آج ملک بھر میں موسم خشک اور سرد رہنے کی پیشگوئی
اشاعت کی تاریخ: 13th, February 2025 GMT
اسلام آباد: آج ملک کے بیشتر علاقوں میں موسم خشک اور سرد رہے گا، اور کہیں بھی بارش کا امکان نہیں ہے۔ محکمہ موسمیات کے مطابق، اسلام آباد میں بھی موسم سرد اور خشک رہے گا، جبکہ بلوچستان کے شمالی حصوں میں سردی کی شدت برقرار رہے گی۔
پنجاب کے کچھ اضلاع جیسے بہاولپور، ملتان، ڈیرہ غازی خان، اور رحیم یار خان میں بھی سرد موسم برقرار رہے گا اور دھند کا بھی امکان ہے۔ مری اور گلیات میں سردی کی شدت مزید رہے گی۔
سندھ کے بیشتر علاقے خشک رہیں گے، جبکہ خیبر پختونخوا کے بیشتر حصوں میں بھی موسم سرد اور خشک رہے گا۔ گلگت بلتستان اور آزاد کشمیر میں بھی شدید سرد اور خشک موسم کی پیشگوئی کی گئی ہے۔
.ذریعہ: Nai Baat
پڑھیں:
پاکستان میں مون سون کے دوران زائد بارشوں کی پیشگوئی
لاہور(اُردو پوائنٹ اخبارتازہ ترین۔ 14 اپریل2025ء) پاکستان میں مون سون کے دوران زائد بارشوں کی پیشگوئی، اپریل سے جون تک ملک میں درجہ حرارت معمول سے زائد رہنے کا امکان، اس دوران ملک میں بارشیں معمول کے مطابق ہوں گی ۔ تفصیلات کے مطابق بین الاقوامی موسمیاتی ایپس نے رواں سال پاکستان میں مون سون کے دوران زائد بارشوں کی پیشگوئی کردی۔ترجمان محکمہ موسمیات انجم نذیر کے مطابق اپریل سے جون تک ملک میں درجہ حرارت معمول سے زائد رہ سکتاہے جبکہ اس دوران ملک میں بارشیں معمول کے مطابق ہوں گی اور اپریل سے جون تک بارشوں کا ملک کے پانی کے ذخائر میں حصہ 19 فیصد ہے۔رپورٹ کے مطابق خیبر پختونخوا ہ اورگلگت بلتستان میں اپریل سے جون تک معمول سے کم بارشیں ہوں گی، رواں سال موسم سرما میں ملک میں 61 فیصد معمول سے کم بارشیں ہوئیں اور رواں سال برفباری بھی 50 فیصد کم ہوئی ہے۔(جاری ہے)
ترجمان محکمہ موسمیات کے مطابق ملک بھر کے ڈیمز میں پانی پہلے ہی ڈیڈ لیول سے نیچے ہے، سندھ کے اکثر علاقوں میں معتدل خشک سالی کا اعلان کردیا گیا ہے۔
انہوں نے کہا کہ کراچی میں کچی زمین نہ ہونے کے برابر ہے، کراچی میں واٹر ہارویسٹنگ کی ضرورت ہے، کراچی میں کنکریٹ ہونے کے باعث بارش کا پانی زیر زمین جانے کے بجائے سمندر میں چلا جاتا ہے۔انہوں نے مزید بتایا کہ کراچی میں جہاں اب بھی کچے علاقے ہیں وہاں کنویں بنانے کی ضرورت ہے، ان کی مدد سے زیر زمین پانی کی سطح میں اضافہ ہوسکتا ہے۔ترجمان محکمہ موسمیات کے مطابق بین الاقوامی موسمیاتی ایپس پاکستان میں زائد بارش کی پیشگوئی کررہی ہیں، مون سون کی درست پیشگوئی مئی کے آخر یا جون کی ابتدا ء میں کی جاسکے گی۔
پارٹی رہنماوں کے ایک دوسرے پر الزامات، عمران خان نے وارننگ دیدی