گاڑیاں نذر آتش کرنے کا کیس، آفاق احمد کے جسمانی ریمانڈ کی استدعا مسترد، جیل بھیجنے کا حکم
اشاعت کی تاریخ: 12th, February 2025 GMT
گاڑیاں نذر آتش کرنے کا کیس، آفاق احمد کے جسمانی ریمانڈ کی استدعا مسترد، جیل بھیجنے کا حکم WhatsAppFacebookTwitter 0 12 February, 2025 سب نیوز
کراچی (آئی پی ایس )مہاجر قومی موومنٹ حقیقی کے چیئرمین آفاق احمد کو کراچی ایسٹ زون کے لانڈھی اور عوامی کالونی تھانوں کی حدود کے 2 پرتشدد مقدمات میں گاڑیاں جلانے کے مقدمات میں انسداد دہشت گردی کی عدالت نے پولیس ریمانڈ دینے سے انکار کرتے ہوئے انہیں جیل بھیجنے کا حکام دیدیا۔سپرینٹنڈنٹ پولیس انویسٹی گیشن کورنگی قیس خان کا کہنا ہے آفاق احمد کے کہنے پر گزشتہ روز لانڈھی میں پرتشدد واقعات میں گاڑیاں جلائی گئی تھیں جس کی ایف آئی آر بھی درج کرائی گئی تھی، مدعی کے مطابق ملزمان نے انہیں تشدد کا نشانہ بنا کر ٹرک کو اگ لگائی۔
مدعی کے مطابق ملزمان واردات کے دوران کہہ رہے تھے کہ انہوں نے اپنے قائد آفاق احمد کے حکم پر گاڑی کو اگ لگائی کیونکہ آفاق احمد نے ہیوی ٹریفک شہر میں داخل ہونے سے منع کر رکھا ہے۔ مدعی کے مطابق اس کی گاڑی جلانے کی وجہ ایم کیو ایم حقیقی کے سربراہ آفاق احمد کی دھمکی امیز ویڈیو سوشل میڈیا پر وائرل ہونا ہے جس میں انہوں نے اپنے ساتھیوں کے ساتھ دھمکی دے کر خطاب کیا کہ منگل سے شہر کراچی میں ہیوی ٹریفک داخل نہیں ہوگی، اگر ہوگی تو نقصان ہوگا۔آفاق احمد کو گزشتہ رات کلفٹن میں واقع ان کی رہائش گاہ سے گرفتار کیا گیا تھا، آفاق احمد کو پولیس نے دونوں ہاتھوں میں ہتھکڑی لگا کر بکتر بند گاڑی میں سخت حفاظتی انتظامات میں کلفٹن میں واقع انسداد دہشت گردی کی عدالت میں پیش کیا گیا۔
سماعت کے دوران انسداد دہشت گردی کی عدالت کے جج نے پولیس پراسیکیوٹر کو مخاطب کرکے استفسار کیا کہ “مجھے بتائیں کہ پولیس کو ریمانڈ کیوں چاہیے؟ آفاق احمد سے کیا تفتیش کرنی ہے؟ ۔عدالت نے ریمارکس دیے کہ یہ معاملہ مشکوک ہے، اس میں جسمانی ریمانڈ کی کیا ضرورت ہے، میں ملزم کو جیل بھیج رہا ہوں۔کراچی میں ہیوی ٹریفک کی وجہ سے ڈمپرز کے پے در پہ حادثات میں شہریوں کی کافی اموات ہوئی ہیں۔مقامی حکومت کی جانب سے دن کے اوقات میں ہیوی ٹریفک خاص طور پر ڈمپرز کے شہر میں داخلے پر پابندی عائد کی گئی تھی جس پر ٹرانسپورٹرز نے احتجاج کیا تھا۔بعد ازاں ایم کیو ایم حقیقی کے وکلا کی جانب سے انسداد دہشت گردی عدالت میں آفاق احمد کی ضمانت کی درخواست بھی دائر کر دی گئی، جس پر عدالت نے فریقین کو 14 فروری کیلئے نوٹس جاری کردیے۔
.ذریعہ: Daily Sub News
کلیدی لفظ: آفاق احمد کے ریمانڈ کی
پڑھیں:
کراچی: ڈمپر نے ایک اور نوجوان کی جان لے لی، شہر میں 4 ہیوی گاڑیاں نذر آتش
کراچی:ہاکس بے مشرف کالونی کے قریب تیز رفتار ڈمپر کی ٹکر سے موٹر سائیکل سوار جاں بحق ہوگیا۔ شہر میں نامعلوم افراد نے مزید دو ہیوی گاڑیوں کو آگ لگا دی جس کے بعد صبح سے اب تک جلائی جانے والی مال بردار گاڑیوں کی تعداد 4 ہوگئی۔
تفصیلات کے مطابق منگل کی صبح موچکو تھانے کے علاقے ہاکس بے روڈ مشرف کالونی، ابراہیم گوٹھ، شیراز کوچ کے آخری اسٹاپ کے قریب تیز رفتار ڈمپر ٹی کے یو 621 نے موٹر سائیکل کو ٹکر مار دی جس کے نتیجے میں موٹر سائیکل سوار شخص موقع پر جاں بحق ہوگیا۔ متوفی کی شناخت 30 سالہ صدیق احمد ولد محمد یعقوب کے نام سے ہوئی ہے، جو کنسٹرکشن کا کام کرتا تھا اور مشرف کالونی لسبیلہ چوک کا رہائشی تھا۔ اس کا آبا ئی تعلق آزاد کشمیر سے تھا۔
موچکو تھانے کے قائم مقام ایس ایچ او راجہ خرم نے بتایا کہ حادثے کے بعد ڈمپر کا ڈرائیور موقع سے فرار ہوگیا، تاہم پولیس نے ڈمپر کو تحویل میں لے کر تھانے منتقل کردیا ہے۔ حادثے کا مقدمہ متوفی کے چچا محبوب کی جانب سے ڈمپر کے فرار ہونے والے ڈرائیور کے خلاف درج کیا جارہا ہے۔ پولیس نے قانونی کارروائی کے بعد متوفی کی لاش اس کے ورثا کے حوالے کردی اور ڈمپر کے فرار ہونے والے ڈرائیور کی تلاش شروع کردی ہے۔
دوسری جانب کراچی میں خوفناک ٹریفک حادثات میں شہریوں کے جاں بحق ہونے کے واقعات کے بعد شہر میں نامعلوم افراد کی جانب سے واٹر ٹرینکر، ڈمپر اور مال بردار ٹریلر کو آگ لگانے کے واقعات میں اضافہ ہوگیا ہے۔ منگل کو سرجانی ٹاؤن تھانے کے علاقے سرجانی ٹاؤن عبداللہ موڑ کے قریب تین نامعلوم افراد نے واٹر ٹینکر کو آگ لگا دی اور فرار ہوگئے۔ آگ لگنے کی اطلاع پر فائر بریگیڈ کا عملہ اور پولیس موقع پر پہنچ گئے اور فائر بریگیڈ کے عملے نے واٹر ٹینکر میں لگی آگ پر قابو پا لیا، جس کے بعد واٹر ٹینکر کا اگلا حصہ مکمل طور پر جل چکا تھا۔ سرجانی ٹاؤن پولیس کے مطابق نامعلوم افراد نے واٹر ٹینکر کو روکا، پھر پیٹرول چھڑک کر آگ لگا دی اور فرار ہوگئے۔ پولیس نے آگ لگانے والے افراد کی تلاش شروع کردی ہے۔
لیاقت آباد دس نمبر کے قریب بھی نامعلوم افراد کی جانب سے ایک ٹریلر کو آگ لگادی گئی۔ پولیس کے مطابق ٹریلر خرابی کے باعث مرکزی سڑک پر کھڑا تھا کہ اسی دوران نامعلوم افراد نے اس پر آگ لگانے کی کوشش کی۔ پولیس نے اس واقعے کی تحقیقات شروع کردی ہے۔ صبح سے اب تک جلائی جانے والی گاڑیوں کی تعداد 4 ہوگئی ہے۔
وزیراعظم اور آرمی چیف قومی معیشت کی ترقی کے لئے محنت کر رہے ہیں: گورنر سندھ