UrduPoint:

شام: عبوری حکومت سے شفاف و آزادانہ انتخابات یقینی بنانے کا مطالبہ

اشاعت کی تاریخ: 13th, February 2025 GMT

اسلام آباد (اُردو پوائنٹ ۔ UN اردو۔ 13 فروری 2025ء) شام کے لیے اقوام متحدہ کے نمائندہ خصوصی جیئر پیڈرسن نے ملک کے عبوری حکام پر زور دیا ہے کہ وہ جمہوری حکومت کی جانب مشمولہ منتقلی یقینی بنائیں جس کے لیے شفافیت، قانون پر عملدرآمد اور منصفانہ انتخابات ضروری ہیں۔

سلامتی کونسل کو شام کی صورتحال پر بریفنگ دیتے ہوئے انہوں نے ملک کے قائم مقام صدر احمد الشرح کے وعدوں کو سراہتے ہوئے کہا ہے کہ سرکاری اداروں، عبوری حکومت اور صوبائی قانون ساز اداروں سمیت ہر جگہ اور ہر معاملے میں قابل بھروسہ اور مشمولہ اقدامات کی ضرورت ہے۔

انہوں نے کہا کہ شام میں خواتین کو بطور خاص تحفظ درکار ہے۔ وہ فیصلہ سازی اور اہم عہدوں پر اپنا بامعنی کردار چاہتی ہیں۔ عبوری اداروں میں بھی انہیں جائز نمائندگی ملنی چاہیے تاکہ ان کی بات سنی جا سکے اور شامی خواتین کی صورتحال اور حقوق سے متعلق مسائل میں بھی ان کی رائے اور فیصلے شامل ہونے چاہئیں۔

(جاری ہے)

سلامتی کے خدشات اور معاشی مسائل

جیئر پیڈرسن نے کہا کہ ملک میں سلامتی کی نازک صورتحال سے سیاسی پیش رفت کو خطرات لاحق ہیں۔

ملک کے شمال مشرقی حصے میں روزانہ لڑائی کی اطلاعات سننے کو مل رہی ہیں۔ اس میں توپخانے سے گولہ باری اور فضائی حملے بھی شامل ہیں جن سے شہریوں اور شہری تنصیبات کو نقصان ہو رہا ہے۔ علاوہ ازیں، حالیہ دنوں رہائشی علاقوں میں کار بم حملوں سے بھی بڑی تعداد میں اموات ہوئی ہیں۔

انہوں نے شمال مشرقی علاقے میں عبوری حکام اور کردوں کے زیرقیادت شامی جمہوری فورسز (ایس ڈی ایف) کے مابین بات چیت کا خیرمقدم کرتے ہوئے امریکہ، ترکیہ اور دیگر علاقائی و قومی کرداروں پر زور دیا کہ وہ امن و استحکام کی خاطر حقیقی سمجھوتے ممکن بنائیں۔

نمائندہ خصوصی نے شام پر عائد پابندیوں کے ملکی معاشی استحکام پر منفی اثرات کا تذکرہ کرتے ہوئے کہا کہ جن ممالک نے یہ پابندیاں عائد کر رکھی ہیں وہ کم از کم توانائی اور مالیات جیسے اہم شعبوں کو ان سے چھوٹ دیں۔ بہت سے شامی شہری محض سیاسی اصلاحات کو ہی ترقی کا پیمانہ نہیں سمجھتے بلکہ ان کے لیے خوراک کی قیمتیں، بجلی تک رسائی اور روزگار کے مواقع بھی بہت اہم ہیں۔

بگڑتا انسانی بحران

امدادی امور کے لیے اقوام متحدہ کے رابطہ دفتر (اوچا) کی نائب سربراہ اور اسسٹنٹ سیکرٹری جنرل جوئس مسویا نے کونسل کو بتایا کہ مسائل کے باوجود ملک میں فراہم کی جانے والی انسانی امداد کی مقدار کو بڑھایا جا رہا ہے۔

گزشتہ سال نومبر کے بعد اقوام متحدہ نے شام میں 33 لاکھ لوگوں کو غذائی مدد پہنچائی ہے۔ جنوری میں خوراک، طبی سازوسامان اور بنیادی ضرورت کی دیگر اشیا لے کر 94 ٹرک ترکیہ کے ساتھ سرحدی راستے سے شام میں آئے۔

امداد کی یہ مقدار اس سے پہلے سال اسی عرصہ میں بھیجی گئی مدد سے تین گنا زیادہ ہے۔

ان کا کہنا تھا کہ بالخصوص شمالی علاقوں میں شروع ہونے والی لڑائی کے نتیجے میں ترکیہ کی سرحد کے قریبی علاقے منبج سے 25 ہزار لوگوں نے نقل مکانی کی ہے۔ سلامتی کے خطرات کی وجہ سے تشرین ڈیم کی مرمت کے کام میں رکاوٹ آ رہی ہے جو ہزاروں لوگوں کو پانی اور بجلی مہیا کرنے کا اہم ترین ذریعہ ہے۔

علاوہ ازیں، علاقے میں بکھرے گولہ بارود سے شہریوں کی زندگی اور امدادی کوششوں کو خطرہ لاحق ہے۔امدادی وسائل کی قلت

جوئس مسویا نے بتایا کہ مالی وسائل کی قلت کے باعث درجنوں طبی مراکز بند ہو جانے کا خدشہ ہے جبکہ پناہ گزینوں کے کیمپوں میں پانی اور نکاسی آب کی خدمات پہلے ہی معطل ہو چکی ہیں جس سے 635,000 لوگ متاثر ہو رہے ہیں۔ امریکہ کی جانب سے امدادی پروگراموں کو دی جانے والی مالی مدد روکے جانے سے غیریقینی میں مزید اضافہ ہو گیا ہے۔

انہوں نے خبردار کیا کہ امدادی مالی وسائل کی فراہمی میں تاخیر یا ان کی معطلی سے ضروری خدمات تک بدحال لوگوں کی رسائی متاثر ہو گی۔

پناہ گزینوں کی واپسی

دسمبر 2024 کے بعد تقریباً 270,000 شامی پناہ گزین ہمسایہ ممالک نقل مکانی ختم کر کے وطن واپس آئے ہیں۔ اقوام متحدہ کے ایک حالیہ جائزے سے اندازہ ہوتا ہے کہ بیرون ملک مقیم شامی پناہ گزینوں کی ایک چوتھائی سے زیادہ تعداد آئندہ سال ملک واپس آنا چاہتی ہے۔

جوئس مسویا نے کہا ہے کہ پناہ گزینوں کی پائیدار، محفوظ اور باوقار واپسی روزگار، طبی خدمات، تعلیم اور بنیادی ڈھانچے پر بڑی سرمایہ کاری کا تقاضا کرتی ہے۔

.

ذریعہ: UrduPoint

کلیدی لفظ: تلاش کیجئے اقوام متحدہ پناہ گزینوں انہوں نے کے لیے

پڑھیں:

فضائی آلودگی، تجاوزات اور بورڈ توڑ مہم

پاکستان میں فنانشل اینڈ سوشل ریسرچ کے ایک بڑے ادارے اپسوس کے سربراہ بابر ستار صاحب سے کچھ عرصہ قبل ملاقات نہایت دلچسپ اور معلومات افزا تھی۔ جدید دور میں لوگوں کا پراڈکٹس سے لے کر حکومتوں سے متعلق سوچنے سمجھنے اور رد عمل ظاہر کرنے کا کیا طریقہ کار ہے، اس کو سمجھنے اور جاننے کے لئے ریسرچ کے ایسے ادارے بخوبی کام کر رہے ہیں۔ مختصرمگرجامع ملاقات میں بہت سے موضوعات سمیت فضائی آلودگی خصوصاً سموگ سے متعلق گفتگو کے دوران بابر ستار صاحب کی جانب سے تجاوزات کو بھی آلودگی کی وجہ قرار دینا دلچسپی سے خالی نہ تھا۔ سروے رپورٹ کے مطابق پاکستان میں سڑکوں پرپٹرول سے چلنے والی وہیکلز ناقص فیول اور کمزور انجن کی وجہ سے آلودگی میں 70 فیصدکی حصہ دارہیں۔ مزید انڈسٹریل دھواں 63 فیصد،جلا کر فضلہ تلف کرنے سے 37 فیصد، اینٹوں کے بھٹوں سے 31 فیصد، فصلیں جلانے سے 30 فیصد، 11 فیصد کنسٹرکشن کے پھیلا¶ اور14 فیصد دیگر وجوہات شامل ہیں۔ اس میں سب سے بڑی وجہ گاڑیوں سے نکلنے والا زہریلادھواں ہے۔ اس کو ٹھیک کرنے کے دو طریقے ہیں۔ گاڑیوں میں ڈالا جانے والا فیول اپ گریڈ کیا جائے۔ گاڑیوں کومخصوص مدت کے بعد سڑکوں پرچلنے کی اجازت نہ دی جائے اوران کی فٹنس کے قوانین پر سختی سے عمل درآمدکرایاجائے۔ دوسرا تجاوزات کا خاتمہ، جو آج کا موضوع بھی ہے۔ تجاوزات پورے پاکستان کامسئلہ ہے۔ بلکہ مسئلے سے زیادہ ایک رویہ ہے۔ ہمارامزاج ہے کہ ہمیں قانون شکنی پسند ہے۔ اسی سروے کے مطابق 44 فیصد لوگوں کا خیال ہے کہ لوگوں کاعدم تعاون اور قانون پر عملدرآمد نہ کرنا صاف ماحول کے لئے رکاوٹ ہے۔ گذشتہ چندبرسوں سے اکتوبر اور نومبر پنجاب میں خصوصاً لاہور اور دیگربڑے شہروں میں سموگ سے نظام زندگی درہم برہم ہو جاتا ہے۔ بچوں کی تعلیم، دفتر یا شاپنگ کے لئے آنا جانا یا سماجی تقریبات میں شرکت کا عمل سکڑ کر رہ جاتا ہے۔ صحت کے مسائل الگ سے کھڑے ہو جاتے ہیں۔ ویسے تو 10 میں سے 8 پاکستانی فضائی آلودگی کے سبب سانس سے جڑی کسی نہ کسی بیماری کا سامنا کرتے ہیں۔ لیکن اس برس پنجاب کے شہروں لاہور، ملتان، گوجرانوالہ، فیصل آباد اور راولپنڈی میں 100 فیصد لوگوں کواس کا سامنا کرنا پڑا۔ ان میں 68 فیصد لوگوں کو کھانسی، 66 فیصد لوگوں کو فلو، 37 فیصد لوگوں کو سانس لینے میں دشواری، 29فیصد لوگوں کو آنکھوں میں جلن، 4 فیصد کو بخار اور 9 فیصد کو دیگر بیماریوں کی شکایت رہی۔ ان دو مہینوں میں خوب شور مچتا ہے، ٹی وی شوز کئے جاتے ہیں، سوشل میڈیا پر حکومت کوذمہ دار ٹھرایا جاتا ہے۔ دسمبر میں موسم قدرے صاف اور بعد میں بہتر ہو جاتا ہے۔ حکومت بھی دبا¶ سے نکل آتی ہے عوام بھی بھول جاتے ہیں کہ کوئی جان لیوا مسئلہ در پیش آیا تھا۔ لیکن اس بار پنجاب حکومت نے تجاوزات کے خاتمے کے لئے باقاعدہ کمر کس لی ہے۔ پنجاب میں پیرا (پنجاب انفورسمنٹ اینڈ ریگولیٹری اتھارٹی) نے باقاعدہ کام شروع کردیا ہے۔اس کی سربراہی وزیراعلیٰ پنجاب مریم نواز خود کر رہی ہیں۔اس اتھارٹی کا ایک مقصد شہروں کی گلیوں،بازاروں اور سڑکوں پر ٹریفک کے بہا¶ میں بہتری اور پیدل چلنے والوں کے لئے آسانی پیدا کرنا ہے۔ لاہور کے بڑے بازاروں میں دکانوں کے آگے اس قدرانکروچمنٹ ہو چکی تھی کہ پیدل آدمی کا گزرنا محال تھا۔ لیکن اس وقت اندرون لاہور کے بازاروں کی صورتحال بتدریج بہتر ہو رہی ہے۔آپ ہال روڈ، بیڈن روڈ،برانڈرتھ روڈ سے باآسانی اپنی گاڑی پر گزر سکتے ہیں۔ ٹریفک پولیس کے ڈیٹا کے مطابق پنجاب کی کل وہیکلز کا 32فیصد صرف لاہورمیں موجود ہے۔ ٹریفک کے بہا¶ کو کنٹرول کرنے کے لئے ضروری ہے کہ قوانین پرہرصورت عملدرآمدکرایاجائے۔ انکروچمنٹ اور ٹریفک کنٹرول نہ ہونے کے باعث سست رفتارگاڑیاں اپنا سفر دوگنے وقت میں طے کرتی ہیں اور فضا میں زیادہ کاربن چھوڑکر آلودگی کا سبب بن رہی ہیں۔ اس سلسلے میں لاہور کی سب سے مصروف فیروز پور روڈ پر موٹرسائیکل والوں کے لئے الگ لین بنا دی گئی ہے جبکہ تین اور چار پہیے والی سواریوں کے لئے الگ سڑک مختص ہے تاکہ ٹریفک کا بہا¶ بنا رہے۔ دیکھا جائے تو یہ ایک مثبت قدم ہے جسے کچھ لوگ سوشل میڈیا پر غلط اندازمیں پیش کرنے کی کوشش کر رہے ہیں۔ سپیڈ لمٹ کی پابندی نہ کرنے اور غلط اوورٹیکنگ کی وجہ سے اِکا دُکا لوگوں کو حادثات کا سامنا کرنا پڑ رہا ہے۔ لیکن جتنی جلدی نیا ڈسپلن قبول کر لیں گے صورتحال مثبت ہوجائے گی۔ اسی ذیل میں پنجاب انفورسمنٹ اینڈ ریگولیٹری اتھارٹی نے مارکیٹوں اور گلیوں میں دکانوں پر آویزاں بورڈز پربھی آپریشن شروع کر رکھا ہے۔ اتھارٹی اس ضمن میں لاہور اور پنجاب کے دیگر شہروں میں دکانوں پر لگے بورڈز کو گراکر ایک ہی ڈیزائن، سائز اور ایک جیسی لکھائی کے بورڈ لگوا کر یونیفارمیٹی پیدا کرنے کی کوشش کر رہی ہے۔ شاید سنگل شاپ اونرکے لئے یہ صورتحال اتنی پریشان کن نہ ہو۔ لیکن ٹیئر ون ریٹل سیکٹر(برانڈز) کےلئے یہ صورتحال نہایت مشکل اور پریشانی کا باعث بن چکی ہے۔ ہر برانڈ کا سائن بورڈ ایک الگ پہچان اور نمائندگی رکھتا ہے۔کسی بھی کسٹمرکے لئے ایک مارکیٹ میں اپنے مطلوبہ برانڈ کو اس کے سائن بورڈ کے ذریعے پہچاننا آسان جبکہ ایک جیسے بورڈزمیں تلاش کرنا دشوار ہے۔
دوسرالاکھوں روپے کی مالیت کے بورڈز کو توڑنے کا عمل ٹیکس کمپلائینٹ بزنسز کے کئے نہایت تکلیف کا باعث ہے۔ چھوٹے شہروں میں برانڈز شاپ کے آگے لگی ٹف ٹائلزکو انکروچمنٹ کے نام پر بلڈوز کرنے کے بعد خالی چھوڑ دینے کی شکایات الگ ہیں۔ یا تو حکومت اس کو پہلے سے بہتر کرے ورنہ انھیں بلڈوزکرنے سے گریز کرے۔ یہ فیصلہ اور ذمہ داری، پیرا اور مقامی ڈپٹی کمشنر کی ہے کہ وہ شہر کی خوبصورتی کو کیسے برقرار رکھتے ہیں۔ اس ضمن میں آرگنائزڈ ریٹیل کی نمائندہ تنظیم چین اسٹور ایسوسی ایشن حکومت کی معاونت کے لئے تیار ہے۔ چین اسٹورایسوسی ایشن کے چیئرمین اسفندیار فرخ کا کہنا ہے کہ وہ حکومت کے ساتھ مل کر متوازی طور پر ماحول دوست پالیسیزکے نفاذ اورکاروبار کے فروغ کے لئے تیار ہیں۔ جبکہ اس تنظیم میں شامل برانڈز پہلے ہی ماحول دوست اقدامات کررہے ہیں جیسا کہ پلاسٹک کی جگہ کپڑے یا کاغذکے بیگز، ایفیشنٹ انرجی لائٹس اور سولرانرجی کااستعمال۔ پنجاب حکومت کی تازہ مہم میں تماتر کمپلائنسز کو ملحوظ خاطررکھتے ہوئے نئے بورڈز تیار کئے جا سکتے ہیں۔ اسلئے پنجاب حکومت کو چاہئے کہ ٹیئر ون(برانڈز) کے بورڈ توڑنے سے قبل مشاورتی عمل مکمل کر لے تاکہ کاروبار دوست پالیسیوں کا تسلسل قائم رہے۔