UrduPoint:

پاکستان طویل المدتی معاشی بحالی کے رستے پر ہے، شہباز شریف

اشاعت کی تاریخ: 12th, February 2025 GMT

اسلام آباد (اُردو پوائنٹ ۔ DW اردو۔ 12 فروری 2025ء) اسلام آباد سے 12 فروری بروز بدھ موصول ہونے والی خبر رساں ایجنسی روئٹرز کی رپورٹ کے مطابق پاکستانی وزیر اعظم نے دُبئی میں ورلڈ گورنمنٹس سمٹ سے اپنے خطاب میں کہا کہ ان کے ملک کی معیشت طویل المدتی بحالی کی طرف گامزن ہے، جو بین الاقوامی مالیاتی فنڈ آئی ایم ایف کی بدولت ممکن ہوا۔

شہباز شریف کے اس بیان کو آئندہ ماہ یعنی مارچ کے اوائل میں پاکستان کے لیے 7 بلین ڈالر کے بیل آؤٹ کے اولین جائزے کے تناظر میں نہایت اہم سمجھا جا رہا ہے۔

آئی ایم ایف کی تجویز پر پاکستان سول سرونٹس ایکٹ میں ترمیم

ورلڈ گورنمنٹس سمٹ 2025 ء

وی جی ایس 'ورلڈ گورنمنٹس سمٹ‘ کا آغاز دُبئی میں 11 فروری کو ہوا اور 80 سے زیادہ بین الاقوامی اور علاقائی اور بین الحکومتی تنظیموں کے نمائندوں پر مشتمل یہ اجلاس 13 فروری تک جاری رہے گا۔

(جاری ہے)

اس دوران شرکاء عالمی اقتصادی چیلنجز اور ان کے حل پر بات چیت کریں گے۔ مقامی خبر رساں ایجنسیوں کی رپورٹوں کے مطابق وزیر اعظم پاکستان منگل کو ایک اعلیٰ سطحی وفد کے ساتھ وی جی ایس میں شرکت کے لیے دُبئی پہنچے۔ پاکستان کے دفتر خارجہ کے مطابق شہباز شریف اس سمٹ میں پاکستان کی معاشی ترقی، ڈیجیٹل شعبے میں تبدیلیوں اور گورننس اصلاحات کے بارے میں پاکستان کے وژن کے بارے میں سمیٹ کے شرکاء کو بتائیں گے۔

ورلڈ گورنمنٹس سمٹ کے آفس سے جاری کردہ ایک بیان میں کہا گیا ہے کہ سمٹ کے پہلے روز یعنی منگل کو نواز شریف نے وی جی ایس 2025 ء کے حاشیے پر بین الاقوامی مالیاتی فنڈ کی 12ویں مینیجنگ ڈائریکٹر کے طور پر خدمات انجام دینے والی بلغاریہ کی ماہر معاشیات کرسٹالینا ایوانوا گیورگیوا کینووا سے ملاقات کی۔ اس موقع پر شہباز شریف نے پاکستان کی معیشت کو مستحکم کرنے اور اسے ترقی کی راہ پر گامزن کرنے اور اس کی طویل المدتی بحالی میں آئی ایم ایف کی EFF نامی سہولت کے تحت ہونے والی پیش رفت پر روشنی ڈالی۔

معاشی ترقی کے باوجود پاکستان کو بیرونی فنانسنگ کے حصول میں مشکل رہے گی، فِچ

دریں اثناء سوشل میڈیا پلیٹ فارم ایکس پر آئی ایم ایف کی مینیجنگ ڈائریکٹر کرسٹالینا نے اپنی پوسٹ میں تحریر کیا، ''ان کے پاکستان کی آئی ایم ایف کی حمایت یافتہ اصلاحات کے لیے مضبوط عزم اور فیصلہ کن اقدامات سے میری حصولہ افزائی ہوئی ہے۔‘‘ ان کا مزید کہنا تھا کہ یہ اقدامات ترقی اور پاکستان کی نوجوان آبادی کے لیے مزید ملازمتوں کی راہ ہموار کرنے میں مددگار ثابت ہوں گے۔

‘‘

آئی ایم ایف کا پاکستان کے لیے بیل آؤٹ کا جائزہ

آئندہ ماہ مارچ میں پاکستان کے لیے آئی ایم ایف کے بیل آؤٹ کے جائزے سے قبل حکومت اور مرکزی بینک اپنے اہداف کو پورا کرنے کے بارے میں اعتماد کا اظہار کر رہے ہیں۔ پاکستان ستمبر میں اگلا بیل آؤٹ حاصل کرنے کے لیے ملک کی معاشی بحالی کی ممکنہ کوششیں کر رہا ہے۔ اسلام آباد کو اس کے لیے کافی جدوجہد کرنا پڑ رہی ہے۔

نئے قرض کے لیے آئی ایم ایف کی تمام شرائط پوری ہیں، پاکستان

وزیر اعظم کے دفتر کی طرف سے جاری کردہ بیان میں کہا گیا کہ منگل کو دُبئی میں ہونے والے اجلاس میں مائیکرو اکنامک استحکام پر توجہ مرکوز کی گئی۔ آئی ایم ایف کے پروگرام کے تحت حکومت کے اصلاحاتی ایجنڈے اور مالیاتی نظم و ضبط کو برقرار رکھنے کی کوششوں کو بھی اجاگر کیا گیا۔

شہباز شریف نے خاص طور پر اصلاحات کی رفتار کو جاری رکھنے کا عزم ظاہر کیا جس میں ٹیکس کے نظام، توانائی اور نجی شعبوں کی ترقی شامل ہے۔

پاکستان اور آئی ایم ایف کے مابین سات بلین ڈالر کا معاہدہ

EFF پروگرام کے تحت جائزہ لینے کے لیے آئی ایم ایف کا تین رکنی مشن الگ سے پاکستان میں ہے۔

ک م/ ع س (روئٹرز)

.

ذریعہ: UrduPoint

کلیدی لفظ: تلاش کیجئے ورلڈ گورنمنٹس سمٹ آئی ایم ایف کی میں پاکستان شہباز شریف پاکستان کے پاکستان کی بیل آؤٹ کے لیے

پڑھیں:

(وزیراعظم کا دورہ، پاکستان سے ڈیڑھ لاکھ ہنرمندوں کو بیلا روس بھیجنے پر اتفاق

(وزیراعظم کا دورہ، پاکستان سے ڈیڑھ لاکھ ہنرمندوں کو بیلا روس بھیجنے پر اتفاق WhatsAppFacebookTwitter 0 11 April, 2025 سب نیوز

منسک (سب نیوز)وزیر اعظم کے دورہ بیلاروس کے دوران دونوں ملکوں کے درمیان دفاع اور تجارت سمیت مختلف شعبہ جات میں تعاون کے معاہدوں اور مفاہمتی یادداشتوں کا تبادلہ ہوا ہے، وزیراعظم محمد شہباز شریف کا بیلا روس کے ایوان آزادی آمد پرشاندار خیر مقدم کیا گیا، بیلا روس کی مسلح افواج کے چاق و چوبند دستے نے وزیراعظم شہباز شریف کو گارڈ آف آنر پیش کیا۔
جمعہ کو وزیراعظم کے دورہ بیلاروس کے موقع پر دونوں ملکوں کے درمیان معاہدوں اور مفاہمت کی یادداشتوں کے تبادلے کی تقریب منعقد ہوئی، اس موقع پرپاکستان کی وزارت دفاع اور بیلا روس کی وزارت دفاع کے درمیان فوجی تعاون کا معاہدہ ہوا۔تقریب میں بیلاروس کی فوجی صنعت کی اسٹیٹ اتھارٹی اوروزارت دفاعی پیداوارپاکستان کے درمیان فوجی تکنیکی تعاون سے متعلق 2025 سے 2027کا روڈ میپ طے پاگیا، دونوں ممالک کے درمیان ری ایڈمیشن معاہدہ کا معاہدہ بھی طے پایا ہے۔سرکاری خبررساں ایجنسی کی رپورٹ کے مطابق پاکستان سے ڈیڑھ لاکھ سے زائد تربیت یافتہ اور ہنر مند نوجوانوں کو بیلا روس بھیجا جائے گا، یہ فیصلہ وزیراعظم محمد شہباز شریف اور بیلاروس کے صدر لوکو شینکا کے مابین جمعہ کو بیلا روس کے ایوان آزادی میں ہونے والی دو طرفہ ملاقات میں کیا گیا۔
وزیر اعظم آفس کے میڈیا ونگ کی طرف سے جاری بیان کے مطابق پاکستان سے ہنر مند اور تربیت یافتہ نوجوانوں کو بیلاروس بھجوانے کے حوالے سے لائحہ عمل جلد ترتیب دیا جائے گا۔ملاقات میں دونوں رہنماوں نے اتفاق کیا کہ زرعی شعبے اور زرعی مشینری کی تیاری کے حوالے سے مشترکہ طور پر کام کیا جائے گا۔پاکستان پوسٹ اور بیلاروس پوسٹ کے درمیان پوسٹل آئٹمز کے تبادلے کا معاہدہ بھی ہوا ہے جبکہ بیلاروس کے ایوان صنعت و تجارت اور ٹریڈ ڈیولپمنٹ اتھارٹی پاکستان کے درمیان تعاون کا معاہدہ بھی طے پایا ہے۔پاکستانی وفد کے دورہ بیلاروس کے دوران فرنٹیئر ورکس آرگنائزیشن(ایف ڈبلیو او )اور جے ایس سی ایم کوڈور جبکہ ایف ڈبلیو او اور او جے ایس سی ماز کے درمیان بھی مفاہمت کی یادداشت بھی طے پائی ہے۔
بعدازاں وزیراعظم شہباز شریف کے ساتھ مشترکہ پریس کانفرنس سے خطاب کرتے ہوئے بیلاروس کے صدر الیگزینڈر لوکاشینکو نے کہا کہ پاکستان کے ساتھ اپنے تعلقات کو بہت اہمیت دیتے ہیں، دونوں ممالک کیدرمیان مختلف شعبوں میں تعاون کیفروغ کے وسیع مواقع موجود ہیں، وزیراعظم شہباز شریف کے دورے سے دوطرفہ تعلقات کو نئی جہت ملے گی۔صدر لوکاشینکو نے کہا کہ دونوں ممالک کے درمیان بزنس فورم تجارت کے فروغ کیلئے اہمیت کا حامل ہے، دوطرفہ تجارت اوراقتصادی تعاون کے مواقع سے حقیقی معنوں میں استفادہ کرنا ہے۔
اس موقع پر وزیراعظم شہباز شریف نے کہا کہ صدربیلاروس کے 2015 کے دورہ پاکستان نے دوستی کی مضبوطی میں اہم کردار ادا کیا، صدرالیگزینڈرلوکاشینکو کی قیادت میں بیلاروس نے نمایاں ترقی کی۔وزیراعظم نے کہاکہ پاکستان کے مختلف شعبوں میں سرمایہ کاری کے بے پناہ مواقع موجود ہیں، بیلاروس کی کمپنیوں کوپاکستان میں سرمایہ کاری کے مواقع سے فائدہ اٹھانا چاہیے۔انہوں نے کہا کہ دونوں ملکوں کو زرعی اور صنعتی شعبوں میں ایک دوسرے کے تجربات سے استفادہ کرنا چاہیے، بیلاروس میں مقیم پاکستانی اس کی تعمیر و ترقی میں اہم کردار ادا کررہے ہیں، تعلقات کے فروغ کے حوالے سے مثبت پیشرفت باعث اطمینان ہے۔
قبل ازیں بیلا روس کے ایوان آزادی آمد پر وزیراعظم شہباز شریف کے اعزاز میں باضابطہ استقبالیہ تقریب منعقد ہوئی۔بیلا روس کے صدر الیگزینڈر لوکاشینکو نے وزیراعظم کا پرتپاک استقبال کیا، دونوں رہنمائوں نے گرمجوشی سے مصافحہ کیا، استقبالیہ تقریب میں دونوں ممالک کے قومی ترانے بجائے گئے ۔بیلا روس کی مسلح افواج کے چاق وچوبند دستے نے وزیراعظم محمد شہباز شریف کو گارڈ آف آنر پیش کیا اور سلامی دی بعدازں وزیراعظم نے گارڈ آف آنر کا معائنہ کیا۔اس موقع پروزیراعظم محمد شہباز شریف نے اپنے وفد کے ارکان کا بیلا روس کے صدر سے تعارف کرایا جبکہ بیلا روس کے صدر نے بھی اپنے حکومتی ارکان کو وزیراعظم شہباز شریف سے متعارف کرایا۔