آپ کی جماعت نے بڑی گرمجوشی سے آرمی سے متعلق قانون بنایا تھا، جسٹس نعیم کا سلمان اکرم سے مکالمہ
اشاعت کی تاریخ: 12th, February 2025 GMT
سپریم کورٹ آئینی بینچ میں زیر سماعت فوجی عدالتوں میں سویلینز کے ٹرائل سے متعلق انٹرا کورٹ اپیل میں سزا یافتہ ملزم کے وکیل سلمان اکرم راجا کے دلائل آج بھی مکمل نہ ہو سکے، عدالت نے کیس کی سماعت کل تک کیلئے ملتوی کردی۔
سپریم کورٹ کے جسٹس امین الدین خان کی سربراہی میں سات رکنی آئینی بینچ نے فوجی عدالتوں میں سویلین کے ٹرائل سے متعلق انٹراکورٹ اپیل پر سماعت کی، سزا یافتہ مجرم ارزم جنید کے وکیل سلمان اکرم راجا عدالت میں پیش ہوئے۔
جسٹس جمال مندو خیل نے استفسار کیا کہ اگر بنیادی حقوق دستیاب نہ ہوں اور کسی ایکٹ کے ساتھ ملا لیا جائے، تو کیا بنیادی حقوق متاثر ہوں گے؟
سلمان اکرم راجا نے موقف اپنایا کہ آرمی ایکٹ ایک بلیک ہول ہے، اس میں کوئی بھی ترمیم ہوئی تو بنیادی حقوق ختم ہو جائیں گے، قانون کے مطابق جرم کا تعلق آرمی ایکٹ سے ہونا ضروری ہے۔
جسٹس جمال مندو خیل نے استفسار کیا کہ اگر آرمڈ فورسز کا کوئی شخص گھر بیٹھے کوئی جرم کرتا ہے تو کیا اس پر بھی آرمی ایکٹ کا اطلاق ہو گا؟ سلمان اکرم راجا نے موقف اپنایا کہ مثال کے طور پر پنجاب میں پتنگ اڑانا منع ہے، اگر کوئی پنجاب میں گھر میں پتنگ اڑاتا ہے تو وہ ملٹری کورٹ میں نہیں جائے گا، اس پر بھی سویلین قانون لاگو ہوگا۔
جسٹس جمال مندو خیل نے استفسار کیا کہ گھریلو مسلئہ ہے، اگر پہلی بیوی کی مرضی کے بغیر دوسری شادی کر لی جائے، تو کیا اسے آرٹیکل تھری میں ڈال کر ملٹری کورٹ بھیجا جائے گا؟ سلمان اکرم راجا نے کہا کہ لیاقت علی کیس میں بھی یہی ہوا، وہاں بھی آرٹیکل تھری کو شامل کیا گیا، جہاں تک بات رہی بنیادی حقوق کی، اس کے دروازے بند نہیں ہوں گے۔
جسٹس نعیم اختر افغان نے سلمان اکرم راجا کو مخاطب کرکے کہا کہ ہلکے پھلکے انداز میں کہہ رہا ہوں، بُرا نہ مانیے گا، آپ کی ایک سیاسی جماعت کے ساتھ آجکل سیاسی وابستگی بھی ہے، جب آپ کی سیاسی پارٹی کی حکومت تھی اس وقت آرمی ایکٹ میں ایک ترمیم کی گئی، اس وقت پارلیمنٹ نے بڑی گرم جوشی کے ساتھ آرمی ایکٹ سے متعلق قانون سازی کی۔
سلمان اکرم راجا نے موقف اختیار کیا میں اس وقت پی ٹی آئی کا حصہ نہیں تھا، میں تو ہمیشہ اپوزیشن والی سائیڈ پر رہا۔
جسٹس محمد علی مظہر نے استفسار کیا کہ کیا ٹو ون ڈی کی حیثیت پر ہر مرتبہ سپریم کورٹ جوڈیشل ریویو کیوں کرے؟ سلمان اکرم راجا نے جواب دیا کہ لیگل فریم ورک تبدیل ہوجائے تو عدالتی نظرثانی کی جا سکتی ہے۔
جسٹس نعیم اختر افغان نے استفسار کیا کہ کیا ٹو ون ڈی کے لیے 1967 میں آرڈیننس لایا گیا، آرڈیننس کی ایک معیاد ہوتی ہے، کہیں ایسا تو نہیں آرڈیننس معیاد ختم ہونے پر متروک ہو گیا ہو؟ جس پر سلمان اکرم راجا نے جواب دیا کہ میں عدالتی وقفہ کے دوران چیک کر لیتا ہوں۔
جسٹس جمال مندو خیل نے ریمارکس دیے کہ سول سروس میں کوئی شخص ایسا جرم کرتا ہے تو اسے نوکری سے نکالا جاتا ہے، سول سروس میں سزا دینے کا اختیار موجود نہیں ہے، آرمڈ فورسز میں ایک طرف نوکری سے نکالاجاتا ہے تو دوسری طرف سزا بھی دی جاتی ہے۔
جسٹس محمد علی مظہر نے استفسار کیا کہ اگر کوئی جاسوس پکڑا جاتا ہے تو اس کا ٹرائل کہاں کریں گے؟ جسٹس جمال مندو خیل نے ریمارکس دیے کہ آپ کو بتانا پڑے گا کہ آرمی ایکٹ کا اطلاق ہوتا کس پر ہے؟ سلمان اکرم راجا نے کہا ایسا نہیں کہ ٹو ون ڈی کے بغیر ریاست کا کاروبار نہیں چل سکتا۔
جسٹس حسن اظہر رضوی نے استفسار کیا اگر کوئی سویلین مڈل مین دشمن ملک کے ورغلانے پر راز ان کے حوالے کر دے تو اسکا ٹرائل کہاں ہوگا؟ سلمان اکرم راجا نے موقف اپنایا اس کا ٹرائل آفیشیل سیکرٹ ایکٹ کے تحت ہوگا، آفیشیل سیکرٹ ایکٹ کے تحت ٹرائل کا مکمل طریقہ کار موجود ہے، میں اصول اور قانون کے خلاف اپنی مرضی سے توڑ موڑ کر دلائل نہیں دوں گا۔
جسٹس جمال مندو خیل نے پوچھا کہ چاہے نتائج آپ کے خلاف ہی کیوں نا ہوں؟ سلمان اکرم راجا نے کہا کہ بے شک، میں آئین کے خلاف کوئی بات نہیں کروں گا، کلبھوش کا کیس آپ کے سامنے ہے، دنیا میں ایسا کہیں نہیں ہوتا کہ آئین بنیادی حقوق دے اور کوئی ایک انگلی کے اشارے سے بنیادی حقوق چھین لے، ایسا نہیں ہو سکتا کہ کمانڈنگ آفیسر کہے مجھے ارزم جنید چاہیے، اسے میرے حوالے کرو۔
دوران سماعت جسٹس محمد علی مظہر نے سوال کیا کہ 5 رکنی بینچ نے سیکشن ٹو ڈی ختم کردیا، سیکشن ٹو ڈی ختم ہونے کے بعد جاسوس عناصر کا ملٹری ٹرائل نہیں ہو سکتا، آرمی میں سول ملازمین بھی ہوتے ہیں، اگر سول ملازم کی آڑ میں دشمن ملک کے لیے جاسوسی کرے، ایسے سول ملازم جاسوس کا ٹرائل کہاں ہوگا؟ سلمان اکرم راجا نے جواب دیا آرمی میں موجود سول ملازمین کو آرمی ایکٹ کے تابع ہوتے ہیں۔
دوران سماعت جسٹس جمال مندو خیل نے استفسار کیا کیا ہم آئین کے پابند ہیں یا عدالتی فیصلے کے پابند ہیں؟ سلمان اکرم راجا نے جواب دیا سپریم کورٹ فیصلے کا احترام ہے، لیکن عدالت کے لیے ضروری نہیں، جسٹس جمال مندو خیل نے استفسار کیا اگر آئین میں تبدیلی ہو جائے تو کیا ہوگا؟ سلمان اکرم راجا نے جواب دیا پھر تو صورتحال ہی مختلف ہوگی۔
جسٹس محمد علی مظہر نے ریمارکس دیے ہم نے مرکزی فیصلے پر نظرثانی کرنی ہے، یکسانیت بھی لانی ہے، تشریح بھی کرنی ہے، پتہ نہیں اور کیا کیا کرنا ہے۔
سلمان اکرم راجا نے موقف اختیار کیا کہ بند دروازوں کے پیچھے شفاف ٹرائل نہیں ہو سکتا، 19ویں صدی والا کورٹ مارشل اب پوری دنیا میں تبدیل ہو چکا ہے، 2025 میں 1860 والے کورٹ مارشل کی کارروائی کا اطلاق یونیفارم پرسنل پر بھی نہیں ہو سکتا، پتہ نہیں دو سال تک کیا ہوتا رہا، ایک کاغذ تک باہر لے کر جانے کی اجازت نہیں تھی، ضمانت کا حق بھی حاصل نہیں، برطانیہ میں جج ایڈووکیٹ جنرل کی تعیناتی ہائی کورٹ ججز تعیناتی کرنے والے جوڈیشل کمیشن کے ذریعے ہوتی ہے۔
دوران سماعت اعتزاز احسن نے موقف اختیار کیا کہ ایف بی علی کیس میں ایاز سپرا اور میجر اشتیاق آصف کا وکیل رہا، اس وقت ٹرائل اٹک جیل میں ہوتا تھا، ٹرائل کے بعد ریکارڈ جلا دیا جاتا تھا، جب ٹرائل ختم ہوتا ہماری اٹک قلع سے نکلتے وقت مکمل تلاشی لی جاتی تھی، ایک کاغذ تک نہیں لے کر جانے دیا جاتا تھا۔
جسٹس مسرت ہلالی نے ریمارکس دیے کہ اس وقت مارشل لا کا دور تھا، سلمان اکرم راجا نے موقف اختیار کیا مجھے بطور وکیل روزانہ اڈیالہ جیل میں یہی سہنا پڑتا ہے۔
جسٹس مسرت ہلالی نے استفسار کیا کہ اتنی تلاشی کیوں لی جاتی ہے؟ سلمان اکرم راجا نے جواب دیا کہ میری ٹائی تک کی تلاشی لی جاتی ہے، وکیل عزیر بھنڈاری نے کہا کہ مجھ سے تو ایک مرتبہ ٹشو پیپر تک لے لیا گیا تھا۔
جسٹس امین الدین خان نے سلمان اکرم راجا سے کہا کہ اپ دلائل اس کیس تک ہی محدود رکھیں، سلمان اکرم راجا نے اپنے دلائل جاری رکھتے ہوئے کہا کہ آپ مجھے 10 سال سزا دے دیں اور کہیں آپ کو اپیل کا حق نہیں، کیس کوئی اور سنتا ہے، فیصلہ کوئی اور جاری کرتا ہے، دنیا میں کورٹ مارشل کے لیے دو ماڈلز اپنائے گئے ہیں، دنیا میں ٹرائل کے لیے قابل ججز کو بھرتی کیا جاتا ہے، یہاں کنوکشن ریٹ 95 فیصد ہے، دنیا میں کہیں ایسا نہیں ہوتا کہ اعتراف کی بنیاد پر سزا ہو جائے، اعتراف کی بنیاد پر سزا ہمارا ہی انوکھا طریقہ ہے، دنیا میں پورا نظام بدل کر رکھ دیا گیا ہے، دنیا میں اوپن ٹرائل کا تصور بھی موجود ہے۔
جسٹس امین الدین خان نے ریمارکس دیے ہمارے سامنے جو معاملہ ہے ہم نے اس کے مطابق فیصلہ کرنا ہے، عدالت نے کیس کی سماعت کل تک ملتوی کر دی، کل بھی سلمان اکرم راجا اپنے دلائل جاری رکھیں گے۔
.ذریعہ: Daily Mumtaz
کلیدی لفظ: سلمان اکرم راجا نے جواب دیا سلمان اکرم راجا نے موقف جسٹس محمد علی مظہر نے نے موقف اختیار کیا نے ریمارکس دیے نہیں ہو سکتا بنیادی حقوق سپریم کورٹ آرمی ایکٹ دنیا میں کا ٹرائل جاتا ہے ایکٹ کے کے لیے نے کہا ختم ہو تو کیا کہا کہ
پڑھیں:
سول ملازم ملازمت کی آڑ میں دشمن ملک کے لیے جاسوسی کرے تو ٹرائل کہاں ہوگا؟.آئینی بینچ کا سوال
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔12 فروری ۔2025 )سپریم کورٹ نے قراردیا ہے کہ آرمی میں سول ملازمین بھی ہوتے ہیں اگر سول ملازم ملازمت کی آڑ میں دشمن ملک کے لیے جاسوسی کرے تو ٹرائل کہاں ہوگا؟عدالت عظمی میں سویلین کے فوجی عدالتوں میں ٹرائل سے متعلق اپیلوں کی سماعت کے دوران آئینی بینچ کے جج جسٹس محمد علی مظہر نے اہم نکات اٹھائے.(جاری ہے)
سپریم کورٹ آئینی عدالت کے سات رکنی بینچ نے جسٹس امین الدین خان کی سربراہی میں فوجی عدالتوں میں سویلینز کے ٹرائل سے متعلق درخواستوں کی سماعت کی بینچ میں دیگر ججوں میں جسٹس جمال خان مندوخیل‘ جسٹس نعیم اختر افغان‘ جسٹس حسن اظہر رضوی‘ جسٹس مسرت ہلالی‘ جسٹس محمد مظہر علی اور جسٹس شاہد بلال حسن شامل ہیں دوران سماعت وکیل بیرسٹر سلمان اکرم نے دلائل دیے جسٹس محمد علی مظہر نے دوران سماعت دلائل سنتے ہوئے ریمارکس دیے کہ پانچ رکنی بینچ نے سیکشن ٹو ڈی ختم کر دیا تھا سیکشن ٹو ڈی ختم ہونے کے بعد جاسوس عناصر کا ملٹری ٹرائل نہیں ہو سکے گا. سلمان اکرم راجہ نے کہا کہ آرمی میں موجود سول ملازمین آرمی ایکٹ کے تابع ہوتے ہیں جسٹس محمد علی مظہر نے استفسار کیا کہ آرمی ایکٹ کے تابع ہونے پر نوکری سے فارغ کردیا جائے گا لیکن سیکشن ٹو ڈی کی عدم موجودگی میں ٹرائل کہاں ہو گا؟ جسٹس جمال مندوخیل نے بھی سوال اٹھایا کہ آرمی ایکٹ کے تابع سول ملازم جاسوسی پر تادیبی کاروائی الگ اور ملٹری ٹرائل الگ ہو گا؟ سلمان اکرم راجہ نے جواباً کہا کہ ایسا نہیں کہ ٹو ون ڈی شق کے بغیر ریاست کا کاروبار نہیں چل سکتا. ایڈووکیٹ انعام الرحیم نے کہاکہ 1965 کی پاکستان اور انڈیا کی جنگ کے بعد دونوں ملکوں کے درمیان جو مذاکرات ہوئے تھے ان کے خلاف پاکستان میں بھی مظاہرے شروع ہو گئے تھے جس کے بعد آرمی ایکٹ میں ٹو ون ڈی کا اضافہ کیا گیا تھا جس کے تحت عام شہریوں کے مقدمات بھی فوجی عدالتوں میں چلائے جا سکتے تھے. جسٹس حسن اظہر رضوی نے استفسار کیا کہ اگر کوئی سویلین مڈل مین خفیہ راز دشمن کے حوالے کرنے تو ٹرائل کہاں ہو گا؟ سلمان اکرم راجہ نے جواب دیا کہ اس کا ٹرائل سپیشل انڈر آفیشیل سیکرٹ ایکٹ کے تحت ہو گا آفیشیل سیکرٹ ایکٹ کے تحت ٹرائل کا مکمل طریقہ کار موجود ہے میں اصول اور قانون کے خلاف اپنی مرضی سے توڑ موڑ کر دلائل نہیں دوں گا کلبھوشن کا کیس آپ کے سامنے ہے دنیا میں ایسا نہیں ہوتا آئینی بنیادی حقوق دے کر ایک انگلی کے اشارے سے چھین لیے جائیں ایسا نہیں ہو سکتا کہ کمانڈنگ آفیسر کہے مجھے فلاں ملزم کو میرے حوالے کرو. سلمان اکرم راجہ نے کہا کہ میں نے ریکارڈ چیک کیا ہے دسمبر 1967 میں پارلیمنٹ کے ذریعے سیکشن ٹو ون ڈی ٹو کی منظوری کی گئی تھی سپریم کورٹ ایف بی علی کیس پر نظرثانی کیے بغیر آرمی ایکٹ کی شقوں کا جائزہ لے سکتی ہے جسٹس جمال خان مندوخیل نے پوچھا کہ کیا ہم آئین کے پابند ہیں یا عدالتی فیصلے کے پابند ہیں سلمان راجہ نے جواب دیا کہ سپریم کورٹ کے فیصلے کا احترام ہے لیکن عدالت کے لیے ضروری نہیں ہیں . جسٹس جمال خان مندوخیل نے کہاکہ اگر آئین میں تبدیلی ہو جائے تو کیا ہو گا؟ سلمان اکرم راجہ نے جواب دیا کہ پھر تو صورت حال ہی مختلف ہو گی ایف بی علی کیس فیصلے کے وقت آرٹیکل 175 کی شق تین نہیں تھی جسٹس محمد علی مظہر نے ریمارکس دیے کہ ہم نے مرکزی فیصلے پر نظرثانی کرنی ہے یکسانیت بھی لانی ہے تشریح بھی کرنی ہے پتہ نہیں اور کیا کیا کرنا ہے. سلمان راجہ نے دلائل دیتے ہوئے کہا کہ بند دروازوں کے پیچھے شفاف ٹرائل نہیں ہو سکتا 19ویں صدی والا کورٹ مارشل اب پوری دنیا میں تبدیل ہو چکا ہے 2025 میں 1860 والے کورٹ مارشل کی کارروائی کا اطلاق یونیفارم پرسنل پر بھی نہیں ہو سکتا پتہ نہیں دو سال تک کیا ہوتا رہا ایک کاغذ تک باہر لے کر جانے کی اجازت نہیں تھی ضمانت کا حق بھی حاصل نہیں. سنیئرقانون دان بیرسٹر اعتزاز احسن نے کہا کہ میں ایف بی علی کیس میں ایاز سپرا اور میجر اشتیاق آصف کا وکیل رہا اس وقت ٹرائل اٹک جیل میں ہوتا تھا ٹرائل کے بعد ریکارڈ جلا دیا جاتا تھا جب ٹرائل ختم ہوتا ہماری اٹک قلعے سے نکلتے ہوئے مکمل تلاشی کی جاتی تھی ایک کاغذ تک نہیں لے کر جانے دیا جاتا تھا جسٹس مسرت ہلالی نے ریمارکس دیے کہ اس وقت مارشل لاءکا دور تھا. دوران سماعت جسٹس نعیم اختر افغان کا سلمان راجہ سے دلچسپ مکالمہ بھی ہوا جسٹس نعیم اختر افغان نے کہا کہ ہلکے پھلکے انداز میں کہہ رہا ہوں برا نہ مانیے گا آپ کی ایک سیاسی جماعت کے ساتھ آج کل سیاسی وابستگی بھی ہے جب آپ کی سیاسی پارٹی کی حکومت تھی اس وقت آرمی ایکٹ میں ایک ترمیم کی گئی اس وقت پارلیمنٹ نے بڑی گرم جوشی کے ساتھ آرمی ایکٹ سے متعلق قانون سازی کی. سلمان اکرم راجہ نے جواب دیا کہ میں اس وقت پی ٹی آئی کا حصہ نہیں تھامیں تو ہمیشہ اپوزیشن کی طرف رہا اس کے بعد عدالت نے سماعت کل تک ملتوی کر دی سلمان اکرم راجہ جمعرات کو بھی اپنے دلائل جاری رکھیں گے سلمان اکرم راجہ کی جانب سے اعتزاز احسن لطیف کھوسہ فیصل صدیقی دلائل دیں گے جبکہ وزارت دفاع کے وکیل کے دلائل مکمل ہو چکے ہیں.
لبنان میں حزب اللہ کے ٹھکانوں پر اسرائیلی حملے