جویریہ سعود نے برانڈز کے دیوانوں کو آڑے ہاتھوں لے لیا
اشاعت کی تاریخ: 12th, February 2025 GMT
پاکستانی اداکارہ، گلوکارہ اور رائٹر جویریہ سعود نے حالیہ انٹرویو میں برانڈز کے دیوانوں پر کڑی تنقید کرتے ہوئے کہا ہے کہ لوگوں میں مہنگے کپڑوں کا رجحان غلط فہمی پر مبنی ہے۔
نجی ٹی وی چینل کے ایک شو میں گفتگو کرتے ہوئے جویریہ نے کہا: "اگر برانڈ کے کپڑے نہ پہنوں تو لوگ سوال کرتے ہیں، جیسے کہ آپ کی کلاس ہی نہیں!"
انہوں نے مزید کہا کہ ہم لوگ میڈیا انڈسٹری سے تعلق رکھتے ہیں، دنیا گھوم چکے ہیں، ہزاروں جگہوں پر کام کیا ہے اور بہت سے اہم شخصیات سے ملاقاتیں کی ہیں، لیکن کلاس کا تعین مہنگے لباس سے نہیں ہوتا۔
جویریہ سعود نے مزید کہا: "اصل کلاس یہ ہوتی ہے کہ آپ 100 روپے کا جوڑا پہن کر لاکھوں کے لگیں، نہ کہ لاکھوں کا جوڑا پہن کر بھی ٹکے کے نہ لگیں!"
مداحوں نے اداکارہ کے مؤقف کی حمایت کی اور تبصرے کیے کہ آج کل لوگ برانڈز کے پیچھے بھاگتے ہیں اور مہنگے لباس کو ہی معیار سمجھتے ہیں، جو کہ غلط سوچ ہے۔
جویریہ سعود کے اس بیان نے سوشل میڈیا پر ایک نئی بحث چھیڑ دی ہے کہ آیا اصل کلاس شخصیت میں ہوتی ہے یا مہنگے لباس میں؟
.
ذریعہ: Express News
کلیدی لفظ: جویریہ سعود
پڑھیں:
انقلاب اسلامی طاغوتی قوتوں کی الہی طاقت کے ہاتھوں ذلت آمیز شکست کا نام ہے، علامہ راجہ ناصر عباس جعفری
اپنے بیان میں چیئرمین ایم ڈبلیو ایم نے کہا کہ مرجعیت کے ہاتھوں مختلف میدانوں میں شرمناک شکست کے بعد عالمی غنڈوں نے اپنی توپوں کا رخ مرجعیت کی طرف موڑ دیا ہے، خودساختہ پروپیگنڈوں کے ذریعے لوگوں کو ان الہی قوتوں سے متنفر کرنے کی کوشش کی جارہی ہے جو حقیقی معنوں میں اسلام کے عظیم مجاہد ہیں۔ اسلام ٹائمز۔ مجلسِ وحدت مسلمین پاکستان کے چیئرمین سینیٹر علامہ راجہ ناصر عباس جعفری نے انقلاب اسلامی کی 46ویں سالگرہ کے موقع پر اپنے بیان میں کہا ہے کہ میں اس روشن، مقبول اور اسلامی انقلاب کی قابل فخر فتح کے موقع پر مقام معظم رہبری، ایرانی قوم سمیت ظلم واستبداد کے سامنے ڈٹ جانے والے تمام انسانوں کی خدمت میں دلی مبارکباد پیش کرتا ہوں کہ جس نے دنیا کے تمام مظلوم مسلمانوں اور آزادی کے متلاشیوں کے لیے امید کی کرن پیدا کر دی اور اس عظیم الشان انقلاب سے تحریک و رہنمائی لیتے ہوئے نہتے فلسطینی اور لبنانیوں نے غاصب اسرائیل کی طاقت کو خاک میں ملا دیا، میں امام خمینی قدس سرہ کی عظیم اور آزاد روح اور تمام شہدائے اسلام، شہدائے انقلاب اسلامی و تحریک مقاومت کو دل کی گہرائیوں سے خراج عقیدت وسلام پیش کرتا ہوں، دعاگو ہوں کہ خداوند متعال اسلامی جمہوریہ ایران کے اقتدار اور وقار میں مزید اضافہ کرے گا اور اس انقلاب کو عالم انسانیت کے نجات دہندہ حضرت امام مہدی علیہ السلام کے انقلاب سے متصل کردے گا، انشاءاللہ
انہوں نے کہا کہ 11 فروری انقلاب ایران حقیقی اسلام کی سربلندی اور مرجعیت کی فتح کے اعلان کا دن ہے، آیت اللہ العظمٰی امام روح اللہ موسوی خمینی نے اپنی حکمت و تدبر اور بصیرت سے پوری دنیا کے سامنے اسلام کی حقانیت کو منوایا، عالم اسلام کے اس عظیم اور نڈر قائد نے جس استقامت اور جرات کے ساتھ انقلاب برپا کیا تاریخ اسے ہمیشہ سنہرے لفظوں سے یاد رکھے گی، عالم کفر کو سب سے زیادہ خطرہ اس نظام ولایت سے ہے جس کے سب سے مضبوط مدافعین مراجع عظام ہیں، مرجعیت کے ہاتھوں مختلف میدانوں میں شرمناک شکست کے بعد عالمی غنڈوں نے اپنی توپوں کا رخ مرجعیت کی طرف موڑ دیا ہے، خودساختہ پروپیگنڈوں کے ذریعے لوگوں کو ان الہی قوتوں سے متنفر کرنے کی کوشش کی جارہی ہے جو حقیقی معنوں میں اسلام کے عظیم مجاہد ہیں، انقلاب ایران کے بعد پوری دنیا میں اسلام ناب کا وقار بلند ہوا ہے، انقلاب اسلامی طاغوتی و استعماری قوتوں اور ان کے آلہ کاروں کی الہی طاقت کے ہاتھوں ذلت آمیز شکست کا نام ہے، آج دنیا بھر کی دجالی طاقتیں عالم اسلام کے خلاف برسرپیکار ہیں، انہیں شکست دینے کے لیے اس عاشورائی فکر کو اپنانا ہوگا جس کا اظہار امام خمینی رضوان اللہ نے اپنے کردار و عمل سے کیا۔
رواں برس کا پہلا مہینہ انسانی تاریخ کا گرم ترین جنوری تھا؛ رپورٹ