاکستان پہنچیں گے
اسلام آباد(نیوز ڈیسک)ترکیہ کے صدر رجب طیب اردوان کل 12 سے 13 فروری تک پاکستان کا دورہ کریں گے۔ یہ دورہ وزیر اعظم شہباز شریف کی دعوت پر کیا جا رہا ہے۔ترکیہ کے صدر کے ہمراہ اعلیٰ سطح کا وفد بھی ہوگا جس میں وزراء، اعلیٰ حکام اور کارپوریٹ رہنما شامل ہوں گے۔ دورے کے دوران، دونوں ممالک کے درمیان تجارتی و معاشی معاہدوں پر بات چیت کی جائے گی۔ صدر اردوان اور وزیر اعظم شہباز شریف پاک ترک اعلیٰ سطح سٹریٹجک کوآپریشن کونسل (HLSCC) کے ساتویں اجلاس کی مشترکہ صدارت کریں گے۔ سیشن کے اختتام پر ایک مشترکہ اعلامیہ جاری کیا جائے گا، اور متعدد اہم معاہدوں/ایم او یوز پر دستخط متوقع ہیں۔
دورے کے دوران صدر اردوان، وزیر اعظم شہباز شریف اور صدر آصف علی زرداری سے بھی دو طرفہ ملاقاتیں کریں گے۔ وزیر اعظم شہباز شریف کے ساتھ وہ پاکستان ترکیہ بزنس اینڈ انویسٹمنٹ فورم سے بھی خطاب کریں گے، جس میں دونوں اطراف کے سرکردہ سرمایہ کاروں، کمپنیوں اور کاروباری افراد کو اکٹھا کیا جائے گا۔ ہائی لیول اسٹریٹجک کوآپریشن کونسل (HLSCC) فیصلہ سازی کا اعلیٰ ترین فورم ہے، جو دونوں ممالک کے درمیان دوطرفہ تعلقات کو مزید مضبوط بنانے کے لیے اسٹریٹجک سمت فراہم کرتا ہے۔ اب تک ایچ ایل ایس سی سی کے چھ اجلاس منعقد ہو چکے ہیں، اور آخری اجلاس 13-14 فروری 2020 کو اسلام آباد میں ہوا تھا۔ پاکستان اور ترکیہ تاریخی برادرانہ رشتہ رکھتے ہیں اور ترکیہ کے صدر کا دورہ دونوں ممالک کے درمیان تعلقات کو مزید گہرا کرنے اور کثیر جہتی تعاون کو بڑھانے میں معاون ثابت ہوگا۔
عمر ایوب کا عام انتخابات، 26 ویں ترمیم کا معاملہ آئی ایم ایف کے سامنے اٹھانے کا اعلان
26 نومبر سے متعلق مقدمات، بشریٰ بی بی کی عمران خان سے ملاقات کروانے کا حکم