جمہوریت کو چلانے کیلئے ملکر بیٹھنا ہوگا،رہنماپیپلزپارٹی
اشاعت کی تاریخ: 12th, February 2025 GMT
اسلام آباد: پیپلزپارٹی کے رہنما قمر زمان کائرہ نے کہا ہے کہ ہم نے جمہوریت کو چلانا ہے اس کیلئے ملکر بیٹھنا ہوگا۔
نجی ٹی وی سے گفتگو کرتے ہوئے انہوں نے کہا کہ پاکستان میں کبھی سیاسی اسٹیبلیٹی نہیں تھی، آج عدالتوں میں لڑائی ہے،سیاسی لوگ اپنی لڑائی لڑ رہے ہیں۔
انہوں نے کہا کہ اداروں اور ہمیں آئین پر چلنے کی عادت نہیں ہے، پی ٹی آئی کہتی ہے الیکشن میں دھاندلی ہوئی ہے۔
ذریعہ: Daily Mumtaz
پڑھیں:
17 سیٹوں والی حکومت کو طول دینے کیلئے آئین کیساتھ کھلواڑ ہو رہا ہے: زرتاج گل
اسلام آباد(نیوز ڈیسک) رہنما تحریک انصاف و سابق وفاقی وزیر زرتاج گل نے کہا ہے کہ 17 سیٹوں والی حکومت کو طول دینے کیلئے آئین کے ساتھ کھلواڑ کیا جارہا ہے۔
اسلام آباد میں میڈیا سے گفتگو کرتے ہوئے پی ٹی آئی رہنما زرتاج گل کا کہنا تھا کہ موجودہ حکومت نے نہ عدلیہ کو چھوڑا نہ صحافیوں کو، یہ سیاسی ورکرز کو تو ویسے ہی دہشتگرد بنا کر پیش کرتے ہیں، مسلم لیگ ن کی حکومت سے آئین ،صوبے اور نہ ہی کوئی سیاسی جماعت محفوظ ہے، آخر میں عدلیہ رہ گئی تھی۔
انہوں نے کہا کہ افسوس کی بات ہے 26ویں آئینی ترمیم کے بعد سپریم کورٹ،ججز اورتمام بنچز کو متنازع کردیا گیا، مسلم لیگ ن نے ملک کو کس نہج پر پہنچادیا ہے، کسی معصوم کا مقدمہ لڑنے پر اب وکیل پر بھی مقدمات ہوجاتے ہیں۔
رہنما تحریک انصاف کا کہنا تھا کہ سیاسی آئیڈیالوجی کسی کی کچھ بھی ہوسکتی ہے، سیاستدان کسی سے بھی مل سکتا ہے، مولانا فضل الرحمان یا کوئی اور سیاسی جماعت ہمارے ساتھ بیٹھتی ہے تو اس کا مطلب یہ نہیں نظریہ ایک ہوگیا، سیاسی جماعتوں کا نظریہ الگ الگ ہوتا ہے۔
زرتاج گل نے کہا کہ جہاں تک گرینڈ الائنس کی بات ہےاس وقت پورے ملک کے عوام کو اکٹھا ہوکر پی ٹی آئی کا ساتھ دینا ہوگا، عمران خان کے ساتھ سب کو اکٹھا ہونا پڑے گا، اس وقت پی ٹی آئی واحدجماعت ہے جو مضبوطی سے کھڑی ہے، تمام سیاسی جماعتوں کو بانی پی ٹی آئی کا ساتھ دینا چاہیے۔
سابق وفاقی وزیر کا کہنا تھا کہ آئین، سپریم کورٹ اور ججز کے ساتھ کھلواڑ ہورہا ہے، 17سیٹوں والی جماعت کی حکومت کو طول دینے کیلئے سب چیزیں ختم ہورہی ہیں، یہ 17سیٹوں والی حکومت ہر کسی پر قدغن لگارہی ہے، 8فروری کو ہمارا مینڈیٹ چوری ہوا تھا۔
انہوں نے مزید کہا کہ بانی پی ٹی آئی عمران خان نے آرمی چیف کو لکھے خط میں ذاتی مفاد کیلئے کوئی بات نہیں کی کہ میرے کیسز معاف کردیں، عمران خان نے آئین وقانون اور انسانی حقوق کی خلاف ورزیوں پر بات کی ہے۔
سیکیورٹی فورسز کا شمالی وزیرستان میں آپریشن، 3 خارجی ہلاک