پولیس کی فائرنگ سے جامعہ کراچی کا ملازم جاں بحق، پولیس کا اظہار لاعلمی
اشاعت کی تاریخ: 13th, February 2025 GMT
کراچی( اسٹاف رپورٹر) ڈاکووں نے فائرنگ کرکے جامعہ کراچی کے ملازم طارق سعید کو قتل کردیا،ایس ایچ او سہراب گوٹھ وزیر سموں کا کہنا ہے کہ پولیس مقابلے میں فائرنگ کے تبادلے میں گولی لگی ،ہیڈ محرر سائٹ سپر ہائی وے صنعتی ایریا اے ایس آئی بلاول نے ایس ایچ او سہراب گوٹھ کے بیان کی تردید کرتے ہوئے بتایا کہ ہماری پولیس کا ڈاکوئوں سے کوئی مقابلہ نہیں ہوا ہے۔تفصیلات کے مطابق سپرہائی وے جمالی پل کلہاڑی چوک کے قریب نامعلوم افراد کی فائرنگ سے ایک شخص جاںبحق ہوا۔ پولیس نے کہا کہ مقتول کی شناخت 50 سالہ طارق ولد سعید کے نام سے ہوئی ،مقتول جامعہ کراچی کا ملازم جبکہ شعبہ سمسٹر سیل میں تعینات اور اسکیم 33 کا رہائشی تھاپولیس کا کہنا ہے کہ مقتول طارق کو ناگن چورنگی جاتے ہوئے قتل کیا گیا لیکن ملزمان کوئی چیز چھین کر نہیں گئے‘ کرائم سین یونٹ کے مطابق مقتول کی موٹرسائیکل نئی ہے اور اس کی تاحال رجسٹریشن بھی نہیں ہوئی تھی۔ حکام کا کہنا تھا کہ واقعہ ڈکیتی کے دوران مزاحمت کا بتایا جا رہا ہے تاہم اس حوالے سے تحقیقات جاری ہے۔دوسری جانب سہراب گوٹھ پولیس نے جامعہ کراچی کے ملازم کا قتل کا مقدمہ مقتول کے بھائی اختر سعیدکی مدعیت میں درج کرلیا ہے۔ مدعی مقدمہ نے بتایا کہ میرا بھائی طارق سعید بھانجے کی شادی میں شرکت کیلئے گھر سے نکلا تھا اور کچھ دیر بعد فون پر اطلاع ملی کہ بھائی کو جمالی پل کے قریب گولی لگی ہے، ان کی لاش کو عباسی شہید اسپتال پہنچ کر دیکھا، پولیس اورریسکیو اداروں نے بتایا ڈاکوؤں سے مقابلے کے دوران بھائی کو گولی لگی ہے ۔ ایس ایچ او سہراب گوٹھ وزیر سموں کے مطابق عینی شاہدین اور ریڑھی والوں نے پولیس کو بتایا کہ سائٹ سپر ہائی وے صنعتی ایریا کی پولیس کسی ملزم کا تعاقب کر رہی تھی اس دوران ڈاکووں اور پولیس کے درمیان فائرنگ کے تبادلے کی زد میں آکر طارق سعید شدید زخمی ہوگیا اور اسپتال منتقلی کے دوران دم توڑ گیا جبکہ ڈاکو موقع سے فرار ہوگئے۔ اس حوالے سے ہیڈ محرر سائٹ سپر ہائی وے صنعتی ایریا اے ایس آئی بلاول نے ایس ایچ او سہراب گوٹھ کے بیان کی تردید کرتے ہوئے بتایا کہ ہماری پولیس کا ڈاکووں سے کوئی مقابلہ نہیں ہوا ہے۔انہوں نے کہا کہ فائرنگ کی آواز سن کر سائٹ سپرہائی وے کی پولیس پارٹی موقع پر پہنچی تو شہری زخمی تھا، جسے فوری طبی امداد کے لیے عباسی شہید اسپتال روانہ کیا گیا اور اس دوران سہراب گوٹھ پولیس بھی موقع پر پہنچ گئی تھی۔دوسری جانب شہر کے مختلف علاقوںمیں پولیس مقابلوں کے دوران زخمیوں سمیت 7ملزمان کو گرفتار کرلیا ۔ ملزمان کے قبضے سے اسلحہ ،منشیات ،موبائل فون ،موٹر سائیکل اور مسروقہ سامان برآمد ہوا ہے۔
.ذریعہ: Jasarat News
کلیدی لفظ: جامعہ کراچی بتایا کہ پولیس کا کے دوران اور اس
پڑھیں:
ملتان: شادی کا جھانسا دیکر شہری کو لوٹ لیا گیا
—فائل فوٹوملتان میں شادی کا جھانسا دے کر شہری سے ڈیڑھ لاکھ روپے لوٹ لیے گئے۔
پولیس کے مطابق ملزم نے لڑکی کے والد کو پیسے ٹرانسفر کرنے کا کہا تھا، جس کی تلاش جاری ہے۔
کراچی علاقے لیاری موسیٰ لین میں گزشتہ روز نامعلوم سمت سے آنے والی گولی لگنے سے ڈھائی سالہ بچی کے جاں بحق ہونے پر ہوائی فائرنگ کا مقدمہ فائرنگ کرنے والے گرفتار پولیس اہلکار دولہا اور اس کے ساتھیوں کے خلاف ڈاکس تھانے میں درج کر لیا گیا۔
ملزم نے لڑکی سے سوشل میڈیا پر دوستی کی تھی اور خود کو لندن کا رہائشی بتایا تھا۔
پولیس نے کہا کہ ملزم نے جس دن لندن سے واپسی کا کہا اس دن کوئی فلائٹ نہیں تھی۔
وزیراعظم نے شاہین شاہ آفریدی کو اپنے سسر جیسا بننے کا مشورہ کیوں دیا؟