عاطف اسلم کی ویلنٹائن ڈے پر مزاحیہ ویڈیو نے مداحوں کو حیران کر دیا
اشاعت کی تاریخ: 12th, February 2025 GMT
پاکستان کے مشہور گلوکار عاطف اسلم نے ایک بار پھر سوشل میڈیا پر دھوم مچا دی ہے، لیکن اس بار کسی نئے گانے کی وجہ سے نہیں بلکہ ویلنٹائن ڈے پر کی گئی ایک مزاحیہ پوسٹ کے باعث ایسا ہوا ہے۔
عاطف اسلم نے انسٹاگرام پر ایک مزاحیہ ویڈیو شیئر کی، جس میں وہ ایک سڑک کے کنارے افسردہ بیٹھے نظر آ رہے ہیں، جبکہ ان کے سامنے ایک گھر شادی کی روشنیوں سے جگمگا رہا ہے۔
ویڈیو کے اوپر لکھا تھا: "وہ کہتی تھی میں اکیلے مر جاؤں گی، کسی اور سے شادی نہیں کروں گی۔" یہ الفاظ سن کر مداحوں کو ایک ہی وقت میں ہنسی اور ماضی کی یادوں کا جھٹکا لگا۔
ویڈیو میں پس منظر میں عاطف اسلم کا مشہور گانا "تیرے بن" چل رہا ہے، جس نے ویڈیو کو مزید جذباتی اور دلچسپ بنا دیا۔
عاطف کے اس منفرد انداز کو مداحوں نے خوب پسند کیا۔مزاحیہ ویڈیوز کے علاوہ، عاطف اسلم نے حال ہی میں آئی سی سی چیمپئنز ٹرافی 2025 کا آفیشل اینتھم "جیتو بازی کھیل کے" بھی ریلیز کیا ہے۔ اس گانے کو عبداللہ صدیقی نے پروڈیوس کیا، جبکہ اس کے بول عدنان دھول اور اسفند یار اسد نے لکھے ہیں۔
View this post on InstagramA post shared by Atif Aslam (@atifaslam)
یہ ترانہ پاکستان کے کرکٹ کلچر اور مداحوں کے جوش و جذبے کو بہترین انداز میں پیش کرتا ہے اور سوشل میڈیا پر کافی مقبول ہو چکا ہے۔
ذریعہ: Express News
پڑھیں:
پی ٹی آئی کے رہنماؤں کے درمیان اختلافات میں شدت
مائنز اینڈ منرلز ایکٹ پر بھی عاطف خان اور علی امین گنڈا آمنے سامنے آگئے
پی ٹی آئی پارلیمانی پارٹی وٹس ایپ گروپ میں ایک دوسرے پر لفظی گولہ باری
پاکستان تحریک انصاف (پی ٹی آئی) کے سینئر رہنماؤں کے درمیان اختلافات شدت اختیار کرگئے ہیں جبکہ سیکریٹری اطلاعات پی ٹی آئی نے اس کو پارٹی کا اندرونی معاملہ قرار دے دیا۔پی ٹی آئی خیبرپختونخوا کے سیکریٹری اطلاعات عدیل اقبال نے میڈیا سے خصوصی گفتگو کرتے ہوئے وزیراعلیٰ کے پی علی امین گنڈاپور اور عاطف خان کے درمیان اختلافات کے حوالے سے میڈیا رپورٹ پر کہا کہ پارٹی میں اختلافات چلتے رہتے ہیں یہ ہمارا آپس کا معاملہ ہے ۔عدیل اقبال کا کہنا تھا کہ پی ٹی آئی میں ہر بندہ اپنی سوچ رکھتا ہے ، یہ ایک جمہوری جماعت ہے ، وزیراعلیٰ کے پی اس حوالے سے تمام اراکین پارلیمنٹ کو بریفنگ دیں گے ۔ان کا کہنا تھا کہ ہو گا وہی جو بانی چیئرمین کا فیصلہ ہو گا۔قبل ازیں ذرائع نے بتایا تھا کہ مائنز اینڈ منرلز ایکٹ پر بھی عاطف خان اور علی امین گنڈا آمنے سامنے آگئے ہیں اور پی ٹی آئی پارلیمانی پارٹی وٹس ایپ گروپ میں ایک دوسرے پر لفظی گولہ باری کی گئی ہے ۔پی ٹی آئی ذرائع کا کہنا تھا کہ عاطف خان نے وٹس ایپ گروپ میں اراکین اسمبلی کو بل کی حمایت میں ووٹ نہ دینے کی گزارش کی اور کہا کہ یہ بل خیبرپختونخوا کے عوام کے حق میں نہیں اس لیے اراکین صوبائی اسمبلی ووٹ نہ دیں۔ذرائع نے بتایا کہ علی امین گنڈا پور نے عاطف خان کو آڑے ہاتھوں لیا اور سوال کیا کہ کیا آپ نے یہ بل پڑھا ہے ، آپ کو انگریزی سمجھ نہیں آتی اور بل کی کاپی اردو میں ترجمہ کرکے آپ کو بھیجوں گا۔مزید بتایا گیا کہ وزیر اعلیٰ خیبر پختونخوا نے عاطف خان کو مخاطب کرکے کہا کہ الیکشن کمیشن میں آپ کی تعلیم بھی انٹرمیڈیٹ ہے ، اس بل میں کوئی مسئلہ نہیں بس آپ کا ذاتی بغض کا مسئلہ ہے ، مگر اللہ حق ہے ۔وزیر اعلیٰ کے سخت الفاظ عاطف خان نے وزیر اعلیٰ علی امین گنڈپور کو کوئی جواب نہیں دیا۔
واٹس ایپ نے چیٹ پرائیویسی سے متعلق نیا فیچر متعارف کرا دیا