آئی ایم ایف کی بجلی کی قیمتوں میں کمی کے پلان پر غور کی یقین دہانی
اشاعت کی تاریخ: 12th, February 2025 GMT
اسلام آباد:وزیراعظم شہباز شریف نے کہا ہے کہ آئی ایم ایف کی جانب سے بجلی کی قیمتوں میں کمی کے پلان پر غور کی یقین دہانی کرائی گئی ہے۔
نجی ٹی وی کی رپورٹ کے مطابق وفاقی کابینہ کے اجلاس سے خطاب کرتے ہوئے وزیراعظم نے کہا کہ ابتدائی طور پر آئی ایم ایف کی طرف سے خدشات موجود تھے، لیکن اب ادارے کی سربراہ نے یقین دہانی کرائی ہے کہ پاکستان اگر قیمتوں میں کمی کا جامع پلان پیش کرے تو اس پر غور کیا جائے گا۔
وزیراعظم نے اپنے حالیہ ابوظبی اور دبئی کے دوروں کے حوالے سے بتایا کہ ان کی ابوظبی میں یو اے ای کے صدر سے اہم ملاقات ہوئی، جس میں دوطرفہ تعلقات اور سرمایہ کاری کے امور پر تبادلہ خیال کیا گیا۔ اس موقع پر آرمی چیف جنرل عاصم منیر بھی موجود تھے۔ انہوں نے کہا کہ دبئی میں ہونے والی ورلڈ گورنمنٹ سمٹ میں پاکستان کی نمائندگی کی، جہاں مختلف ممالک کے رہنماؤں اور سرمایہ کاروں سے ملاقاتیں ہوئیں۔
شہباز شریف نے کہا کہ دبئی میں پاکستانی سرمایہ کاروں کے ساتھ ملاقات ہوئی، جنہوں نے کاروباری سہولتوں میں بہتری کے لیے قیمتی تجاویز دیں۔ وزیراعظم کے مطابق انہوں نے سرمایہ کاروں کو پاکستان کے دورے کی دعوت دی تاکہ وہ یہاں سرمایہ کاری کے مواقع سے فائدہ اٹھا سکیں۔
ملکی معیشت پر بات کرتے ہوئے وزیراعظم نے کہا کہ پاکستان نے میکرو اکنامک استحکام حاصل کر لیا ہے، لیکن ابھی مزید محنت کی ضرورت ہے تاکہ ملک کو اقتصادی طور پر خودمختار بنایا جا سکے۔ انہوں نے اس بات پر زور دیا کہ محنت ہی وہ واحد راستہ ہے جس سے پاکستان اپنے پاؤں پر کھڑا ہوگا اور قرضوں سے نجات حاصل کرے گا۔
وزیراعظم نے آئی ایم ایف کے مینیجنگ ڈائریکٹر کی جانب سے پاکستان کے اقتصادی اقدامات، وزیر خزانہ اور وزیر توانائی کی کاوشوں کی تعریف کرنے کو خوش آئند قرار دیا۔
انہوں نے فلسطین کے موجودہ حالات پر افسوس کا اظہار کرتے ہوئے کہا کہ غزہ میں 50 ہزار سے زائد افراد شہید ہو چکے ہیں، وہاں تعمیر نو کا کام فوری طور پر شروع ہونا چاہیے۔
وزیراعظم شہباز شریف نے پاکستان اور سری لنکا کے تعلقات کو بھی مثالی قرار دیتے ہوئے کہا کہ ماضی میں ڈینگی کی وبا کے دوران سری لنکن ڈاکٹروں نے پاکستان کی بھرپور مدد کی تھی، اور دونوں ممالک کے درمیان ہمیشہ برادرانہ تعلقات رہے ہیں۔
شہباز شریف کا کہنا تھا کہ سعودی عرب پاکستان کا انتہائی بااعتماد دوست اور برادر ملک ہے، اس کی سالمیت پر کسی قیمت پر آنچ نہیں آنے دیں گے۔
.ذریعہ: Jasarat News
کلیدی لفظ: آئی ایم ایف شہباز شریف نے کہا کہ انہوں نے
پڑھیں:
آزاد فلسطینی ریاست کا قیام ضروری ہے،جس کا دارالحکومت القدس الشریف ہو،وزیراعظم
ابو ظبی: وزیر اعظم شہباز شریف متحدہ عرب امارات کے صدر شیخ محمد بن زید النہان سے ملاقات کررہے ہیںدبئی (صباح نیوز/اے پی پی) وزیر اعظم شبہاز شریف نے فلسطین کے مسئلے کے 2 ریاستی حل کو خطے میں پائیدار امن کی کنجی قرار د یتے ہوئے کہا کہ 1967ء سے پہلے کی سرحدوں پر مشتمل ایک آزاد فلسطینی ریاست کا قیام ضروری ہے، جس کا دارالحکومت القدس الشریف ہو، پائیدار اور منصفانہ امن صرف 2 ریاستی حل کے ذریعے ہی ممکن ہے۔ دبئی میں وزیراعظم شہباز شریف نے ورلڈ گورنمنٹس سمٹ سے خطاب کرتے
ہوئے کہا کہ50 ہزار سے زاید فلسطینی شہید ہو چکے ہیں، مسئلہ فلسطین کا حل اقوام متحدہ کی قراردادوں کے مطابق ممکن ہے۔ ان کا کہنا تھا کہ گزشتہ 7 دہائیوں سے پاکستانی قوم کو بے شمار چیلنجز کا سامنا رہا، پاکستان معاشی تبدیلی کے دوراہے پر کھڑا ہے اور غیر معمولی چیلنجز کے باوجود پاکستانی معیشت بہتری کی جانب گامزن ہے ، ایک سال میں معاشی استحکام آیا ہے، مہنگائی کی شرح کم ہو کر2.4 فیصد تک آ چکی ہے، جو9 سال کی کم ترین سطح ہے، اسی طرح بنیادی شرح سود12 فیصد پر آگیا ہے۔ وزیراعظم نے کہا کہ جوہری، ہوا، پانی اور شمسی توانائی کے منصوبوں کو فروغ دے رہے ہیں، پن بجلی منصوبوں سے مزید13 ہزار میگاواٹ بجلی پیدا کرنے کی گنجائش میں اضافہ کریں گے‘ پاکستان کو گرین انرجی پر منتقلی کے لیے100 ارب ڈالر سرمایہ کاری درکار ہے۔ وزیر اعظم شہبازشریف نے متحدہ عرب امارات کے صدر شیخ محمد بن زاید النہیان اور نائب صدر و وزیر اعظم اور دبئی کے فرمانرواشیخ محمد بن راشد المکتوم سے ملاقات کی، ملاقات میں دوطرفہ تعاون پر تبادلہ خیال ہوا‘ ملاقات میں چیف آف آرمی اسٹاف جنرل سید عاصم منیر بھی شریک تھے ۔ شیخ محمد بن راشد المکتوم نے وزیر اعظم شہباز شریف کا پرتپاک خیرمقدم کرتے ہوئے پاکستان اور متحدہ عرب امارات کے مابین گہرے اور دیرینہ تعلقات کے عزم کا اعادہ کیا۔ وزیراعظم محمد شہباز شریف اور سری لنکا کے صدر انورا کمارا ڈسانائیکے نے دو طرفہ تعلقات کے اہم پہلوئوں بالخصوص تجارت، دفاع و سلامتی، تعلیم، مذہبی سیاحت اور کھیلوں کے شعبوں میں تعاون پر تبادلہ خیال کیا اور اعلیٰ سطح کے تبادلوں کو بڑھانے اور بہتر تعاون کے نئے مواقع تلاش کرنے پر بھی اتفاق کیا ہے۔ وزیراعظم محمد شہباز شریف اور بوسنیا اینڈ ہرزیگووینا کی چیئرپرسن برائے صدارت زلجکا سیویجانووچ نے دونوں ممالک کے درمیان تجارت و سرمایہ کاری سمیت مختلف شعبوں میں دوطرفہ تعلقات کو مزید فروغ دینے کے لیے رابطے بڑھانے پر اتفاق کیا ہے۔وزیراعظم محمد شہباز شریف نے کہا ہے کہ پاکستان نے خصوصی سرمایہ کاری سہولت کونسل کے ذریعے سرمایہ کاری کے طریقہ کار کو مزید سہل اور مجموعی کاروباری ماحول کو بہتر بنایا ہے ۔ منگل کو وزیرِ اعظم محمد شہباز شریف سے ورلڈ گورنمنٹس سمٹ کے موقع پر ڈی پی ورلڈ کے گروپ چیئرمین اور سی ای او سلطان احمد بن سلیم نے ملاقات کی۔
وزیراعظم اور آرمی چیف قومی معیشت کی ترقی کے لئے محنت کر رہے ہیں: گورنر سندھ