Nai Baat:

انسانی سمگلنگ پر سخت اقداما ت کون کرے گا ؟؟؟

اشاعت کی تاریخ: 13th, February 2025 GMT

پاکستان کے مخدوش معاشی حالات ، بڑھتی ہوئی بے روزگاری نے نوجوان کی ایک کھیپ ایک عرصے سے یورپ اور دیگر ممالک میں ڈیرہ ڈالنے کی خواہش مند ہے ، وہ غیر قانونی سے طریقوں سے وہاں پہنچنے کی کوشش کرتے ہیں اور معمولی ملازمتیںاور روزگار بھی غیر قانونی طریقوں سے ہی حاصل کرتے ہیں، حالیہ عرصے میں روزانہ ہی خبر آتی ہے غیر قانونی کاروبار کرنے والے پاکستان میں معصوم لوگوں سے جنہیں کے پاس کوئی تعلیم بھی نہیں ہے انہیں بڑی رقم کے عوض یورپی ممالک میںبہتر مستقبل کے سہانے خواب دکھا کر کشتوں پر روانہ کردیتے ہیں، یہ صورتحال گو کہ صرف پاکستا ن میں نہیں دیگر ممالک جہاں ملازمتیں مشکل ہوگئی ہیں وہاںکے نوجوان بھی سہانے خوابوں کی تعبیر کیلئے کوشاں ہیں ، انہیںبیرونی ملک کا جھانسہ دینے والے کا ایک مافیا ہے جنکی شاخیں ملک میں اور بیرون ملک ہیں پاکستان میں انسانی سمگلنگ ایک اہم مسئلہ ہے، جیسا کہ بہت سے دوسرے ممالک میں، سماجی، اقتصادی، سیاسی اور ثقافتی عوامل کے امتزاج کی وجہ سے ہے۔ پاکستان کی آبادی کا ایک بڑا حصہ غربت کی لکیر سے نیچے زندگی بسر کررہا ہے جسکی وجہ سے وہ یہ طریقہ اختیار کرتے ہیں، اور بیچ سمندر میں کشتی یا تو ڈوب جاتی ہے یا ڈبودی جاتی ہے ۔ معاشی مواقع کے لیے مایوسی اکثر افراد کو سمگلروں کا شکار کرنے کا باعث بنتی ہے جو بیرون ملک یا شہری مراکز میں بہتر ملازمتوں یا ذریعہ معاش کا وعدہ کرتے ہیں۔پاکستان میں خلیجی ممالک میںبھی نوکری کا جھانسہ دینے والے نہ صرف نوجوانوں بلکہ خواتین کو بھی آجروںکے ہاتھوں غیر واضح اور بد نیتی کے معاہدوں کے ذریعے روانہ کردیتے ہیں سعودی عرب اور خلیجی ممالک میں اکثر یہ شکایات سامنے آتی ہیں نوجوان خواتین کو بیرون ملک ٹیچر کے معاہدوں پر بھیج کر انہیںباہر لیجا کر گھر کی صفائی ستھرائی اور ’’خدامہ ‘‘ بنا لیا جاتاہے وہ گھر سے باہر نکل نہیںسکتیں کہ وہ اپنے سفارت خانوںقونصل خانوںمیں جاکر شکایت کرسکیں ، شکایت کر بھی دیں سفارت خانوں، قونصل خانوںکا عملہ بھی ’’ماشاء اللہ ‘‘ ہے وہاں انکی شنوائی نہیں ہوتی اگر ہو بھی جائے ایک طویل وقت درکار ہوتا ہے اسطرح کے معاملات کو حل کرنے میں زندہ انسانوں کی سمگلنگ کے علاوہ ایک مافیا پاکستان میں انسانی اعضاء فروخت کرنے کا بھی کاروبار کرتا ہے ، غربت میں اپنے بچوں کو مزدوری یا جبری شادیوں کے لیے بھی بھیجتے ہیںاور سمگلنگ میں حصہ ڈالتے ہیں۔ان سب معاملات کی وجوہات میں حکومتی نااہلی کے ساتھ ساتھ خواندگی کی کم شرح، خاص طور پر دیہی علاقوں میں، لوگوں کو ان کے حقوق اور سمگلنگ کے خطرات سے کم آگاہی ہے۔ سمگلر آگاہی کی اس کمی کا فائدہ اٹھاتے ہوئے متاثرین کو روزگار، تعلیم یا شادی کے جھوٹے وعدوں سے دھوکہ دیتے ہیں۔پاکستان کے قانون نافذ کرنے والے اداروں کے پاس انسانی سمگلنگ سے مؤثر طریقے سے نمٹنے کے لیے اکثر وسائل، تربیت اور صلاحیت کی کمی ہے۔قانون نافذ کرنے والے اداروں اور سرکاری اداروں میں بدعنوانی سمگلروں کو معافی کے ساتھ کام کرنے کی اجازت دیتی ہے۔ ملک میںموجود مافیا بیرون ملک نوکریوںکا جھانسہ دیکر نوجوان خواتین کو بیرون ملک بھیج کر ان سے جسم فروشی جیسے مکروہ کام پر مجبور کرتے ہیں بیرون ملک زراعت، تعمیرات اور گھریلو کام جیسی صنعتوں میں سستی مزدوری کی بہت زیادہ مانگ ہے جو سمگلنگ کو ہوا دیتی ہے۔بچوں کو اکثر اینٹوں کے بھٹوں، قالین کی بُنائی اور دیگر شعبوں میں مزدوری کے لیے سمگل کیا جاتا ہے۔اگرچہ پاکستان میں انسانی سمگلنگ کے خلاف قوانین موجود ہیں، جیسے کہ افراد کی سمگلنگ کی روک تھام ایکٹ، 2018، جس پر عمل درآمد کمزور ہے۔ہمارے کرتا دھرتائوں کی کرسی کی لالچ اور لڑائی میں ان سنگین معاملات پر کوئی توجہ ہی نہیںمتاثرین اکثر انصاف تک رسائی سے محروم رہتے ہیں، اور سمگلروں کے خلاف قانونی چارہ جوئی بہت کم ہوتی ہے۔پاکستان انسانی سمگلنگ کے ایک وسیع علاقائی نیٹ ورک کا حصہ ہے، جس کے متاثرین کو مشرق وسطیٰ، یورپ اور ایشیا کے دیگر حصوں میں سمگل کیا جاتا ہے۔پاکستان اور امیر ممالک کے درمیان معاشی تفاوت غیر قانونی نقل مکانی کے لیے ترغیبات پیدا کرتا ہے، جس کا سمگلر فائدہ اٹھاتے ہیں۔انسانی سمگلنگ کی روک تھام کیلئے قوانین موجود ہیں FIAپر اسکی بھاری ذمہ داری عائد ہوتی ہے مگر بد قسمتی تحقیق سے پتہ چلتا ہے کہ اسکے کارندے بھی اس میںملوث ہوتے ہیں، وزارت داخلہ جب FIA پر سختی کرتی ہے تو بجائے اسکے وہ اپنی ذمہ داری میں اضافہ کریں وہ خوامخواہ ان قانونی طور پر ملک سے جانے والوںکی شک کی بنیاد بناکر انہیں ہوائی اڈوںپر روکتی ہے تاکہ وزارت داخلہ پر عوام کا دبائو بڑھے اور سمگلنگ کے الزامات سے وہ بری الزمہ ہوجائیںتاہم، سمگلنگ کی بنیادی وجوہات کو حل کرنے، قانون کے نفاذ کو مضبوط بنانے اور کمزور آبادیوں کے تحفظ کے لیے بہت کچھ کرنے کی ضرورت ہے۔ انسانی سمگلنگ کا مقابلہ کرنے کے لیے حکومتی ایجنسیوں، سول سوسائٹی اور بین الاقوامی تنظیموں پر مشتمل ایک مربوط کوشش کی ضرورت ہے۔انسانی سمگلنگ کے دوران ہلاک ہونے والے پاکستانیوں کی تعداد کے بارے میں درست اعداد و شمار کا حصول جرم کی خفیہ نوعیت، کم رپورٹنگ اور ٹریکنگ کے جامع طریقہ کار کی کمی کی وجہ سے مشکل ہے۔ تاہم، گزشتہ برسوں میں ایسے متعدد واقعات رپورٹ ہوئے ہیں جو انسانی سمگلنگ کے شکار افراد کو درپیش خطرات کو اجاگر کرتے ہیں، بشمول ٹرانزٹ کے دوران، حراست میں، یا استحصال کی وجہ سے ہونے والی اموات۔بحری راستوںسے غیر قانونی انسانی سمگلنگ کی وجہ سے خطرناک راستوں (جیسے ایران، ترکی اور بحیرہ روم کے راستے) سے غیر قانونی طور پر یورپ جانے کی کوشش کرنے والے بہت سے پاکستانی سفر کے دوران ہلاک ہو چکے ہیں۔انٹرنیشنل آرگنائزیشن فار مائیگریشن (IOM) کے مطابق حالیہ برسوں میں پاکستان سمیت جنوبی ایشیا کے ہزاروں تارکین وطن بحیرہ روم کو عبور کرنے کی کوشش کے دوران ہلاک یا لاپتہ ہو چکے ہیں۔جون 2023 میں، ایک ماہی گیری کی کشتی جس میں 700 سے زائد تارکین وطن تھے، جن میں بہت سے پاکستانی بھی شامل تھے، یونان کے ساحل پر الٹ گئی۔ یہ حالیہ برسوں میں انسانی سمگلنگ کے سب سے مہلک واقعات میں سے ایک تھا۔اطلاعات کے مطابق جہاز میں 300 سے زیادہ پاکستانی سوار تھے، کاش ہمارے ارباب اقتدار اس مکروہ ترین جرم کے حوالے سے فوری توجہ دیں ۔ جس سے ہماری جگ ہنسائی بھی نہ ہو اور نوجوان کی محفوظ رہ سکیں۔

.

ذریعہ: Nai Baat

کلیدی لفظ: انسانی سمگلنگ کے پاکستان میں کرنے والے بیرون ملک سمگلنگ کی ممالک میں کی وجہ سے کرتے ہیں کے دوران کے لیے

پڑھیں:

مغربی طاقتوں کا دوہرا معیار

ہائپر امپیریلزم کے دور میں مغرب کی شرمناک اخلاقی گراوٹ نے ان کے اصل چہرے کو بے نقاب کردیا ہے۔
امریکہ، برطانیہ، اور یورپ مسلمانوں کو انسانی حقوق اور بین الاقوامی قانون کا احترام کرنے کا درس دیتے رہتے ہیں، لیکن ان کے اپنے اقدامات اکثر ان اصولوں کی خلاف ورزی کرتے ہیں۔ مغربی ممالک نے عراق، افغانستان، اور دیگر مسلم ممالک میں غیر انسانی جرائم کا ارتکاب کیا ، جس میں لاکھوں بے گناہ افراد ہلاک ہوئے ہیں اور لاکھوں بے گھر ہوئے ہیں۔ ان ممالک نے اپنے مفادات کے لیے بین الاقوامی قوانین کو نظرانداز کیا ہے اور اپنی طاقت کے بل بوتے پر خود کو قانون سے بالاتر سمجھا ہے۔
مغربی ممالک نے اپنے مفادات کے تحفظ کے لیے جھوٹے بیانیے اور دہرے معیار استعمال کیے ہیں۔ مثال کے طور پر، عراق پر حملہ کرنے کے لیے یہ دعویٰ کیا گیا تھا کہ وہاں تباہی پھیلانے والے خطرناک ہتھیار موجود ہیں، جن کا استعمال 15 منٹ میں دنیا کو ختم کر دے گا۔ لیکن بعد میں یہ بات جھوٹ ثابت ہوئی۔ اسی طرح، افغانستان میں طویل جنگ کے بعد بھی امن قائم نہیں ہو سکا، بلکہ وہاں کے حالات مزید خراب ہو گئے ہیں اور افغانستان میں انہوں جرائم کا ارتکاب کیا۔ ان اقدامات نے نہ صرف مسلم ممالک کو تباہ کیا بلکہ انسانی حقوق کے بین الاقوامی اصولوں کو بھی پامال کیا۔یہ صرف مسلم ممالک کے خزانے لوٹنے کا بہانہ تھا۔
غزہ میں اسرائیلی حکومت کی طرف سے فلسطینیوں کے خلاف تشدد اور نسل کشی کے واقعات نے دنیا بھر میں تشویش پیدا کی ہے۔ اقوام متحدہ اور انسانی حقوق کی بین الاقوامی تنظیموں نے اسرائیلی وزیراعظم نیتن یاہو اورافواج کے خلاف جنگی جرائم کے الزامات لگائے ہیں۔ خاص طور پر، 2023-2024 ء کے دوران غزہ پر اسرائیلی حملوں میں ہزاروں بے گناہ فلسطینی شہری ہلاک ہوئے ہیں، جن میں بچے، خواتین اور بوڑھے شامل ہیں۔
انسانی حقوق کی بین الاقوامی عدالت (ICC) نے اسرائیلی وزیر اعظم نیتن یاہو اور دیگر اسرائیلی افسران کے خلاف جنگی جرائم کے الزامات پر گرفتاری کے وارنٹ جاری کیے ہیں۔ یہ اقدام اسرائیلی حکومت کی طرف سے فلسطینیوں کے خلاف تشدد اور نسل کشی کے خلاف ایک اہم قدم ہے۔ تاہم، امریکہ نے ICC کے فیصلوں کو مسترد کرتے ہوئے اسرائیل کی حمایت کی ہے۔ امریکی صدر ڈونلڈ ٹرمپ نے ICC کے خلاف سخت موقف اختیار کیا اور انٹرنیشنل کورٹ کے خلاف شرمناک پابندیاں لگا دیں اور اسرائیل کو کسی بھی طرح کی قانونی کارروائی سے بچانے کی کوشش کی اور مغربی طاقتوں کا دوہرا معیار اور قانون سے بالادست ہونے کا مظاہرہ۔
مغربی طاقتیں، خاص طور پر امریکہ اور یورپی ممالک، اکثر اپنے مفادات کے تحفظ کے لیے بین الاقوامی قوانین کو نظرانداز کرتے ہیں۔ وہ اسرائیل جیسے اتحادیوں کو کسی بھی طرح کی قانونی پابندیوں سے بچانے کے لیے اپنی طاقت کا استعمال کرتے ہیں۔ یہ رویہ انسانی حقوق اور بین الاقوامی قانون کے اصولوں کی واضح خلاف ورزی ہے۔
مغربی ممالک کے دوہرے معیار اور انسانی حقوق کے اصولوں کی خلاف ورزی نے دنیا بھر میں ان کے اخلاقی معیارکو کمزور کیا ہے۔ غزہ میں نسل کشی اور فلسطینیوں کے خلاف تشدد کے واقعات نے یہ واضح کر دیا ہے کہ مغربی طاقتیں اپنے مفادات کے لیے کسی بھی حد تک جا سکتی ہیں۔ بین الاقوامی برادری کو چاہیے کہ وہ انسانی حقوق کے اصولوں کو یکساں طور پر لاگو کرے اور کسی بھی ملک یا گروہ کو قانون سے بالاتر نہ ہونے دیں۔
اللہ تعالیٰ ہمیں انصاف اور حق پر قائم رہنے کی توفیق عطا فرمائے اور مظلوموں کی مدد کرنے کی ہمت دے۔ آمین۔