چائنا میڈیا گروپ اور پاکستان میں چینی سفارت خانے کے باہمی اشتراک سےچین پاکستان سپورٹس کارنیوال کا انعقاد WhatsAppFacebookTwitter 0 13 February, 2025 سب نیوز

اسلام آباد: چین کے شہر ہاربن میں جاری 09ویں ایشیائی سرمائی کھیلوں کی سرگرمیاں دنیا کی توجہ کا مرکز بنی ہوئی ہیں ۔اسی تناظر میں آج چائنا میڈیا گروپ اور پاکستان میں عوامی جمہوریہ چین کے سفارت خانے کے باہمی اشتراک سے نمل یونیورسٹی اسلام آباد میں ایک خوبصورت اور مثالی سپورٹس کارنیوال کا انعقاد کیا گیا ، جس کے مہمانِ خصوصی چینی سفارت خانے کے ثقافتی قونصلر چن پھنگ تھے۔

چینی سفارت خانے کے اعلیٰ حکام سمیت مختلف شعبہ ہائے زندگی سے تعلق رکھنے والی نامور شخصیات اس موقع پر موجود تھیں، سپورٹس کارنیوال میں مختلف کھیلوں کے شاندار مظاہرے کے ساتھ ساتھ معاشی اور اقتصادی ترقی کی طرح کھیلوں کے میدان میں چین اور پاکستان کے دیرینہ تعلقات، تعاون اور نئے امکانات کو بخوبی اُجاگر کیا گیا ۔

اس موقع پر خطاب کرتے ہوئے پاکستان میں چینی سفارت خانے کے ثقافتی قونصلر چن پھنگ نے کہا کہ 09ویں ایشیائی سرمائی کھیلوں میں بارہ سو سے زائد کھلاڑیوں کی شرکت چین کی جانب سے کھیلوں کے کامیاب انعقاد کا منہ بولتا ثبوت ہے ، ان کا کہنا تھا کہ ایشیائی ممالک میں متنوع ثقافتوں کے باوجود یہاں کے لوگ یکساں خیالات و احساسات کی ترجمانی کرتے ہیں ۔۔۔

ریکٹر نمل یونیورسٹی میجر جنرل (ر) شاہد محمود کیانی نے چین کے شہر ہاربن میں کامیاب ایشیائی سرمائی کھیلوں کے انعقاد پر چینی قیادت کو مبارکباد دی اور کہا کہ ہمارے نوجوانوں کو چین کی تیز رفتار ترقی سے سیکھنا چاہیے جبکہ کھیل کے میدان میں دونوں ممالک کا تعارن وقت کی اہم ضرورت ہے۔

بیجنگ اولمپکس 2008 میں شرکت کرنے والی پاکستان کی سابق اولمپیئن صدف صدیقی نے عوامی جمہوریہ چین کے کھیلوں سے متعلق انتظامات اور کھلاڑیوں کو فراہم کی جانے والی سہولیات پر خوب روشنی ڈالی۔

اس موقع پر چائنا میڈیا گروپ اسلام آباد اسٹیشن کی ڈائریکٹر مس مسرت نے شاعرِ مشرق علامہ اقبال کے اشعار پڑھ کر نوجوانوں کا حوصلہ خوب بڑھایا اور چین ۔ پاکستان تعاون کو اجاگر کرنے میں چائنا میڈیا گروپ کے کردار پر روشنی ڈالی۔

اس دوران چین کے شہر ہاربِن میں جاری ایشیائی سرمائی کھیلوں کے دلچسپ مناظر کی جھلکیاں بھی پیش کی گئیں ۔

تقریب میں پِنگ پونگ ، کبڈی ، بیڈمنٹن ، رسہ کشی اور سیک دوڑ کے دلچسپ مقابلے کروائے گئے، جن میں چینی سفارت خانے کا عملہ اور نمل یونیورسٹی کے طلبہ آمنے سامنے دکھائی دئیے ،بالخصوص چین کے قومی کھیل پِنگ پونگ اور پاکستان کے روایتی کھیل کبڈی کے دلچسپ مقابلے دیکھنے کو ملے اور کھلاڑیوں کو خوب داد ملی ، کھیلوں میں نمایاں کارکردگی دکھانے والے طلبہ کو چائنا میڈیا گروپ کی جانب سے انعامات بھی پیش کیے گئے ۔

شرکاء نے کہا کہ ایسے ایونٹس مستقبل میں بھی کھیلوں کے میدان میں چین – پاکستان تعاون میں کلیدی کردار ادا کریں گے۔

.

ذریعہ: Daily Sub News

کلیدی لفظ: میں چینی سفارت خانے چینی سفارت خانے کے چائنا میڈیا گروپ پاکستان میں اور پاکستان

پڑھیں:

چیمپئینز ٹرافی؛ پاک بھارت میچ سے قبل انڈین میڈیا کا نسیم شاہ پر الزام

چیمپئینز ٹرافی میں روایتی حریفوں کے درمیان ٹاکرے سے قبل بھارتی میڈیا قومی ٹیم کے فاسٹ بولر نسیم شاہ کیخلاف بیان بازی کرنے لگا۔

بھارتی میڈیا نے اپنی خود ساختہ رپورٹس میں انکشاف کیا ہے کہ قومی ٹیم کے فاسٹ بولر نسیم شاہ نے وزیراعظم شہباز شریف کے حکم کو نظر انداز کرتے ہوئے چیمپئینز ٹرافی میں بھارت کیخلاف اپنے گروپ میچ کو توجہ نہ دینے کا بیان دیا ہے۔

تاہم نسیم شاہ پریس کانفرنس میں کہنا تھا کہ چیمپئینز ٹرافی صرف بھارت کا میچ نہیں بلکہ تمام گروپ میچز اہم ہیں، ہماری کوشش ہے کہ ایونٹ کا فائنل جیتیں۔

مزید پڑھیں: "شاہین، نسیم کو ٹیم سے باہر کرو" سابق کرکٹر کا مطالبہ

قذافی اسٹیڈیم کی افتتاحی تقریب کے دوران وزیراعظم شہباز شریف نے کہا تھا کہ گرین شرٹس چیمپئنز ٹرافی جیتنے کیساتھ ساتھ 23 ​​فروری کو گروپ اے کے میچ میں اپنے روایتی حریف بھارت کو شکست دینے پر بھی توجہ مرکوز رکھے، قومی کی دعائیں کھلاڑیوں کیساتھ ہیں۔

مزید پڑھیں: پہلے صائم اب حارث! چیمپئینز ٹرافی میں پاکستان کا مستقبل کیا؟

وزیراعظم نے اپنے بیان میں کہا تھا کہ چیمپئینز ٹرافی جیتنے کے علاوہ شاہین آفریدی اور نسیم شاہ! مجھے امید ہے کہ آپ ہندوستانی بلے بازوں کی وکٹیں حاصل کریں گے۔

مزید پڑھیں: حارث رؤف کا متبادل کون؟ 3 نام سامنے آگئے

نسیم شاہ کے بیان کو بھارتی میڈیا نے خود ساختہ طور پر توڑ کر پیش کرنے کی کوشش کی ہے کہ تاکہ اسٹیڈیمز کی تکمیل سے متعلق اپنی ہرزہ سرائی کو چُھپا سکے۔

متعلقہ مضامین

  • چینی سفارت خانے کے باہمی اشتراک سےچین پاکستان سپورٹس کارنیوال کا انعقاد
  • محکمہ صنعت و تجارت اور انٹرنیشنل ریڈیسن ہوٹل گروپ کے مابین باہمی تعاون کا معاہدہ طے پاگیا
  • ” ایک بڑا اسنو مین بناتے ہوئے  ہاربن کی  مدد ” نامی عالمی سماجی تعامل سرگرمی کا انعقاد 
  • چائنا میڈیا گروپ کا “2025 لالٹین فیسٹیول گالا” کے پروگراموں کی فہرست کا اجراء
  • کانگو: مسلح باغیوں کی حمایت پر روانڈاکے سفارت خانے کے باہر احتجاج
  • ایشیائی سرمائی کھیلوں کے دوران متعدد  ایشیائی ممالک کے لوگوں نے مل کر  چینی نئے سال کا جشن منایا
  • ایشیائی سرمائی کھیلوں کے دوران متعدد  ایشیائی ممالک کے لوگوں نے مل کر چینی نئے سال کا جشن منایا
  • چیمپئینز ٹرافی؛ پاک بھارت میچ سے قبل انڈین میڈیا کا نسیم شاہ پر الزام
  • لیبیا کشتی حادثہ‘ 16 میں سے 7 پاکستانیوں کے جاں بحق ہونے کی تصدیق