ترک صدر رجب طیب اردوان وزیراعظم ہاؤس پہنچ گئے، گارڈ آف آنر پیش کیا گیا
اشاعت کی تاریخ: 13th, February 2025 GMT
ترکیے کے صدر رجب طیب اردوان وزیراعظم ہاؤس پہنچ گئے، وزیراعظم شہباز شریف نے پرتپاک استقبال کیا۔
2 روزہ دورے پر پاکستان آئے ہوئے ترک صدر رجب طیب اردوان کی وزیراعظم ہاؤس آمد پر شاندار استقبال کیا گیا، مہمان صدر کے لیے پروقار استقبالیہ تقریب منعقد کی گئی، شاہراہ دستور پر سرخ اور سبز ہلالی پرچم لہرائے گئے۔
.ذریعہ: Jasarat News
پڑھیں:
اردگان 2روزہ دورے پر پاکستان پہنچ گئے: صدر‘ وزیراعظم نے استقبال کیا‘آصفہ بھٹو بھی موجود تھیں
اسلام آباد (نمائندہ خصوصی+ نوائے وقت رپورٹ) ترکیہ کے صدر رجب طیب اردگان پاکستان کے دو روزہ دورے پر پاکستان پہنچ گئے۔ صدر اور وزیراعظم شہباز شریف نے ترک صدر کا ائیرپورٹ پر ریڈ کارپٹ استقبال کیا۔ ترک صدر اردگان کے ساتھ وزراء اور سینئر حکام پر مشتمل اعلیٰ سطح کا وفد اور معروف کاروباری شخصیات بھی وفد میں شامل ہیں۔ وفاقی کابینہ کے ارکان بھی استقبال کیلئے موجود تھے۔ صدر اردگان اور وزیراعظم شہباز شریف سٹرٹیجک کوآپریشن کونسل اجلاس کی مشترکہ صدارت کریں گے۔ کونسل کا یہ ساتواں اجلاس ہو گا۔ اجلاس کا مشترکہ اعلامیہ جاری ہو گا۔ پاکستان اور ترکیہ کے درمیان متعدد معاہدوں اور ایم او یوز پر دستخط ہوں گے۔ صدر رجب طیب اردگان کی آمد پر ان کے اعزاز میں 21 توپوں کی سلامی دی گئی اور روایتی لباس میں ملبوس سکول کے بچوں نے ان کو خوش آمدید کہا۔ ملٹری بینڈ نے بھی روایتی انداز میں ان کا استقبال کیا۔ پاکستان کی فضائی حدود میں داخل ہونے کے بعد پاک فضائیہ کے JF-17 طیاروں نے ان کا فضائی استقبال کیا اور ان کے جہاز کو اپنے حصار میں اسلام آباد لائے۔ ترک صدر، صدر پاکستان اور وزیر اعظم سے ملاقات کریں گے اور پاکستان ترکیہ بزنس فورم میں شرکت کریں گے۔
عوام مالی منافع کا لالچ دینے والی فراڈ اسکیموں سے خود کو بچائیں، ایس ای سی پی