وزیر خزانہ محمد اورنگزیب سے برطانوی ہائی کمشنر کی ملاقات، اقتصادی تعاون پر تبادلہ خیال
اشاعت کی تاریخ: 12th, February 2025 GMT
وفاقی وزیر برائے خزانہ و محصولات سینیٹر محمد اورنگزیب سے پاکستان میں برطانوی ہائی کمشنر جین میریٹ سی ایم جی او بی ای نے ملاقات کی ہے۔
بدھ کو ہونے و الی ملاقات کے دوران دونوں فریقین نے باہمی دلچسپی کے امور بشمول جاری اقتصادی اصلاحات، مالی تعاون اور پاکستان میں برطانیہ کے سپورٹ پروگرامز کے تحت اقدامات پر تبادلہ خیال کیا۔
وزیر خزانہ نے برطانوی ہائی کمشنر کے ساتھ پاکستان کا معاشی جائزہ پیش کیا اور حکومت کے اصلاحاتی ایجنڈے کے بارے میں تازہ ترین معلومات فراہم کیں جس میں میکرو اکنامک استحکام کو جاری رکھنے اور معیشت کو برآمدات پر مبنی ترقی کی راہ پر گامزن کرنے پر توجہ مرکوز کی گئی ہے۔
وزیر خزانہ نے مالیاتی نظم و ضبط، معاشی استحکام اور پائیدار ترقی کے لیے حکومت کے عزم پر روشنی ڈالی۔ انہوں نے مختلف ترقیاتی اور گورننس پروگرامز کے ذریعے برطانیہ کی مسلسل حمایت کو بھی سراہا۔
اس موقع پر برطانوی ہائی کمشنر جین میریٹ نے پاکستان کے ساتھ برطانیہ کی مضبوط شراکت داری اور دوطرفہ اقتصادی تعلقات کو مزید مستحکم کرنے کے عزم کا اعادہ کیا۔
انہوں نے پبلک فنانشل مینجمنٹ، ریونیو موبلائزیشن اور معیشت جیسے کلیدی شعبوں میں مسلسل تعاون کی اہمیت پر بھی زور دیا۔
انہوں نے ریمٹ پروگرام میں ہونے والی پیشرفت کے بارے میں بھی اپنی رائے فراہم کی جس کا مقصد پاکستان میں محصولات کو متحرک کرنا اور ادارہ جاتی شفافیت کو بڑھانا ہے۔
وزیر خزانہ نے اس پروگرام کے فوائد اور خصوصیات کا اعتراف کیا اور پائیدار تکنیکی مدد اور استعداد کار بڑھانے کی کوششوں کی ضرورت پر زور دیا۔
فریقین نے اقتصادی تعاون بڑھانے کی نئی راہیں تلاش کرنے کے لیے مل کر کام جاری رکھنے پر بھی اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
استعداد کار اقتصادی تعاون برطانوی ہائی کمشنر پائیدار تکنیکی مدد جین میرٹ شفافیت کلیدی کلیدی شعبہ محمد اورنگزیب معیشت موبلائزیشن وزیر خزانہ.ذریعہ: WE News
کلیدی لفظ: استعداد کار اقتصادی تعاون برطانوی ہائی کمشنر پائیدار تکنیکی مدد شفافیت کلیدی کلیدی شعبہ محمد اورنگزیب موبلائزیشن برطانوی ہائی کمشنر
پڑھیں:
محمد اورنگزیب کے اعترافی بیان نے حکومت کے دعووں کا پول کھول دیا، بیرسٹر سیف
وفاقی وزیر خزانہ کے بیان پر ردعمل دیتے ہوئے مشیر اطلاعات خیبرپختونخوا کا کہنا تھا کہ وزیر خزانہ نے مہنگائی کے بے قابو ہونے اور ایف بی آر میں کرپشن کا اعتراف کیا ہے، وفاقی وزیر خزانہ نے حکومت کے دعوؤں کی حقیقت عوام کے سامنے رکھ دی ہے۔ اسلام ٹائمز۔ مشیر اطلاعات خیبرپختونخوا بیرسٹر ڈاکٹر سیف نے کہا ہے کہ وزیر خزانہ کے اعترافی بیان نے حکومت کے دعوؤں کا پول کھول دیا۔ وفاقی وزیر خزانہ محمد اورنگزیب کے بیان پر ردعمل دیتے ہوئے بیرسٹر سیف کا کہنا تھا کہ وزیر خزانہ نے مہنگائی کے بے قابو ہونے اور ایف بی آر میں کرپشن کا اعتراف کیا ہے، محمد اورنگزیب نے حکومت کے دعوؤں کی حقیقت عوام کے سامنے رکھ دی ہے۔ انہوں نے مزید کہا کہ وزیراعظم شہباز شریف اور وزیر خزانہ محمد اورنگزیب ایک پیج پر نظر نہیں آتے، حکومت دعوؤں کے بجائے عوام کو حقیقی ریلیف فراہم کرے۔
یاد رہے کہ گزشتہ روز وزیر خزانہ محمد اورنگزیب نے مہنگائی میں کمی کے اثرات عوام تک نہ پہنچنے اور ایف بی آر میں کرپشن روکنے میں حکومت کی ناکامی کا اعتراف کیا تھا، ان کا کہنا تھا کہ چینی، مرغی اور دالوں کی قیمتوں پر نظر ہے، عالمی سطح پر قیمتیں کم ہو رہی ہیں اور یہاں اوپر جارہی ہیں، مڈل مین من مانی کر رہے ہیں۔
محمد اورنگزیب نے ایف بی آر میں کرپشن کا اعتراف کرتے ہوئے تاجروں سے اپیل کی کہ رشوت نہ دیں اور کہا کہ ایسے لوگوں کو فارغ کر رہے ہیں جو بدعنوانی میں ملوث ہیں۔ وزیر خزانہ کا کہنا تھا کہ رشوت کی تالی دونوں ہاتھوں سے بجتی ہے، اگر ٹیکس نظام میں رشوت لینے والے موجود ہیں تو انہیں رشوت دینے والے بھی ہیں۔
اسٹیک ہولڈرز کی شمولیت سے ہی بہتر عدالتی اصلاحات ممکن ہے، چیف جسٹس