شام کی اگلی حکومت یکم مارچ سے کام شروع کر دے گی، الشیبانی
اشاعت کی تاریخ: 12th, February 2025 GMT
اسلام آباد (اُردو پوائنٹ ۔ DW اردو۔ 12 فروری 2025ء) شام میں عبوری حکومت کے وزیر خارجہ اسعد الشیبانی نے دعویٰ کیا کہ ان کے ملک میں حکومت سازی کا عمل آئندہ ماہ اپنے اختتام کو پہنچ جائے گا۔ متحدہ عرب امارات میں جاری 'ورلڈ گورنمنٹس سمٹ‘ سے خطاب کرتے ہوئے بدھ کو الشیبانی نے کہا، ''یکم مارچ سے کام شروع کرنے والی حکومت ہر ممکن کوشش کرے گی کہ تمام شامی عوام کی نمائندگی کرے اور ملک کے تنوع کا خیال رکھے۔
‘‘ترکی، عراق، شام اور اردن کا داعش کے خلاف مشترکہ کارروائی کا فیصلہ
شام کے عبوری صدر کی ریاض میں سعودی ولی عہد سے ملاقات
تقریباً دو لاکھ شامی مہاجرین واپس وطن جا چکے، اقوام متحدہ
شام میں مختلف مسلم انتہا پسند گروہوں نے مل کر پچھلے سال بشار الاسد کی حکومت کا تختہ الٹ دیا تھا۔
(جاری ہے)
عبوری حکومت کی قیادت محمد البشیر نے سنبھال لی اور جس کی مدت یکم مارچ تک ہے۔
اسد حکومت کے خاتمے میں ملوث مرکزی تحریک حیات التحریر الشام کے سربراہ احمد الشرح کو پچھلے ماہ ملکی صدر مقرر کر دیا گیا۔ انہیں یہ ذمہ داری سونپی گئی تھی کہ وہ شام پر کئی برس حکمرانی کرنے والی البعث پارٹی کے ساتھ ملک کر اسد دور کے بعد کے قانونی معاملات طے کریں۔ نئی انتظامیہ نے یہ بھی کہہ رکھا ہے کہ تمام شامی شہریوں کی نمائندگی کے لیے قومی سطح کا ڈائیلاگ شروع کیا جائے گا۔ تاہم ابھی تک اس کے لیے کسی تاریخ کا اعلان نہیں کیا گیا۔ اس ماہ ایک انٹرویو میں احمد الشرح نے کہا تھا کہ انتخابات کرانے میں پانچ سال تک لگ سکتے ہیں۔ شام کے ایران اور روس کے ساتھ تعلقاتعبوری حکومت کے وزیر خارجہ اسعد الشیبانی نے کہا کہ سالہا سال تک جاری رہنے والی خانہ جنگی کے دوران اسد حکومت کی حمایت کی وجہ سے شام کے لیے ایران اور روس کے ساتھ تعلقات ایک 'کھلے زخم‘ کی مانند ہیں۔
تاہم دبئی میں 'ورلڈ گورنمنٹس سمٹ‘ سے خطاب کرتے ہوئے انہوں نے عندیہ دیا کہ ماسکو اور تہران حکومتوں کے ساتھ کچھ مثبت پیش رفت بھی سامنے آئی ہے۔ انہوں نے اس بارے میں تفصیل نہیں بتائی۔الشیبانی نے دمشق حکومت کے مغرب کے ساتھ تعلقات بہتر بنانے کی خواہش اور ضرورت پر خاصی توجہ دی۔ انہوں نے شام پر عائد پابندیوں کے خاتمے کا مطالبہ کیا اور کہا کہ یہ چودہ برس کی جنگ کے بعد ملک میں بحالی شروع کرنے کے لیے لازمی ہے۔
دبئی میں 'ورلڈ گورنمنٹس سمٹ‘ میں شامی حکومتی وزراء کی شرکت ایک بڑی پیش رفت ہے۔ سابق باغیوں نے بڑی تیزی کے ساتھ ملک کی ساکھ اور صورتحال میں بہتری کے لیے کام کیا اور عالمی برادری کی تائید حاصل کرنے کی کوششوں میں ہیں۔
ع س / ک م (اے ایف پی، اے پی)
.ذریعہ: UrduPoint
کلیدی لفظ: تلاش کیجئے الشیبانی نے حکومت کے کے ساتھ شام کے کے لیے
پڑھیں:
پنجاب کی ماتحت عدلیہ میں ڈبل شفٹ شروع کرنے پر غور
ڈی جی ڈائریکٹوریٹ ڈسٹرکٹ جوڈیشری لاہور ہائیکورٹ نے تمام ڈسٹرکٹ اینڈ سیشن ججز کو خط لکھ دیا۔ خط میں لکھا گیا ہے کہ چیف جسٹس پاکستان زیرسماعت کیسز کے خاتمے کیلئے عدالتوں میں ڈبل شفٹ شروع کرنے کے خواہشمند ہیں، تمام ڈسٹرکٹ اینڈ سیشن ججز اس تجویز کے حوالے سے اپنی رائے دیں۔ اسلام ٹائمز۔ کیسز کو نمٹانے کیلئے پنجاب کی ماتحت عدلیہ میں ڈبل شفٹ شروع کرنے پر غور کیا جا رہا ہے۔ ڈی جی ڈائریکٹوریٹ ڈسٹرکٹ جوڈیشری لاہور ہائیکورٹ نے تمام ڈسٹرکٹ اینڈ سیشن ججز کو خط لکھ دیا۔ خط میں لکھا گیا ہے کہ چیف جسٹس پاکستان زیرسماعت کیسز کے خاتمے کیلئے عدالتوں میں ڈبل شفٹ شروع کرنے کے خواہشمند ہیں، تمام ڈسٹرکٹ اینڈ سیشن ججز اس تجویز کے حوالے سے اپنی رائے دیں۔ خط میں کہا گیا ہے کہ تمام جوڈیشل افسران جو ایکسٹرا شفٹس میں کام کرنا چاہتے ہیں، اپنی رائے سے آگاہ کریں۔ پنجاب کے تمام ڈسٹرکٹ اینڈ سیشن ججز جلد اپنی رپورٹس جمع کروائیں۔ واضح رہے کہ پاکستان کی مختلف عدالتوں میں لاکھوں کی تعداد میں کیسز زیرالتواء ہیں، ججز کی کمی کیساتھ ساتھ دیگر مسائل کی وجہ سے سائلین کو مشکلات کا سامنا کرنا پڑتا ہے۔
کراچی سمیت سندھ میں ٹریفک کے بڑھتے حادثات؛ حکومت نے روڈ چیکنگ کمیٹی تشکیل دیدی