مدینہ منورہ سمیت متعدد شہروں میں بارشوں کا الرٹ جاری
اشاعت کی تاریخ: 13th, February 2025 GMT
جدہ (نیوز ڈیسک)سعودی عرب میں آج سے پیر تک مملکت کے بیشترعلاقوں میں کہیں ہلکی جبکہ بعض جگہ موسلا دھار بارش کا امکان ہے۔ عرب خبر رساں ادارے کی رپورٹ کے مطابق موسمیاتی مرکز کا کہنا ہے کہ مکہ مکرمہ ریجن کے علاقے طائف، میسان، اضم، العرضیات، المویہ، الخرمہ، شہر مقدس، بحرہ، رنیہ، تربہ، الجموم اور خلیص میں جمعرات سے اتوار تک بارش کے ساتھ تیز گرد آلود ہوا چلنے کا امکان ہے،
جمعرات سے پیر تک الباحہ ریجن کے بعض علاقے بھی بارش کی لپیٹ میں رہیں گے۔ اس کے علاوہ سعودی عرب میں نجران، مدینہ منورہ، ریاض، قصیم، حاالجوف اور شمالی حدود کے علاقوں میں بھی بارش کا سلسلہ پیر تک جاری رہے گا۔
دوسری جانب ایران کے جزیرے ہرمز کے ’ریڈ بیچ‘ پر شدید بارشوں کے باعث سرخ رنگ کا سیلاب آ گیا ہے، جسے دیکھ کر انٹرنیٹ صارفین حیران رہ گئے ہیں۔
ریکارڈ ہدف کا تعاقب؛ بھارتی رضوان، سلمان کو دیکھ کر حیران
ذریعہ: Daily Ausaf
پڑھیں:
خیبرپختونخوا کے درجہ حرارت میں غیر معمولی اضافے کا امکان، ایڈوائزری جاری
خیبرپختونخوا میں محکمہ موسمیات نے آنے والے دنوں میں صوبے کے بیشتر اضلاع میں متوقع ہیٹ ویو سے قبل الرٹ جاری کر دیا ہے۔
صوبائی ڈیزاسٹر مینجمنٹ اتھارٹی (PDMA) نے ہفتے کے روز اعلان کیا کہ کل بروز پیر سے دن کے وقت درجہ حرارت میں مسلسل اضافہ ہونے کا امکان ہے۔
یہ بھی پڑھیں:ہیٹ ویو: فالج سے کیسے بچا جا سکتا ہے؟
امکان ہے کہ درجہ حرارت میں یہ اضافہ 4 سے 6 ڈگری سینٹی گریڈ تک ہو سکتا ہے، جبکہ دوپہر اور شام کے اوقات میں خشک اور گرد آلود ہوائیں مختلف علاقوں کو متاثر کر سکتی ہیں۔
محکمہ موسمیات نے خبردار کیا ہے کہ مسلسل گرم اور خشک حالات ہیٹ اسٹروک کے خطرے کو بڑھا سکتے ہیں۔احتیاطی نقطہ نظر سے پی ڈی ایم اے نے تمام ضلعی انتظامیہ اور متعلقہ اداروں کو حفاظتی اقدامات پر عمل درآمد کرنے کی ہدایت کی ہے۔
محکمے کی جانب سے لوگوں کو صبح 10 بجے سے شام 5 بجے تک دھوپ سے باہر رہنے کا مشورہ دیا گیا ہے۔ خاص طور پر بزرگ شہریوں اور بچوں کو جو گرمی سے متعلق بیماریوں کا زیادہ خطرہ رکھتے ہیں۔
ہیٹ ویو کے مضر اثرات کو کم کرنے میں مدد کے لیے محکمہ صحت سے کہا گیا ہے کہ وہ ہیٹ اسٹروک کے علاج کے مراکز کی دستیابی کو یقینی بنائے، اور ہنگامی طبی عملے اور ریسکیو یونٹوں کو الرٹ پر رکھا گیا ہے۔اس حوالے سے کسانوں سے بھی اپیل کی گئی ہے کہ وہ اپنی فصلوں کے لیے وافر پانی محفوظ رکھیں۔
ایڈوائزری میں گرم موسم کے دوران مویشیوں اور پالتو جانوروں کی دیکھ بھال کے لیے رہنمائی بھی شامل ہے، جبکہ گاڑی چلانے والوں کو مشورہ دیا جاتا ہے کہ وہ سفر سے پہلے اپنی گاڑیوں کے کولنٹ لیول اور ٹائر پریشر کو چیک کریں۔
پی ڈی ایم اے کے مطابق اس کا ایمرجنسی آپریشن سینٹر فعال ہے اور شہری 1700 پر کال کرکے گرمی سے متعلق ہنگامی صورتحال کی اطلاع دے سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈوائزری پی ڈی ایم اے خیبرپختونخوا ہیٹ ویو
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا