وفاقی محتسب کی ہدایت پر لیاقت کالونی میں منعقدہ کھلی کچہری
اشاعت کی تاریخ: 13th, February 2025 GMT
حیدرآباد ( اسٹاف رپورٹر ) حیدرآباد میرپور خاص کے وفاقی محتسب سیکرٹریٹ کے ریجنل سربراہ ایمبیسیڈر (ر) سید رضوان احمد نے کہاہے کہ تشدد کسی مسئلے کا حل نہیں۔ کسی قسم کی رشوت ستانی، یا عوام کو بیجا تنگ کرنے کا آڈیو/وڈیو ثبوت اکھٹا کر کے پیش کرنے سے بھی اس مسئلے کا تدارک ہو سکتا ہے۔ وفاقی محتسب اعجاز احمد قریشی کی ہدایت پر، لیاقت کالونی حیدرآباد میں منعقدہ کھلی کچہری سے خطاب کرتے ہوئے انہوں نے کہاکہ ہرڈیڈکشن سے پہلے حیسکو کو، رہائشی کو باہر بلا کر، چوری کا ثبوت دکھانا اور ثبوت اکھٹا کر کے حیسکو کے حکام بالا کو دکھا کر ان کی ڈیڈکشن سے پہلے اجازت لینا لازمی ہے۔ ایسا نہ کرناڈیڈکشن کو غیر قانونی، اور بد انتظامی کے زمرے میں لے آتا ہے۔ ایسی صورت میں کنزیومر کو پہلے حیسکو کے حکام بالا، اور نہ سننے پر وفاقی محتسب کے دفتر، چھٹی فلور، سٹیٹ لائف بلڈنگ، ٹھنڈی سڑک پر فوری تحریری شکایت کرنی چاہیے۔ایمبیسیڈر رضوان نے سوالات کے جواب دیتے بتایا کہ ناجائز ڈیڈکشن کو لازمی تحریری شکایت کے ذریعے ختم کرانا ہے بعض لوگوں نے کھلی کچہری میں شدید غم و غصہ کا اظہار کرتے ہوئے کہا کہ ان سے، بجلی کے حصول میں زوری زبردستی رشوت لی جاتی ہے اور اب ان کے غم و غصّے کی کوئی انتہا نہیں رہی اور اکثر جگہ، حیسکو کے لوگوں کے ساتھ پر تشدد واقعات بھی پیش آرہے ہیں۔اس موقع پر عوام کی ایک کثیر تعداد جمع ہو گئی اور حیسکو سے متعلق کئی قسم کے سوال کئے۔لوگوں نے حیسکو کے عملے کے فرائض سے غفلت برتنے، بجلی کے کنڈے پر، علاقے کے علاقے چلانے، قانون کے پابند لوگوں سے چوری شدہ بجلی کا بل ڈیڈکشن کی صورت میں بھروانا، غیر اعلانیہ لوڈ شیڈنگ، افسران کا شکایت کنندگان سے نہ ملنا، بد اخلاقی کرنا، خراب میٹر وقت پر تبدیل نہ کرنا، خراب یا غیر موجود میٹر کے باوجود مہینے اور سالوں بل بھیجتے رہنے کی شکایات کیں۔کچہری میں وفاقی ادارے حیسکو سے متعلق شکایات چار سو چوالیس سے زائد شکایات درج کیں گئیں۔ اس موقع پر ایمبیسیڈر (ر) رضوان نے لوگوں کو بتایا کہ وفاقی محتسب کا دفتر عوام کو، ان مسائل میں بالکل مفت، کرپشن فری، اور فوری انصاف فراہم کر رہا ہے۔ انہوں پھر یاد دلایا کے حیسکو کی کسی بھی جائز شکایت، تحریری طور پر وفاقی محتسب اعلیٰ کی ویب سائٹ mohtasib.
ذریعہ: Jasarat News
کلیدی لفظ: وفاقی محتسب حیسکو کے
پڑھیں:
لاپتہ افراد کی بازیابی اور سیاسی قیدیوں کی فی الفور رہائی کے لیے اقدامات کیے جائیں، لیاقت بلوچ
جماعت اسلامی کے نائب امیر نے کہا ہے کہ 22 اپریل کو عالمی حکمرانوں، عالمی اداروں کے ضمیر کو جھنجھوڑنے اور حکومتِ پاکستان کو مسئلہ فلسطین پر جرات مندانہ کردار ادا کرنے پر مجبور کرنے کیلیے پوری قوم ملک گیر شٹرڈاون ہڑتال کرے گی، ملک بھر کی تاجر برادری، چیمبرز آف کامرس اینڈ انڈسٹری فلسطینی قیادت کی کال پر پوری دنیا کی طرح 22 اپریل کو ایک دِن ہڑتال کریں۔ اسلام ٹائمز۔ نائب امیر جماعتِ اسلامی، سیکرٹری جنرل مِلی یکجہتی کونسل لیاقت بلوچ نے کہا ہے کہ قبلہ اول کی آزادی، فلسطینیوں، کشمیریوں کی آزادی، حقِ خودارادیت کے حصول سے محبت اور اسرائیلی صیہونی ناجائز انسان دشمن جنگی مجرموں کے خلاف شدید نفرت کا اظہار ہے۔ عالمِ اسلام کی قیادت عالمِ اسلام میں عوام کے والہانہ اتحادِ امت کے جذبوں کی غیرت مند آواز پر کان دھریں، غفلت اور مجرمانہ بزدلی جاری رکھی گئی تو عوام کا رخ بزدل حکمرانوں کے خلاف ہوگا۔ لیاقت بلوچ نے کہا کہ 18 اپریل کو ملتان اور 20 اپریل کو اسلام آباد میں بھی یکجہتی غزہ مارچ فقیدالمثال ہونگے اور 22 اپریل کو عالمی حکمرانوں، عالمی اداروں کے ضمیر کو جھنجھوڑنے اور حکومتِ پاکستان کو مسئلہ فلسطین پر جرات مندانہ کردار ادا کرنے پر مجبور کرنے کیلیے پوری قوم ملک گیر شٹرڈاون ہڑتال کرے گی۔ ملک بھر کی تاجر برادری، چیمبرز آف کامرس اینڈ انڈسٹری فلسطینی قیادت کی کال پر پوری دنیا کی طرح 22 اپریل کو ایک دِن ہڑتال کریں۔
لیاقت بلوچ نے سوالات کے جواب میں کہا کہ وفاقی اور صوبائی حکومتیں عاقبت نااندیشی اور عالمی استعماری اداروں کے دباو میں زراعت اور کِسانوں کو ہولناک نقصانات پہنچا رہی ہیں۔ 15 اپریل کو پنجاب بھر میں کِسان اپنے حقوق کے تحفظ کے لیے احتجاج کریں گے۔ سیاسی جماعتوں اور سیاسی قیادت کی نااہلی، کرپٹ طرزِ حکمرانی کی وجہ سے سیا ست، جمہوریت، پارلیمان پر فوجی سکیورٹی ادارے، پولیس اور بیوروکریسی بالادست ہوگئے ہیں، جس سے سیاست کمزور اور ریاست غیرمستحکم ہورہی ہے۔ پانی کی تقسیم کا قومی معاہدہ طے شدہ، کوئی صوبہ کسی دوسرے صوبہ اور کوئی طاقت ور کسی کمزور کِسان اور ہاری کا پانی چوری نہ کرے۔ وزیراعظم شہباز شریف بیرونی دوروں کے ساتھ ملک کے اندرونی مسائل کے حل کو بھی ترجیح بنائیں۔ صدر اور وزیراعظم صوبوں کی بڑھتی شکایات سے کمزور ہوتی فیڈریشن کا سدِباب کریں۔ صوبوں کی شکایات کا بروقت ازالہ کیا جائے۔ لاپتہ افراد کی بازیابی اور سیاسی قیدیوں کی فی الفور رہائی کے لیے اقدامات کیے جائیں۔ حکومتیں کب تک ریت میں منہ چھپائے پِھرتی رہیں گی، عوام کی فریاد سنیں اور ان کی دادرسی کریں۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار