اروشی روٹیلا کا ’’غیر اخلاقی‘‘ ڈانس؛ شدید تنقید پر اداکارہ کا ردعمل سامنے آگیا
اشاعت کی تاریخ: 12th, February 2025 GMT
ممبئی (شوبز ڈیسک )بھارتی اداکارہ اروشی روٹیلا اپنی نئی فلم ’’ڈاکو مہاراج‘‘ کے ایک گانے میں فحش ڈانس کے بعد سوشل میڈیا پر تنقید کا نشانہ بنی ہوئی ہیں۔
اروشی روٹیلا اور ننداموری بالا کرشنا کی فلم کے گانے ’’دابیدی ڈبیدی‘‘ کی کوریو گرافی کو سوشل میڈیا صارفین نے ’’غیر اخلاقی‘‘ قرار دیا ہے۔
گانے کی ویڈیو میں 64 سالہ اداکار کے ساتھ اروشی روٹیلا کے کچھ ایسے مناظر دکھائے گئے ہیں جن پر لوگوں نے شدید تنقید کی ہے اور اسے فحش قرار دیا جارہا ہے۔
گانے پر شدید تنقید کے بعد اروشی روٹیلا نے اپنی خاموشی توڑتے ہوئے کہا ہے کہ انہوں نے کچھ غیر معمولی نہیں کیا، اور انہیں اس طرح کے ردعمل کی توقع نہیں تھی۔
اروشی کا کہنا ہے کہ ’’دابیدی ڈبیدی‘‘ گانا بالا کرشنا کے مداحوں کےلیے ڈیزائن کیا گیا تھا، اور اس کے بول بھی ان کی سوچ کے مطابق ترتیب دیے گئے تھے۔
انہوں نے کہا، ’’جب آپ میرے ریہرسل کلپس دیکھیں گے، تو آپ کو پتہ چلے گا کہ سب کچھ بہت اچھا ہوا۔ یہ کسی بھی دوسرے گانے کی طرح تھا۔ میں ماسٹر شیکھر کے ساتھ کام کر رہی تھی، جن کے ساتھ میں نے پہلے بھی تین بار کام کیا ہے۔ تو ایسا نہیں تھا کہ میں کچھ غیر معمولی کر رہی تھی۔‘‘
اداکارہ کا کہنا تھا کہ ریہرسل کے دوران سب کچھ منصوبے کے مطابق تھا، اور انہیں اس طرح کے ردعمل کی توقع نہیں تھی۔ انہوں نے مزید کہا کہ ’’لیکن سچ کہوں تو، سب کچھ اچانک ہوا، اور یہ جاننا مشکل ہے کہ لوگ کوریوگرافی کے بارے میں ایسا کیوں کہہ رہے ہیں۔ ہمیں اندازہ نہیں تھا کہ یہ اس طرح قبول کیا جائے گا، کیونکہ ریہرسل کے دوران سب کچھ منصوبے کے مطابق تھا۔‘‘
اروشی نے اپنے انٹرویو میں یہ بھی کہا کہ وہ تعمیری تنقید کو قبول کرتی ہیں، لیکن وہ اسے اپنے کام کے جذبے پر حاوی نہیں ہونے دیتیں۔ گانے پر تنقید سے متعلق انہوں نے کہا ’’ہم نے کبھی نہیں سوچا تھا کہ لوگ اس کے بارے میں اس طرح بات کریں گے۔ ہم نے سوچا تھا کہ ہمیں مثبت ردعمل ملے گا۔‘‘
’’دابیدی ڈبیدی‘‘ گانے میں بالا کرشنا کے کچھ مشہور ڈائیلاگ بھی شامل ہیں۔ یہ گانا واگدیو نے گایا ہے، جبکہ بول کیسرلا شیام نے لکھے ہیں اور موسیقی ایس تھامن نے ترتیب دی ہے۔
یاد رہے کہ بوبی کولی کی ہدایتکاری میں بننے والی فلم ’’ڈاکو مہاراج‘‘ 12 جنوری کو مکڑ سانکرانتی کے موقع پر ریلیز ہوئی۔ اس فلم کے ذریعے بالی ووڈ اداکار بوبی دیول نے تیلگو فلموں میں انٹری دی ہے، جس میں وہ ولن کا کردار ادا کررہے ہیں۔
مزیدپڑھیں:اسلام آباد ہائیکورٹ نے نابالغ بیٹے کی بازیابی کے لیے دائر درخواست پر فیصلہ سنادیا،فوری بازیابی کاحکم
ذریعہ: Daily Ausaf
کلیدی لفظ: اروشی روٹیلا انہوں نے سب کچھ تھا کہ
پڑھیں:
’جن کے پاس آپشن ہے ان کا پاکستان میں رہنا نہیں بنتا‘، خواجہ آصف کا پاکستان بائیکاٹ کی دھمکی پر سخت ردعمل
ڈمپر ایسوسی ایشن کے صدر لیاقت محسود نے گزشتہ دونوں پاکستان کے بائیکاٹ کی دھمکی تھی۔ انہوں نے دعویٰ کیا تھا کہ ان کی 11 گاڑیوں کو جلایا گیا ہے اور پھر حکومت سے مطالبہ کیا تھا کہ ان کے ڈمپروں کو جلانے والے افراد کو گرفتار کیا جائے۔
لیاقت محسود کے پاکستان کے بائیکاٹ کی دھمکی دینے پر صارفین سیخ پا ہو گئے تھے اور ان کے خلاف ٹویٹس کرتے ہوئے کہا تھا کہ یہ شخص پاکستان کے بائیکاٹ کا کہہ رہا ہے اس لیے انہیں ان کے اپنے لوگوں کے درمیان بھیج دیا جائے جبکہ کئی صارفین نے ان کی گرفتاری کا مطالبہ بھی کیا تھا۔
ڈمپر ایسوسی ایشن کے صدر کی حکومت کو دھمکیاں
میں پاکستان سے بائیکاٹ کروں گا
مختلف مقامات پر ہماری 11 گاڑیوں کو جلا دیا گیا ،لیاقت محسود
اگر انصاف نا ملا تو ہم خود دیکھ لیں گے ،رہنما ڈمپرز ایسوسی ایشن لیاقت محسود pic.twitter.com/zn8UvvsU9d
— ShiRaz Saeed???????? (@Srkhanofficial) April 9, 2025
اب اس حوالے سے وفاقی وزیر دفاع خواجہ آصف نے سماجی رابطوں کی سائیٹ ایکس پر تبصرہ کرتے ہوئے کہا ہے کہ جن کے پاس پاکستان کے علاوہ کوئی اور آپشن ہے اور وہ اس آپشن استعمال کرنے کا برملا اظہار بھی کرتے ہیں۔ ان کا پاکستان میں رہنا بنتا ہی نہیں ہے۔ پاکستان کی مٹی اول اور آخر آپشن ہے۔ آخر میں انہوں نے پاکستان پائیندہ باد کا نعرہ لگایا۔
جن کے پاس پاکستان کے علاوہ کوئ اور آپشن ھے اور وہ وہ آپشن استعمال کرنے کا بر ملا اظہار بھی کرتے ھیں۔ انکا پاکستان میں رہنا بنتا نہیں۔ پاکستان کی مٹی اول اور آخر آپشن ھے۔ پاکستان پائیندہ باد https://t.co/68cFSiQFu0
— Khawaja M. Asif (@KhawajaMAsif) April 10, 2025
یاد رہے کہ گزشتہ دنوں کراچی کےعلاقے نارتھ کراچی پاور ہاؤس کے قریب تیز رفتار ڈمپر نے موٹر سائیکل سوار کو ٹکر مار دی تھی جس کے بعد مشتعل افراد نے متعدد ڈمپروں کو آگ لگا دی تھی۔
یہ بھی پڑھیں: ڈمپر ایسوسی ایشن کے صدر لیاقت محسود کی پاکستان کے بائیکاٹ کی دھمکی، صارفین کا گرفتاری کا مطالبہ
ڈمپروں کو آگ لگانے کے خلاف ڈمپر ایسوسی ایشن کی جانب سے سپر ہائی وے پر احتجاج کیاگیا، جس کی وجہ سے ٹریفک کی روانی معطل ہوئی۔
واضح رہے کہ پولیس کا کہنا ہےکہ کراچی میں 99 روز میں ہیوی گاڑیوں کی ٹکر سے جاں بحق افراد کی تعداد 78 ہوگئی ہے۔
اس کے علاوہ کراچی میں رواں سال اب تک ٹریفک حادثات میں جاں بحق افرادکی تعداد 256 ہوچکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خواجہ آصف ڈمپر آگ ڈمپر ایسوسی ایشن ڈمپر ایسوسی ایشن کے رہنما لیاقت محسود کراچی حادثات
افغانستان سے دراندازی پھر ناکام، 8 خوارج ہلاک، 4 گرفتار