353 رنز کےبڑے ہدف کے تعاقب کیلیے ٹی ٹونٹی کی طرح کھیلنے کا فیصلہ کیا تھا، محمد رضوان
اشاعت کی تاریخ: 12th, February 2025 GMT
کراچی:
پاکستان کرکٹ ٹیم کے کپتان محمد رضوان نے کہا ہے کہ عزت اور ذلت اللہ کے ہاتھ میں ہے،جب اللہ کی طرف سے مدد آتی ہے تو نصرت قدم چومتی ہے،جنوبی افریقہ کے خلاف بڑا ہدف عبور کر کے سی قومی سیریز کے فائنل میں رسائی بھرپور محنت کا نتیجہ رہی۔
نیشنل اسٹیڈیم میں میچ کے بعد میڈیا سے گفتگو کرتے ہوئے محمد رضوان نے کہا کہ ہم نے 353 رنز کے بڑے ہدف کے تعاقب کے لیے منصوبہ بندی کی اور ٹی ٹونٹی طرز کی کرکٹ کھیلنے کا فیصلہ کیا۔
پاکستانی کپتان نے کہا کہ ہمیں بہت اچھا آغازملا تھا ،3 وکٹیں گریں تو سب چیزیں لیول میں آگئیں،18 اوور تک اسکرین نہیں دیکھی، پانچ، پانچ اوور کی پلاننگ کی تھی، ایک بار اس دوران بھی پریشر میں آئے ،مگر بعد میں نتیجہ ہمارے حق میں آیا یہ اچھا ہوا،بولنگ کے حوالے سے تحفظات بالکل ٹھیک ہیں، ہمیں اپنے بولنگ میں بہتری لانے کی ضرورت ہے اس پر ہم نے بات بھی کی ہے۔
بابراعظم کے حوالے سے سوال پر انہوں نے کہا کہ بابرعظم بہت بڑا کھلاڑی ہے،لیکن ایک کھلاڑی سے ہمیشہ بہترین اسکور کرنے کی توقعات رکھنا مناسب نہیں، امید ہے کہ بابراعظم ایک مرتبہ پھر اپنی پرانی فارم میں اجائیں گے، اس کے لیے وہ بھرپور محنت کر رہے ہیں تاہم ایسے حالات میں دباؤ بھی آجاتا ہے۔
محمد رضوان نے مزید کہا کہ بابر اعظم نے ماضی میں اتنا اسکور کیا ہے کہ ہماری ہر میچ میں ان سے توقعات ہوتی ہیں، وہ اب پاکستان کرکٹ کا اہم ستون ہے، بابر برانڈ بن چکا ہے وہ پریشر لے بھی رہا ہے ،قسمت شاید بابر اعظم کا ابھی ساتھ نہیں دے رہی امید ہے وہ کم بیک کریں گے۔
انہوں نے کہا کہ ہماری کرکٹ آسٹریلیا اور زمبابوے کے خلاف ایک جیسی ہے، سب جانتے ہیں کہ پاکستان کرکٹ ٹیم کی کارکردگی کے بارے میں کوئی کچھ بھی نہیں کہہ سکتا، ہمارے پاس آپشن ہیں کہ اوپننگ بیٹرز کون ہوں۔
صائم ایوب کے حوالے سے انہوں نے کہا کہ صائم ایوب کی عدم موجودگی سے پاکستانی ٹیم کا نقصان ہوا ہے،صائم ایوب فیلڈر بھی اچھا تھا،بابر اعظم نئی بال اور کنڈیشنز کو سمجھ کر کھیلنے کی صلاحیت رکھتے ہیں۔ محمد رضوان نے کہا کہ چیمپیئنز ٹرافی میں بہتر سے بہتر کارکردگی کا مظاہرہ کرنے کی کوشش کریں گے۔
.ذریعہ: Express News
کلیدی لفظ: محمد رضوان نے نے کہا کہ
پڑھیں:
جنوبی افریقی کرکٹر پر ایک سال تک پی ایس ایل کھیلنے پر پابندی عائد
لاہور(نیوز ڈیسک)پاکستان کرکٹ بورڈ (پی سی بی) نے جنوبی افریقی آل راؤنڈر کوربن بوش پر ایک سال تک پاکستان سپر لیگ (پی ایس ایل) کھیلنے کی پابندی عائد کردی۔
پی سی بی کی جانب سے جاری پریس ریلیز کے مطابق جنوبی افریقہ کے آل راؤنڈر کوربن بوش نے پاکستان سپر لیگ کے دسویں ایڈیشن سے دستبردار ہونے کے فیصلے پر افسوس کا اظہار کیا ہے۔
کوربن بوش کی جانب سے جاری بیان میں کہا گیا ’مجھے پی ایس ایل سے دستبردار ہونے کے اپنے فیصلے پر افسوس ہے، میں پاکستانی عوام اور پشاور زلمی کے مداحوں سے معذرت خواہ ہوں‘۔
ان کا کہنا تھا کہ پی ایس ایل ایک شاندار ٹورنامنٹ ہے اور میں اس بات کو سمجھتا ہوں کہ میری اس حرکت سے شائقین کو شدید مایوسی ہوئی۔
کاربن بوش نے مزید کہا کہ میں نہ صرف اپنے عمل کی مکمل ذمہ داری قبول کرتا ہوں بلکہ اس کے نتائج کو بھی تسلیم کرتا ہوں جس میں ایک سال کی پابندی اور جرمانہ شامل ہے۔
مزید کہا ’میں اس ناخوشگوار تجربے سے سیکھنے کے لیے پرعزم ہوں اور امید کرتا ہوں کہ مستقبل میں نئے جذبے کے ساتھ پی ایس ایل میں واپسی کروں گا‘۔
خیال رہے کہ پی سی بی نے جنوبی افریقی آل راؤنڈر پر ایک سال تک پی ایس ایل کھیلنے پر پابندی عائد کردی، یعنی وہ پاکستان سپر لیگ کے اگلے (11ویں) ایڈیشن میں منتخب ہونے کے اہل نہیں ہوں گے۔
اس سے قبل، پاکستان کرکٹ بورڈ (پی سی بی) نے جنوبی افریقی آل راؤنڈر کوربن بوش کو قانونی نوٹس جاری کیا تھا، یہ نوٹس کوربن بوش کی جانب سے پی ایس ایل میں اپنی ذمہ داریوں کی خلاف ورزی کے سبب بھیجا ہے۔
کوربن بوش کو پشاور زلمی نے پی ایس ایل پلیئر ڈرافٹ میں ڈائمنڈ کیٹیگری میں منتخب کیا تھا، تاہم انہوں نے پاکستان سپر لیگ کھیلنے کے بجائے انڈین پریمیئر لیگ (آئی پی ایل) میں ممبئی انڈین کو جوائن کرلیا تھا۔
بعد ازاں، پاکستان سپر لیگ 10 کے ریپلیسمنٹ ڈرافٹ میں پشاور زلمی نے پورے سیزن کے لیے کوربن بوش کی جگہ ڈائمنڈ کیٹیگری میں جنوبی افریقہ کے جار لِنڈے کو منتخب کرلیا تھا۔
ترجمان سندھ حکومت کا مریم اورنگزیب کے بیان پر ردعمل