نوجوان ہنز سیکھ کر خود کو ملک کی ترقی میں مثبت کردار ادا کرنے کے قابل بنائیں، آرمی چیف جنرل عاصم منیر
اشاعت کی تاریخ: 12th, February 2025 GMT
آرمی چیف جنرل سید عاصم منیر نے نوجوانوں کو پاکستان کا اصل سرمایہ اور مستقبل قراردیتے ہوئے کہا ہے کہ نوجوان ہنر سیکھ کر خود کو ملک کی ترقی میں مثبت کردار ادا کرنے کے قابل بنائیں۔
یہ بھی پڑھیں:دشمن کچھ بھی کر لے اسے قوم اور فوج کی طاقت سے شکست دیں گے، آرمی چیف
پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے کے مطابق آرمی چیف جنرل سید عاصم منیر نے یونیورسٹیز اور کالجز کے نوجوان طلبا کے اجتماع سے خطاب کیا ہے۔
آئی ایس پی آر کے مطابق نوجوانوں سے ملاقات اور خطاب کے دوران آرمی چیف نے طلبا کی حوصلہ افزائی کی کہ وہ اپنے تعلیمی کیریئر میں بہترین کارکردگی کا مظاہرہ کریں اور ایسے ہنر سھکیں جو انہیں ملک کی ترقی میں مثبت کردار ادا کرنے کے قابل بنائیں۔
اعلامیے کے مطابق آرمی چیف نے پاکستان پر خطرات اور ان کے اثرات بالخصوص سرحد پار دہشتگردی کے خطرے کے بارے میں بھی اپنے خیالات کا اظہار کیا۔
مزید پڑھیں:بھارتی فوجی قیادت کے بیانات غیرذمہ دارانہ، کسی بھی مہم جوئی کا بھرپور جواب دیا جائےگا، آرمی چیف
آئی ایس پی آر کے مطابق آرمی چیف نے نوجوانوں کی توانائی، تخلیقی صلاحیت اور جدت طرازی کی صلاحیت کی بھی تعریف کرتے ہوئے کہا کہ نوجوان پاکستان کے مستقبل کے رہنما ہیں۔
آرمی چیف نے ملک کی خودمختاری اور علاقائی سالمیت کے تحفظ میں پاک فوج کے کردار پر روشنی ڈالی اور دہشتگردی کی لعنت کے خلاف قومی جدوجہد میں پاکستانی عوام ، فوج اور امن و امان قائم کرنےوالے اداروں کی قربانیوں کو اور کاؤشوں کو خراج تحسین پیش کیا ۔
یہ بھی پڑھیں:کشمیر ایک دن ضرور آزاد ہوگا، 10 جنگیں بھی لڑنا پڑیں تو لڑیں گے، آرمی چیف جنرل عاصم منیر
آئی ایس پی آر کے مطابق آرمی چیف نے پاکستانیت کو اپنانے کی ضرورت پر زور دیتے ہوئے نوجوانوں کی فکری نشوونما کے لیے پاکستان کی تاریخ، ثقافت اور اقدار کی اہمیت پر بھی روشنی ڈالی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس پی آر آرمی چیف امن و امان اہمیت تخلیقی صلاحیت توانائی جدت طرازی جرل دہشتگردی سید عاصم منیر عاصم منیر عوام فوج محکمہ تعلقات عامہ نوجوان نوجوانوں سے خطاب.ذریعہ: WE News
کلیدی لفظ: ا ئی ایس پی ا ر ا رمی چیف اہمیت تخلیقی صلاحیت توانائی دہشتگردی عوام فوج محکمہ تعلقات عامہ نوجوان نوجوانوں سے خطاب ا ئی ایس پی ا ر رمی چیف جنرل آرمی چیف نے رمی چیف نے ا رمی چیف کے مطابق ملک کی
پڑھیں:
سپریم کورٹ نے گلگت بلتستان میں ججز کی تقرریوں پر حکم امتناع ختم کر دیا
سپریم کورٹ نے گلگت بلتستان میں ججز کی تقرریوں پر حکم امتناع ختم کردیا، اٹارنی جنرل پاکستان اور ایڈوکیٹ جنرل گلگت بلتستان میں ججز تقریوں کے طریقہ کار کے حوالے اتفاق ہو گیا، اٹارنی جنرل منصور عثمان اعوان نے کہا ہے کہ حکومت آرڈر 2018 کے مطابق ججز تقرریاں کرے گی۔
نجی ٹی وی کے مطابق سپریم کورٹ میں گلگت بلتستان میں ججز کی تقرریوں سے متعلق درخواستوں پر سماعت ہوئی، اس موقع پر اٹارنی جنرل پاکستان منصور عثمان اعوان عدالت میں پیش ہوئے۔
عدالت کو آگاہ کیا گیا کہ اٹارنی جنرل پاکستان اور ایڈوکیٹ جنرل گلگت بلتستان میں ججز تقریوں کے طریقہ کار کے حوالے اتفاق ہو گیا ہے۔
اٹارنی جنرل نے عدالت کو آگاہ کیا کہ حکومت آرڈر 2018 کے مطابق ججز تقرریاں کرے گی، معاملے پر ایڈوکیٹ جنرل جی بی سے بات کر لی تھی۔
وکیل غلام مصطفی کندوال کا اعتراض اٹھاتے ہوئے کہا کہ سپریم کورٹ حکم کے مطابق آرڈر 2019 کے مطابق تقرریاں ہونا ہیں۔
جسٹس محمد علی مظہر نے کہا کہ ہمیں ابھی ججز تقرریوں کا مقدمہ نمٹانا چاہیے، آرڈر 2019 مجوزہ تھا اس پر عملدرآمد کا کیسے کہیں، جسٹس جمال خان مندوخیل نے کہا کہ اٹارنی جنرل صاحب ناانصافی نہیں ہونی چاہیے، اگر ناانصافی ہوئی تو پھر ایشوز بنیں گے۔
بعدازاںگلگت بلتستان حکومت نے ججز طریقہ کار سے متعلق درخواست واپس لے لی جبکہ گلگت بلتستان میں تقرریوں سے متعلق دیگر درخواستیں تین ہفتے کے لیے ملتوی کردی گئیں۔
یاد رہے کہ سپریم کورٹ نے یکم مارچ 2023 میں گلگت بلتستان میں ججز کی تعیناتی کے خلاف وزیر اعلیٰ کی درخواست پر سماعت کے دوران کیس کے فیصلے تک تعیناتیوں پر حکم امتناع جاری کرتے ہوئے وزیر اعظم کو تقرریوں سے روک دیا۔
Post Views: 1
100 سے زائد فلموں میں کام کرنیوالے سینیئر بھارتی اداکار انتقال کر گئے