مفتی محمد محمود الوری ؒ نے ساری زندگی اتباع رسول میں گزاری ،ابوالخیرمحمد زبیر
اشاعت کی تاریخ: 13th, February 2025 GMT
حیدرآباد(اسٹاف رپورٹر)جمعیت علماء پاکستان و ملی یکجہتی کونسل پاکستان کے صدرڈاکٹر صاحبزاہ ابوالخیرمحمد زبیر نے حضرت شاہ مفتی محمد محمود الوری رحمۃ اللہ علیہ کے سالانہ عرس کی تقریب سے خطاب کرتے ہوئے کہا کہ حضرت شاہ مفتی محمد محمود الوری ؒ نے ساری زندگی اتباع رسول میں گزاری ،آپ کا دینی علمی روحانی تدریسی تصنیفی غرض کہ ہر شعبہ زندگی میں فیض جاری و ساری ہے اور تاقیامت جاری رہے گا ،رکن الاسلام جامعہ مجدیہ آپ کی علمی یادگار ہے جس کی ملک بھر میں شاخیں قائم ہیں ان اداروں کے فارغ التحصیل علماء حفاظ اور خطباء دنیا بھر میں اسلام کی ترویج و اشاعت کا کام کررہے ہیں،انہوں نے کہا کہ یہاں سے فارغ التحصیل ہونے والے علماء کیلیے نصیحت ہے کہ صاحب عرس کی سنت پر عمل کرتے ہوئے،تدریس،تبلغ،تحریر اور تحقیق کے ذریعہ علم کو آگے پہنچائیں ۔انہوں نے کہا کہ ارشاد رسول ﷺہے خدا کی مخلوق میں بدترین مخلوق وہ عالم ہیں جو فتنے پھیلاتے ہیں اور انتشار و افتراق کو ہوا دیتے ہیں، اہلسنت میں پائی جانے والی بے چینی دور کرنے کیلیے مرکزی جماعت اہلسنت پاکستان کے امیر پیر عبدالخالق قادری بھر چونڈی شریف کردار ادا کریں اور اہلسنت کے انتشار و افتراق کو ختم کرائیں ۔عرس کی تقریب میں پیر عبدالخالق قادری بھرچونڈی شریف امیر مرکزی جماعت اہلسنت پاکستان،مفتی محمد جان نعیمی صوبائی امیر مرکزی جماعت اہلسنت صوبہ سندھ،پیر فضل الرحمن مجددی، پیرایوب جان سرہندی،پیر غلام مجدد،پیر جان آغا،پیر نثار جان سرہندی،،پیر قطب علی شاہ امینانی شریف،پیر اعجازاحمد شیخ بھرکیو،سید عقیل انجم قادری،صاحبزادہ عزیر محمود الازھری،صاحبزادہ فائز محمود الازھری،صاحبزادہ عاطر محمود،صاحبزادہ مسرور احمد، پیرحکیم ظہیراحمد، علامہ رجب علی سکندری،قاری شریف نقشبندی،پیر گلشن الٰہی سمیت ملک بھر سے جید علماء کرام، مشائخ عظام،پیران طریقت، سیاسی سماجی شخصیات ہزاروں محبین و متوسلین،نے شرکت کی۔
.ذریعہ: Jasarat News
کلیدی لفظ: مفتی محمد
پڑھیں:
لیہ، ایم ڈبلیو ایم عزاداری ونگ ضلع لیہ کے زیراہتمام سعودی اقدامات کے خلاف مظاہرہ
ایم ڈبلیو ایم کے رہنمائوں نے کہا کہ آئمہ اطہار، صحابہ کرام اور ازواج مطہرات کی قبروں کو شہید کرنا بنی اُمیہ کا وطیرہ ہے، دُنیا نے دکھ لیا ہے کہ جس سعودی عرب میں مندر، سینما اور جوئے کے اڈے تعمیر کیے جا سکتے ہیں وہاں مزارات کیوں نہیں ہو سکتے، اس سے سعودی حکمرانوں کی آل رسول سے دشمنی واضح ہے۔ اسلام ٹائمز۔ مجلس وحدت مسلمین عزاداری ونگ ضلع لیہ کے زیراہتمام جنت البقیع میں مزارات مقدسہ کی بے حرمتی اور اُنہیں شہید کرنے کے خلاف احتجاجی مظاہرہ کیا گیا، احتجاجی مظاہرے کی قیادت صوبائی نائب صدر عزاداری ونگ سردار صفدر حسین خان، ضلعی صدر ساجد حسین گشکوری اور دیگر نے کی۔ مظاہرین نے سعودی عرب میں جنت البقیع کے مزارت کو منہدم کرنے خلاف شدید نعرے بازی کی۔ اس موقع پر ایم ڈبلیو ایم کے رہنمائوں نے کہا کہ آئمہ اطہار، صحابہ کرام اور ازواج مطہرات کی قبروں کو شہید کرنا بنی اُمیہ کا وطیرہ ہے، دُنیا نے دکھ لیا ہے کہ جس سعودی عرب میں مندر، سینما اور جوئے کے اڈے تعمیر کیے جا سکتے ہیں وہاں مزارات کیوں نہیں ہو سکتے، اس سے سعودی حکمرانوں کی آل رسول سے دشمنی واضح ہے۔
گھر سے بے دخل خاتون ٹک ٹاکر نے نہر میں چھلانگ لگا دی