چیمپئنز ٹرافی وارم اپ میچز کے لیے پاکستان شاہینز اسکواڈز کا اعلان
اشاعت کی تاریخ: 12th, February 2025 GMT
کراچی:پاکستان کرکٹ بورڈ (پی سی بی)نے آئی سی سی چیمپئنز ٹرافی کے ڈے اینڈ نائٹ وارم اپ میچز کے لیے پاکستان شاہینز کے 3اسکواڈز کے ناموں کا اعلان کر دیا۔ مختلف ٹیموں کے خلاف ہونے والے میچز میں 3الگ الگ کپتان اور منیجرز مقرر کیے گئے ہیں۔
افغانستان کے خلاف میچ قذافی اسٹیڈیم لاہور میں 14 فروری کو کھیلا جائے گا، جس کے لیے پاکستانی شاہینز کی قیادت شاداب خان کریں گے جبکہ کوچ اور منیجر کی ذمے داریاں منصور امجد نبھائیں گے۔ اسکواڈ میں شامل کھلاڑیوں میں کپتان شاداب خان، عبدالفصیح، عرفات منہاس، حسین طلعت، عرفان خان نیازی، جہانداد خان، کاشف علی، محسن ریاض، محمد عباس آفریدی، محمد اخلاق، محمد عامر خان اور محمد عمران رندھاوا شامل ہیں۔
اسی طرح جنوبی افریقا کے خلاف میچ نیشنل اسٹیڈیم کراچی میں 17 فروری کو کھیلا جائے گا۔ اس میچ میں قیادت کی ذمے داری محمد ہریرہ کو سونپی گئی ہے جب کہ کوچ اور منیجر اعجاز احمد جونیئر ہوں گے۔ اسکواڈ میں کپتان محمد ہریرہ اور دیگر کھلاڑیوں میں عماد بٹ، فیصل اکرم، غازی غوری، حسن نواز، امام الحق، خرم شہزاد، معاذ صداقت، مہران ممتاز، نیاز خان، قاسم اکرم اور سعد خان شامل ہیں۔
بنگلا دیش کے خلاف میچ دبئی میں 17 فروری کو کھیلا جائے گا۔ا س کے لیے محمد حارث ٹیم کی قیادت کریں گے جب کہ کوچ اور منیجر کے فرائض عمر گل انجام دیں گے۔ اسکواڈ میں کپتان محمد حارث اور دیگر کھلاڑیوں میں عامر جمال، عبدالصمد، علی رضا، اذان اویس، محمد موسیٰ، محمد وسیم جونیئر، مبصر خان، عمیر یوسف، صاحبزادہ فرحان، سفیان مقیم اور اسامہ میر شامل ہیں۔
پی سی بی کے مطابق یہ وارم اپ میچز آئی سی سی چیمپئنز ٹرافی کی تیاریوں کے لیے نہایت اہم ہیں، جہاں نوجوان اور تجربہ کار کھلاڑیوں کو اپنی صلاحیتوں کے اظہار کا بھرپور موقع ملے گا۔
.ذریعہ: Jasarat News
پڑھیں:
بھارتی کرکٹ ٹیم کو بڑا دھچکا، فاسٹ باؤلر جسپریت بمراہ چیمپئنز ٹرافی سے باہر
بھارت(نیوز ڈیسک)بھارتی کرکٹ ٹیم کو بڑا دھچکا لگ گیا، اسٹار فاسٹ باؤلر جسپریت بمراہ چیمپئنز ٹرافی سے باہر ہو گئے۔بھارتی میڈیا این ڈی ٹی وی کی رپورٹ کے مطابق بھارتی کرکٹ بورڈ (بی سی سی آئی) نے تصدیق کی ہے کہ جسپریت بمراہ چیمپئنز ٹرافی 2025 سے باہر ہو گئے ہیں، جسپریت بمراہ کمر کی انجری کا شکار ہیں اور تاحال فٹ نہیں ہوسکے۔
جسپریت بمراہ کی جگہ 23 سالہ فاسٹ باؤلر ہرشیت رانا کو 15 رکنی اسکواڈ میں شامل کر لیا گیا۔سلیکشن میں ایک اور حیران کن تبدیلی کرتے ہوئے نوجوان اوپنر یشسوی جیسوال کو بھی فائنل اسکواڈ سے باہر کرکے ان کی جگہ 33 سالہ اسپنر ورون چکرا ورتھی کو شامل کر لیا گیا۔
بھارتی اسکواڈ ان کھلاڑیوں پر مشتمل ہے۔
روہت شرما (کپتان)، شبمن گل (نائب کپتان)، ویرات کوہلی، شریاس ایر، کے ایل راہول، رشبھ پنت، ہاردک پانڈیا، اکسر پٹیل، واشنگٹن سندر، کلدیپ یادو، ہردیپ یادو شامی، ارشدیپ سنگھ، رویندرا جدیجا، ورون چکرا ورتھی
مشتعل افراد کی انسداد پولیو ٹیم پر حملہ، بچوں کو قطرے پلوانے سے انکار،12 ملزمان گرفتا ر