کراچی، دو مختلف حادثات میں ڈمپر اور مسافر بس تیز رفتاری کے باعث الٹ گئے
اشاعت کی تاریخ: 13th, February 2025 GMT
کراچی:
شہر قائد میں راشد منہاس روڈ پر ایک تیز رفتار ڈمپر ڈرائیور سے بے قابو ہو کر پیڈسٹیرین برج سے ٹکرا گیا، جبکہ دوسرے حادثے میں سائٹ ایریا میں ایک مسافر بس الٹ گئی۔
حادثے کے دوران ڈمپر کا ڈرائیور زخمی ہوگیا جبکہ اس کا کلینر اور مسافر بس کا ڈرائیور اور کنڈیکٹر موقع سے فرار ہوگئے۔
تفصیلات کے مطابق، ڈمپر ڈرائیور کی بے قابو ہونے کی وجہ سے پیڈسٹیرین برج سے ٹکرایا، جس کے باعث ڈمپر کے ڈرائیور کو چوٹیں آئیں۔
کلینر نے شہریوں کی جانب سے تشدد کے خوف سے فرار ہونے کا فیصلہ کیا۔ اس حادثے کے نتیجے میں پیڈیسٹیرین برج کو بھی نقصان پہنچا، موقع پر پولیس پہنچ گئی اور امدادی کام شروع کردیا۔
اسی دوران سائٹ اے کے علاقے حبیب چورنگی سے ناظم آباد کی جانب جانے والی ایک تیز رفتار مسافر منی بس بھی ڈرائیور سے بے قابو ہوکر الٹ گئی۔ پولیس اور ایدھی کے رضا کار فوری طور پر موقع پر پہنچے۔ ایدھی حکام کے مطابق، اس حادثے میں کوئی جانی نقصان نہیں ہوا۔
پولیس نے مسافر بس کو قبضے میں لے لیا، جبکہ حادثے کے ذمہ دار ڈرائیور اور کنڈیکٹر ابھی تک مفرور ہیں۔
.ذریعہ: Express News
کلیدی لفظ: مسافر بس
پڑھیں:
شارع فیصل پر فرار ہونے والے ڈمپر ڈرائیور نے گرفتاری دے دی
کراچی میں شارع فیصل پر فرار ہونے والے ڈمپر ڈرائیور نے گرفتاری دے دی۔
پولیس حکام کے مطابق ڈمپر ضبط کرلیا گیا اور ڈرائیور کی گرفتاری کے بعد مقدمہ درج کرلیا گیا۔
ڈی آئی جی ٹریفک پیر محمد شاہ نے کہا ہے کہ ڈمپر ایسوسی ایشن کے صدر اپنے وعدے سے پیچھے ہٹ گئے ہیں۔
پولیس حکام کے مطابق ڈمپر ڈرائیور کے فرار کی ویڈیو 2 روز قبل وائرل ہوئی تھی۔
گرفتار ڈرائیور نے موقف اختیار کیا کہ موٹر سائیکل والے پیچھا کر رہے تھے گھبرا گیا تھا کہ کہیں آگ نہ لگادیں۔
کے الیکٹرک کے واجبات 76 ارب روپے تک جا پہنچے، نیپرا سے اربوں روپے کی منظوری کی درخواست