حافظ آباد میں فائرنگ سے تحریک انصاف کے رہنماء جاں بحق
اشاعت کی تاریخ: 13th, February 2025 GMT
حافظ آباد ( اُردو پوائنٹ اخبارتازہ ترین۔ 13 فروری 2025ء ) صوبہ پنجاب کے علاقہ حافظ آباد میں فائرنگ سے پاکستان تحریک انصاف کے رہنماء جاں بحق ہوگئے۔ میڈیا رپورٹس کے مطابق حافظ آباد میں فائرنگ سے پی ٹی آئی کے مقامی رہنما قمر جاوید ایڈووکیٹ جاں بحق ہوئے، قمرجاوید ایڈووکیٹ کو نماز فجر کے لیے مسجد جاتے ہوئے فائرنگ کا نشانہ بنایا گیا جس کے بعد ملزمان موقع سے فرار ہوگئے، یہ واقعہ حافظ آباد کے علاقے کوٹ نکہ میں پیش آیا جہاں نامعلوم ملزمان کی جانب سے فائرنگ کا نشانہ بنائے جانے بعد تحریک انصاف کے مقامی رہنماء موقع پر ہی جاں بحق ہوگئے، مقتول قمر جاوید ایڈووکیٹ گزشتہ برس ہونے والے عام انتخابات میں پی ٹی آئی کے ٹکٹ پر پنجاب اسمبلی کی نشست کے امیدوار تھے۔
گزشتہ برس لاہور میں تحریک انصاف کے رہنما ڈاکٹر شاہد صدیق قاتلانہ حملے میں جاں بحق ہوگئے تھے، واقعہ تھانہ کاہنہ کی حدود ویلنشیا ٹاؤن میں اس وقت پیش آیا جب ڈاکٹر شاہد نماز جمعہ کی ادائیگی کے بعد گھر جانے کیلئے اپنی گاڑی کے قریب پہنچے تو حملہ آور نے پانچ گولیاں فائر کیں، مقتول کا بیٹا فائرنگ کے دوران محفوظ رہا جبکہ ڈاکٹر شاہد کو چار گولیاں لگیں۔(جاری ہے)
اس سے پہلے راولپنڈی میں کوٹلی ستیاں کے علاقے میں فائرنگ سے تحریک انصاف کے مقامی رہنما احسان ستی جاں بحق اور ان کا ساتھی زخمی ہوا تھا، پولیس ذرائع نے بتایا تھا کہ پی ٹی آئی کے مقامی رہنما راجہ احسان ستی گاڑی پر سانٹھ سرولہ سے گزر رہے تھے کہ مسلح افراد نے فائرنگ شروع کردی جس سے راجہ احسان ستی اور جاوید عباسی زخمی ہوگئے، دونوں کو شدید زخمی حالت میں ہسپتال منتقل کیا جارہا تھا کہ راجہ احسان ستی زخموں کہ تاب نہ لاتے ہوئے دم توڑ گئے۔ .ذریعہ: UrduPoint
کلیدی لفظ: تلاش کیجئے تحریک انصاف کے کے مقامی رہنما میں فائرنگ سے احسان ستی
پڑھیں:
شیر افضل مروت کو باضابطہ طور پر تحریک انصاف سے نکال دیا گیا
اسلام آباد (اُردو پوائنٹ اخبارتازہ ترین۔ 12 فروری2025ء) شیر افضل مروت کو باضابطہ طور پر تحریک انصاف سے نکال دیا گیا، بانی عمران خان کی ہدایت پر تحریک انصاف نے رکن قومی اسمبلی کی پارٹی رکنیت ختم کرنے کا نوٹیفیکیشن جاری کر دیا۔ تحریک انصاف کی جانب سے جاری اعلامیہ کے مطابق "شیر افضل مروت کو جاری کیے گئے شوکاز نوٹس اور اس کے بعد کے جواب کے علاوہ پارٹی نے ان کے جواب پر غور کیا ہے اور ان کے اقدامات کو بھی شوکاز نوٹس سے مشروط کیا ہے۔ ان دونوں پہلوؤں کو مدنظر رکھتے ہوئے اور چیئرمین عمران خان کی ہدایت پر شیر افضل مروت کو فوری طور پر پارٹی سے نکال دیا گیا ہے۔" شیر افضل مروت کو پارٹی سے نکالنے کا نوٹیفیکیشن ایڈیشنل سیکرٹی جنرل فردوس شمیم نقوی کی جانب سے جاری کیا گیا۔(جاری ہے)
اس سے قبل بدھ کے روز میڈیا میں یہ خبر سامنے آئی تھی کہ پاکستان تحریک انصاف نے رکن قومی اسمبلی شیر افضل مروت کو پارٹی سے نکالنے کا فیصلہ کرلیا، جلد اعلامیہ جاری کیا جائے گا۔
ذرائع نے بتایا کہ پی ٹی آئی کے بانی عمران خان نے پارٹی قیادت کو شیر افضل مروت کے خلاف فیصلہ کن اقدام کی ہدایت کی۔ پارٹی رہنما جلد شیر افضل مروت کی بنیادی رکنیت ختم کرنے کا نوٹیفکیشن جاری کریں گے،بنیادی رکنیت ختم ہونے پر شیر افضل مروت سے بطور رکن قومی اسمبلی استعفیٰ بھی طلب کیا جائے گا۔ذرائع کے مطابق شیر افضل مروت کے تحریک انصاف کے صوابی جلسہ میں کردار پر پارٹی رہنماؤں نے بانی پی ٹی ائی سے شکایت کی تھی۔واضح رہے کہ گزشتہ ماہ بانی پی ٹی آئی عمران خان کی ہدایت پر شیر افضل مروت کو شو کاز نوٹس جاری کیا گیا تھا۔
چین کا ہاربن 29 برس بعد دوسری بار ایشیائی سرمائی کھیلوں کی میزبانی کر رہا ہے