پہلے باپ کو مارا، اب ماں کو بھی ختم کردیا
اشاعت کی تاریخ: 12th, February 2025 GMT
امریکا میں پولیس نے ایک شخص کو ماں کے قتل کے الزام میں گرفتار کیا ہے۔ نیل ہاورڈ پر الزام ہے کہ وہ اپنی ماں کی مخصوص سرگرمیوں سے خوش نہیں تھا اور ایک دن جب وہ گھر واپس آئی تو رسی سے اُس کا گلا گھونٹ دیا۔
46 سالہ نیل ہاورڈ کو والد کی موت پر بھی شبہے کی بنیاد پر گرفتار کیا گیا تھا اور اُس پر مقدمہ بھی چلایا گیا تھا۔ نیل ہاورڈ کے اپنی ماں نارما کیریکر سے تعلقات کشیدہ تھے۔ اُسے ماں کے معمولات پسند نہیں تھے اور بارہا اس بنیاد پر دونوں کے درمیان جھگڑا ہوچکا تھا۔
پولیس نے جس واردات کی بنیاد پر نیل ہاورڈ کو گرفتار کیا ہے وہ 13 ستمبر 2023 کا ہے۔ اُس دن نیل نشے میں ڈوبا ہوا تھا اور جب رات گئے ماں گھر واپس آئی تو اُس کا ماں سے جھگڑا ہوا اور اُس نے شدید اشتعال کے عالم میں رسی سے ماں کا گلا گھونٹ کر اُسے مار ڈالا۔
پولیس نے بتایا کہ نیل کو اُس کے والد کے انتقال پر بھ قتل کے شبہے میں گرفتار کرکے مقدمہ چلایا گیا تھا اور تحقیقات بھی کی گئی تھی۔ اسسٹنٹ اسٹیٹ اٹارنی لیکو ییگر نے بتایا کہ نیل ہاورڈ اِس حالت میں بڑا ہوا کہ ماں کی طرزِ عمل اُسے بالکل پسند نہ تھی۔ دونوں میں بالعموم ان بن رہتی تھی۔ نیل کو ماں کے چال چلن سے شکایت رہتی تھی
.ذریعہ: Jasarat News
پڑھیں:
زہریلی شے کھلا کر قتل، قیمتی اشیا چرانے والی خاتون گرفتار
راولپنڈی میں زہریلی شے کھلا کر قتل کرنے اور اشیا چرانے والی خاتون کو گرفتار کرلیا گیا۔
گوجرخان پولیس نے کارروائی کرتے ہوئے زہریلی شے کھلا کر قتل کرنے اور قیمتی اشیاء چرانے والی ملزمہ کو گرفتار کرلیا۔ گرفتار ملزمہ کی شناخت شازیہ یونس عرف کوکو جان کے نام سے ہوئی۔
ترجمان راولپنڈی پولیس کے مطابق ملزمہ زہریلی اشیا کھلا کر لوٹنے کے مقدمات میں پشاور، راولپنڈی اور وزیرآباد میں ریکارڈ یافتہ ہے۔ ملزمہ نے اگست 2024 میں گوجر خان کے رہائشی ساجد کو زہریلی شے کھلا کر قتل کیا تھا۔ ملزمہ مقتول کی رقم اور قیمتی اشیا چوری کرکے فرار ہوگئی تھی۔
مزید پڑھیں: لاہور میں ریکارڈ یافتہ منشیات فروش خاتون گرفتار
گوجرخان پولیس نے واقعہ کا مقدمہ درج کر کے ہیومن انٹیلیجنس سمیت تمام ذرائع بروئے کار لاتے ہوۓ ملزمہ کو گرفتار کیا۔
چیئرمین پی پی بلاول بھٹو زرداری دبئی روانہ