پی ٹی آئی کے سینئر رہنما شیر افضل مروت کی حمایت میں سامنے آگئے
اشاعت کی تاریخ: 13th, February 2025 GMT
پاکستان تحریک انصاف کے سینئر رہنما اور ایم این اے شہریار آفریدی نے کہا ہے کہ شیر افضل کی پارٹی کے کیے خدمات ہیں، پارٹی نے جہاں بلایا شیر افضل پہنچے، شیر افضل مروت کے لیے بانی چیئرمین عمران خان سے بات کروں گا۔
پشاور میں میڈیا سے بات چیت کرتے ہوئے انہوں نے کہا کہ 26 نومبر کو جو ہوا پوری قوم نے دیکھا، ہمارے لیڈر نے قانون کی بالادستی کی بات کی ہے، قانون کی بالادستی ہی قوم کو دوام بخشتی ہے، ہم آئین و قانون کے لیے کھڑے رہیں گے۔
شہریار آفریدی نے کہا کہ قبائلی عوام سے جو وعدہ کیا گیا اس سے تمام سٹیک ہولڈرز نے منہ پھیر دیا ہے، وفاق نے کوہاٹ کے فنڈز روکے ہوئے ہیں، پنجاب میں تحریک انصاف پدترین ظلم و بربریت کی جارہی ہے،8 فروری کو پورے پنجاب میں دفعہ 144 نافذ رہی، جیلوں میں تحریک انصاف پر تشدد کیا جارہا ہے، ایسی حرکتیں پاکستان کو کھوکھلا کررہی ہیں، کرپشن کا بازار گرم ہے فارم 47 والوں کی سیاست ختم ہوگئی ہے۔
انہوں نے کہا کہ شیر افضل کی پارٹی کے کیے خدمات ہیں، پارٹی نے جہاں بلایا شیر افضل پہنچے، شیر افضل مروت کے لیے بانی چیرمین سے بات کریں گے، قانون کی بالادستی کے لیے ہم سب نے ایک ہونا ہے، کسی کی عزت نفس مجروح نہ کریں۔
شہریار آفریدی نے کہا کہ جوڈیشل کمیشن کیوں بنایا جارہا ہے کیا رکاوٹ ہے۔
قبل ازیں ممبر قومی اسمبلی شہریار افریدی، دوار کنڈی، محمد نواز کی مقدمات تفصیلات کے لئے دائر درخواستوں پر سماعت ہوئی، سماعت جسٹس صاحبزادہ اسد اللہ اور جسٹس صلاح الدین نے کی۔
عدالت نے درخواست گزاروں کی حفاظتی ضمانت میں توسیع کردی، عدالت نے درخواست گزاروں کو درج مقدمات میں گرفتار نہ کرنے کا حکم دیا، عدالت نے وفاقی حکومت سے رپورٹ طلب کرلیا۔
وکیل درخواست گزار عالم خان ادینزیی ایڈوکیٹ نے کہا کہ درخواست گزاروں کے خلاف مقدمات درج ہیں تو اس کی تفصیلات فراہم کیا جائے، پراسیکیوٹر نیب نے کہا کہ ہم نے رپورٹ جمع کیا ہے، درخواست گزاروں کے خلاف نیب کی کوئی انکوائری نہیں ہے۔
ایف آئی اے کے نمائندے نے کہا کہ پشاور۔ ایف آئی اے کا بھی کوئی کیس نہیں ہے، ڈپٹی اٹارنی جنرل نے کہا کہ وفاقی حکومت کی جانب سے ہم آئندہ سماعت پر رپورٹ جمع کرے گے۔
پشاور۔ عدالت نے درخواست گزاروں کی حفاظتی ضمانت میں توسیع کرتے ہوئے سماعت ملتوی کردی۔
.ذریعہ: Express News
کلیدی لفظ: درخواست گزاروں نے کہا کہ شیر افضل کے لیے
پڑھیں:
بانی پی ٹی آئی عمران خان نے شیر افضل مروت کو پارٹی سے نکال دیا
اسلام آباد (نیوز ڈیسک)پاکستان تحریک انصاف (پی ٹی آئی) کے بانی عمران خان نے شیر افضل مروت کو پارٹی سے نکال دیا۔
ذرائع کی جانب سے بتایا گیا ہے کہ شیر افضل مروت کو بار بار پارٹی ڈسپلن کی خلاف ورزی پر پارٹی سے نکالا گیا، شیر افضل مروت کو پارٹی کے خلاف بیانات دینے پر پہلے شوکاز نوٹس دیا گیا تھا۔
ذرائع کا بتانا ہے کہ صوابی جلسے میں غیرضروری تقریر پر بانی پی ٹی آئی عمران خان نے شیر افضل پر اظہار برہمی کیا، پارٹی رہنما جلد شیرافضل مروت کی بنیادی رکنیت ختم کرنے کا نوٹیفکیشن جاری کریں گے، بنیادی رکنیت ختم ہونے پر شیر افضل مروت سے بطور ایم این اے استعفیٰ مانگا جائے گا۔
ذرائع کے مطابق شیرافضل مروت کے صوابی جلسہ میں کردار پر رہنماؤں نے بانی پی ٹی آئی عمران خان سے شکایت کی تھی۔
26 نومبر سے متعلق مقدمات، بشریٰ بی بی کی عمران خان سے ملاقات کروانے کا حکم